Македонија

Џафери на средба со новата амбасадорка на Австралија, Рут Карис Стјуарт

Претседателот на Собранието, Талат Џафери, денеска оствари средба со новоименуваната амбасадорка на Австралија во Република Македонија, со седиште во Белград ,Рут Карис Стјуарт.

На почетокот на средбата, претседателот Џафери и посака топло добредојде во Република Македонија, констатирајќи дека тоа е одраз на континуитетот во пријателските односи меѓу двете земји. Посетата на министерот за надворешни работи на Австралија Бишоп минатата година, претставува дополнителен стимул за реализација на взаемни билатерални посети.

Претседателот Џафери исто така изрази интерес за унапредување и интензивирање на соработката на парламентарно ниво, на ниво на претседатели на парламенти и преку групите за пријателство и соработка, кои и покрај географската дистанца, се формираат на редовна основа на почетокот на секој парламентарен мандат, на тој начин потврдувајќи го интересот на пратениците за поблиска меѓусебна соработка. Тој ја информираше соговорничката за тековните активности на Собранието на Република Македонија кое е овластен носител на јавната кампања за претстојниот референдум и за преземените чекори во однос на Евроатланските интеграции на земјата во изминатиот период.

Амбасадорката Стјуарт, заблагодарувајќи се за можноста за размена на мислења, особено во овој интензивен период на меѓународни посети, искажа подготвеност да го одржи степенот на комуникација на нејзината претходничка и да даде свој придонес во подобрувањето на односите меѓу двете држави, особено на поле на образованието и испраќање на студенти од Република Македонија на универзитетите во Австралија. Таа ја потенцираше важноста од позитивен исход од референдумот, што е од интерес и за Австралија. За Договорот со Република Грција, истакна дека може да послужи за пример на успешно заокружување на преговори за целиот регион, а неговата имплементација останува клучна во следните месеци.

Џафери и Стјуарт беа согласни дека треба да се интензивира соработката на економски план во иднина, да се олесни визниот режим за граѓаните на Република Македонија, а бројната дијаспора од Македонија во Австралија да послужи како мост во подобрувањето на целокупните врски меѓу двете земји.

Регион

Локалните избори во Србија и изборите во Белград ќе се одржат на 2 јуни

Претседателката на српскиот парламент, Ана Брнабиќ, за недела, 2 јуни, распиша локални избори во 66 единици на локалната самоуправа во Србија.

Во своето обраќање во српскиот парламент, Брнабиќ рече дека распишувањето на локалните избори за 2 јуни, кога ќе се одржат и изборите во Белград, е резултат на „успешниот дијалог“ и усвојувањето со двотретинско мнозинство во парламентот на измените и дополнувањата на законот за локални избори.

- Среќна сум што испративме порака од парламентот до сите наши граѓани дека како нивни избрани претставници сме способни да постигнеме договор и покрај сите наши разлики. Ваквиот договор е победа на сите одговорни луѓе, рече претседателката на српскиот парламент.

Веднаш потоа, претседателот на привремената управа на Белград, Александар Шапиќ, за недела, 2 јуни, распиша избори во 17 белградски општини.

Шапиќ рече дека од денеска почнуваат роковите за спроведување на изборните дејствија.

- Им посакувам среќа на сите учесници на изборите и на граѓаните кои покрај претставниците во собранијата на градските општини избираат и свои претставници за Собранието на град Белград, рече Шапиќ.

Свет

Украина ги повлекува американските тенкови „Абрамс“ од првата борбена линија

Украина ги отстрани борбените тенкови „Абрамс М1А1“ од фронтот, потврдија двајца американски воени претставници.

Ваквиот потег тие го објаснија со тоа што руските беспилотни летала ја отежнале операцијата на тенковите.

Украина ги отстрани борбените тенкови „Абрамс М1А1“ од фронтот, потврдија двајца американски воени претставници. Ваквиот потег тие го објаснија со тоа што руските беспилотни летала ја отежнале операцијата на тенковите.

САД се согласија да испратат 31 „Абрамс“ во Украина во јануари 2023 година по агресивната повеќемесечна кампања на Киев. Украинците тврдат дека тенковите, кои чинат околу 10 милиони долари по парче, се клучни за нивната способност да ги пробијат руските линии.

Пет од 31 тенк веќе се изгубени во руските напади. Висок американски воен функционер, кој сакаше да остане анонимен, истакна дека ширењето на беспилотните летала на украинското бојно поле значи дека „нема отворен терен преку кој можете само да возите без страв дека ќе бидете откриени“.

Дека тенковите се поместени од линијата на фронтот потврди и потпретседателот на Здружениот Генералштаб Кристофер Грејди, но најави и дека Вашингтон ќе му помогне на Киев да подготви нова тактика.

-Кога размислувате за начинот на кој борбата еволуирала, масивниот оклоп во средина каде што се присутни беспилотни воздушни системи може да биде изложен на ризик. Ќе работиме со нашите украински партнери и другите партнери на теренот, за да им помогнеме да размислат како можат да ги користат, во таква променета средина, каде што сè е веднаш видливо, рече тој, додавајќи дека тенковите се сè уште важни.

Македонија

Кривична пријава против велешанка за употреба на исправа со невистинита содржина

Велешката полиција поднесе кривична пријава против М.В.(44) од Велес, поради постоење на основи на сомнение за сторено кривично дело „употреба на исправа со невистинита содржина“.

Како што информираат денеска од МВР, пријавената, на функција директор во општинска јавна установа за деца - детска градинка во Велес, прибавила меѓународно признаен сертификат за познавање на англиски јазик со нејзино име, издадена од училиште за јазици од Пловдив, Бугарија.

Иако знаела дека исправата е со невистинита содржина, М.В. ја употребила како доказ дека поседува меѓународно признаен сертификат при нејзиното аплицирање на Јавен оглас за избор на директор на детската градинка, по што и била именувана на функцијата.