Македонија

Шар Планина национален парк дел од визијата развој во следните 20 години

Претставување на визијата за Шар Планина 2038 година како и формирање на прекугранично советодавно тело за регионот Шар Планина - Кораб - Коритник.

Што се протега во Македонија, Албанија и Косово беа главните цели на денешната конференција, што во организација на неформалната платформа на повеќе невладинини организации Пријателите на Шара се одржа на Попова Шапка.

Според Фросина Пандурска Драмиќанин од Македонското еколошко друштво визјата за Шар Планина односно како таа треба да изгледа во 2038 година е резултат на тримесечни интезивни трибини и состаноци со претставници од локалното население од шест општини во полошко кои гравитираат кон Шара.

- При нашите средби во Јегуновце, Теарце, Тетово, Боговиње, Врапчиште и Гостивар со земјоделци, ловџии, планинари, претставници на невладини организации и други од нивните размислувања за тоа како треба да изгледа Шар Планина за 20 години заеднички заклучок е дека таа треба сега и веднаш да биде прогласена за заштитено подрачје или национален парк за да се заштитат природните богатства со кои располага овој планински масив, рече таа.

Појасни дека документот што беше изготвен по овие состаноци предвидува дека Шара ќе биде со заштитена и зачувана природа, живи села со активно население и моќни месни заедници со одржлива економија и функционална инфраструктура, што нема да биде на штета на природата.

- Очекуваме дека овој документ да биде испратен до сите инстутуции надлежни за решавањето на статусот на Шар Планина како национален парк и оти ќе биде земен предвид од нивна страна. Заедно со студијата за валоризација на природните ресурси на Шар Планина што се врши во Министерството за животна средина се надеваме дека административните процедури ќе завршат за две до три години и Шара ќе го добие овој статус, изјави Пандурска Драмиќанин.

За Метин Муареми од Центарот за едукација и развој од Теарце токму недоаѓањето на претставници на институциите на денешниот настан само го потврдува нивниот скептицизам кон целиот овој процес започнат уште пред дваесетина години.

- По сите средби и разговори со месното население во Полошко ние ги увидовме нивните резмислувања за постојните проблеми, но и нивната потреба за зачувување на природата преку итно прогласување на Шар Планина за национален парк. Сепак овој процес треба да биде не само формален, туку целосно да се спроведе на терен во соработка и со помош на месното населени за ние навистина да добиеме Шара регион со развиен туризам но и со зачувана чиста вода, шуми, биодиверзитет и други природни богатста, без дива сеча или диви патишта низ планината рече Муареми.

Во вториот дел од денешната конференција беше формирано прекугранично советодавно тело за регионот на Шар Планина - Кораб - Коритник со учество на претставници од Македонија, Албанија и Косово.

Освен можноста за реализирање на заеднички прекугранични проекти очекувањата се дека иако телото ќе работи на доброволен начин преку него навремено ќе се реагира на главните проблеми, кои се исти за целиот регион.

Живот

Балканци прават скара на вулкан- лавата врие, тие пеат (ВИДЕО)

На TikTok профилот „bata.osovina“ неодамна беше објавено видео кое привлече внимание кај корисниците од оваа област.

Авторот покажа како тој и неговиот пријател прават скара, пеат и уживаат во близина на активен вулкан.

Од нивниот говор е јасно дека момчињата се по потекло од Балканот, а нивната авантура не остана незабележана во медиумите, особено од Босна и Херцеговина.

@bata.osovina #viral ♬ original sound - Bata Osovina

Снимката од скарата, додека вулканот исфрла лава и чад, собра повеќе од 1,1 милион прегледи, а гледачите во голем број ја коментираа сцената.

„Честитки, какви императори“, „Цел свет доаѓа, се слика и бега кога има ерупција, само Балканот прави скара и слуша музика“, „Нам Балканците ни лава не ни може ништо“ , пишува во дел од пораките.

Во меѓувреме, авторот објави уште едно видео и објасни што се случува:

„Ова не е прв пат да правиме вечера на вулкан, печевме колбаси, пици, јајца... Беше опасно, но не бевме единствените таму. На сите им препорачувам да купат билет, да дојдат на Исланд и да го посетат вулканот. Не толку блиску како што сме ние, затоа што е опасно. Вакво нешто гледате само еднаш. Но, внимавајте, ќе треба да го оставите автомобилот на час и 20 минути од вулканот и да дојдете пешки“, вели момчето.

@bata.osovina Odgovor korisniku @Leo Freeze #iceland #srbija #bosna #hrvatska ♬ original sound - Bata Osovina

Меѓу многуте коментари го забележавме следново: „Да имаше активен вулкан на Балканот, околу него ќе печевме свињи и јагниња“, „Ова не се карамелизирани туку вулканизирани ќебапи“, „Балканска скара во близина на активен вулкан. Ништо необично“.

@bata.osovina #viral ♬ original sound - Bata Osovina

Има и такви кои веруваат дека се работи за монтажа, па ви оставаме да ја погледнете снимката и сами да процените.

Свет

Лондонскиот аеродром Хитроу за летово предвидува најголем промет во историјата

Лондонскиот аеродром Хитроу (LHR) денеска соопшти дека сезоната на летни одмори ќе биде „најпрометната досега“ .

Лондонскиот аеродром Хитроу (LHR) денеска соопшти дека сезоната на летни одмори ќе биде „најпрометната досега“ и дека вработените ќе вложат големи напори аеродромот да работи непречено „дури и ако има повторување на штрајковите на персоналот“ кои ја одбележаа минатата година .

Бројот на патници кои го користат аеродромот се очекува оваа година да надмине 82,4 милиони. Тоа би била најпрометната година досега, за 1,5 милиони патници „поуспешно“ од 2019 година, кога низ аеродромот поминале 80,9 милиони патници, пишува британскиот дневен весник „Гардијан“.

Ова го потврди комерцијалниот директор на аеродромот, Хавиер Ечав, бидејќи Хитроу се соочува со неизвесна иднина, а предложената продажба на најголемиот британски аеродром во вредност од 6 милијарди фунти се уште е доведена во прашање.

Намерата на шпанската компанија Ferrovial да го купи аеродромот заедно со австралиската инвестициска компанија Macquarie е „на чекање“, откако фирмата од Сиднеј одлучи да се откаже од својот удел од 35% во Хитроу. Во меѓувреме, нема други понудувачи. Покрај нив, за преземање на 25% удел во сопственоста на аеродромот беа заинтересирани и Државниот инвестициски фонд на Саудиска Арабија и француската приватна инвестициска компанија Ардијан.

На почетокот на овој месец, аеродромските власти ја повикаа владата да го укине воведувањето на нова наплата од 10 фунти за транзитните патници, предупредувајќи дека тоа ќе влијае на бројот на патници и ќе ги стави аеродромите во Британија во неповолна положба во однос на европските конкуренти. Хитроу го повтори овој повик во средата, а истовремено ги повика министрите да ја разгледаат „анти-развојната“ туристичка такса, што значи дека туристите плаќаат ДДВ за набавките.

Живот

Девојка скока во базен од огромна височина, снимката има над 39 милиони прегледи (ВИДЕО)

Џени Ван Кавијк се занимава со нуркање, а неодамна изведе трик на крузерот „Harmony of the Seas“, четвртиот по големина во светот.

На почетокот ја гледаме на скокалницата, додека покажува кон „малиот“ базен. Признаваме дека ни се заврти од висината, додека девојката „уживаше во сѐ“.

Неколку моменти подоцна таа скокна, изведе неколку акробации и се втурна во водата, токму онаму каде што „нишанеше“.

Клипот дефинитивно не е за секого, а собра повеќе од 39,6 милиони прегледи.

„Вие сте фантастични! Не би имал храброст да се искачам на скала, а камоли да скокам“, напишал еден корисник.

Друг додаде: „Стомакот ми се преврте додека го гледав ова“.

притисни ентер