Претставници на ИФЦ од групацијата на СБ на средба со Заев, најавена поголема поддршка на приватниот сектор

Премиерот Зоран Заев, се сретна со делегација на Меѓународната финансиска групација, дел од Светска банка, предводена од Вебке Шлумер, регионална директорка за Европа и Централна Азија и Томас Лубек.

Со соговорничката се согласиле дека иднината на Македонија, како идна членка на НАТО и ЕУ, на граѓаните и домашните компании им отвора можност да се претстават на пазарот каде има повеќе од 500 милиони потрошувачи.

На средбата се разговарало за потенцијалите на Република Македонија при што Шлумер искажала отворена поддршка на групацијата ИФЦ за интензивирање на финансирањето проекти во приватниот сектор и во подобрувањето на снабдувањето со електрична енергија, особено во полето на обновливите енергетски ресурси.

- Претставничката на ИФЦ, посебно се осврна на важноста на поддршката на приватниот сектор преку поврзување на странските директни инвестиции со домашните компании, на што премиерот Заев додаде дека Владата преку проекти е посветена на охрабрување на локалните компании, на младите луѓе, за имплементирање на нивните бизнис идеи со следење на модерните и иноваторските технологии, се додава во соопштението. 

Премиерот Заев информирал дека Владата презема конкретни мерки за мотивирање во приватниот сектор, подобрување на конкурентноста со цел да бидат отворени нови, добро платени работни места, кои ќе ги задржат младите да работат во нивната татковина.

Директорката Шлумер, пак, потенцирала дека ИФЦ ги разгледува можностите и за поттикнување на развојот на микро, мали и средни претпријатија преку олеснет пристап до финансии, посочувајќи дека поддршката е во насока на трендот на подобрување на економијата во земјата и преку создавањето услови за нови пазари да се отворат перспективите не само на граѓаните на Македонија, туку и на регионот.

- Вашата поддршка ја цениме, ние создаваме услови за искористување на нашите потенцијали, ги поддржуваме домашните претпријатија и одржувајќи добрососедски односи сакаме заедно, со земјите од регионот да освојуваме нови пазари, подвлекол Заев на средбата, охрабрувајќи ги претставниците на Меѓународната финансиска групација, ИФЦ, активно да ја следат се поинтензивната регионална соработка помеѓу државите на Западен Балкан.

Тој потенцирал дека нивната поддршка би била од огромно значење во помагање на заедничкото настапување на регионот на европските и светските пазари. 

Премиерот Заев на средбата искажал и задоволство поради нивното присуство пред историскиот момент за одржувањето на референдумот на 30 септември, кога, како што рекол, македонскиот народ ќе покаже единство и ќе ја донесе одлуката за напредок на земјата, со исполнување на евроатлантските интеграции.

Уапсен маж - се обидел да украде патнички авион

Пилот на обука е уапсен запшто се обидел да украде патнички авион во американската држава Флорида.

Полицијата го упасила мажот на обука , кој се обидел да украде патнички авион на меѓународниот аеродром Талахаси во Флорида.

Според портпаролката на аеродромот ,,Орландо- Мелбурн” , Лори Букер, антитерористички специјалци го истражуваат овој случај и се обидуваат да го откријат мотивот за крадење на патничкиот авион.

Исклучени од сообраќај 57 возачи во Скопје

Вкупно 57 возачи се исклучени од сообраќај затоа што се движеле со поголема брзина од дозволената со сообраќаен знак, други тројца поради управување возило под дејство на алкохол, а други 12 без сообраќајна дозвола.

СВР Скопје денеска соопшти дека по преземените мерки и активности вчера на подрачјето на град Скопје од сообраќај се исклучени и осум нерегистрирани возила. Пајакот подигнал 59 возила.

Во текот на вчерашниот ден се случиле и вкупно девет сообраќајки, при што е причинета материјална штета во три, а со лесни телесни повреди се здобиле осум лица. 

СВР СКопје информира дека се преземени мерки и за 21 пешак, кои кои поминале коловоз вон пешачки премин 21 и за шест други кои поминале коловоз на црвено светло

Македонскиот „Кросроуд блуз-бенд" ќе го отвори 22. Блуз и соул фестивал

Со настап на македонскиот блуз-бенд „Кросроуд блуз-бенд“ (Crossroad Blues Band), кој на сцената опстојува повеќе од две децении, вечер ќе почне тридневниот 22. „Блуз и соул фестивал“ во организација на Дирекцијата за култура и уметност-Скопје. 

На фестивалот, кој ќе се одржува до недела во пивница „Стар Град“ (Темов) во чаршија, ќе гостуваат музичари од Србија, Белгија и Данска, по избор на селекторот Иво Солдатовиќ. 

По концертот на македонскиот бенд, вечер ќе настапи четиричлениот белгиски состав „Shakedown Tim & The Rhythm Revue“ основан од Тим Шејкдаун, кој свири динамична комбинација на блуз, џамп-блуз и буги, до свинг и ритам и блуз. 

На вториот ден од фестивалот утревечер ќе настапи квинтетот „Гамблерс“ (The Gamblers) од Сремска Митровица, Србија, блуз-состав кој од 1984 година ја освојува регионалната блуз-сцена и настапуваат на престижни фестивали низ Европа. 

Саботната блуз-вечер ќе заврши со настап на „Chris Grey & The BlueSpand“ од Данска, трио  на Крис Греј кој е блуз-ѕвезда во Европа и светот. Нивниот груви-фанки блуз во последните две години ги освојува блуз-фановите низ Европа, а нив ги прави меѓу најпопуларните блуз-бендови. 

На годинашниот фестивал ќе гостува уште еден српски блуз-бенд - петчлениот „Блузхамер“ (The Blueshammer) од Нови Сад кои прават атрактивни концерти со тексашки блуз и јужњачки рок и фанк. Тие ќе настапат в недела, а по нив фестивалот со диџејски сет ќе го затвори Васја Ивановски, долгогодишен радиоводител и поранешен селектор на Блуз и соул фестивалот.  

Концертите на тридневниот „Блуз и соул“ ќе почнуваат од 21 часот. Влезниците за секоја вечер се по 200 денари или 500 денари за блок-билети сите три вечери. 

притисни ентер