Болт остана без номинација од ИААФ

Усаин Болт, шесткратниот добитник на наградата најдобар тркач во светот, остана надвор од листата на десетмина номинирани од страна на Меѓународната атлетска федерација (ИААФ), кои претендираат за насловот атлетичар на годината.

Јамајчанецот кој е единствениот спринтер со одбранети титули на 100 и 200 метри на три последователни Олимпијади, стави крај на кариерата по светското првенство во Лондон.

Номинирани атлетичари: Мутас ЕСА Баршим (скок во височина), Павел Фајдек (фрлање кладиво), Мо Фара (трчање), Сем Кендрикс (скок со стап), Илајџа Манангој (трчање), Луво Манонга (скок во далечина), Омар Маклид (трчање со пречки), Кристијан Тејлор (трискок), Вејд ван Нијкерк (спринт) и Јоханес Фетер (фрлање копје).

Номинирани атлетичарки: Елмаз Ајана (трчање), Анита Влодарчик (кладиво), Марија Ласицкене (скок во височина), Хелен Обири (трчање), Сали Пирсон (пречки), Сандра Перковиќ (диск), Бритни Ријс (скок во далечина), Кастер Семенја (спринт), Екатерина Стефаниди (скок со стап) и Нафисату Тиам (седмобој).

Церемонијата на прогласување на најдобрите е закажана за 24 ноември. 

Бабунски: Со верба во себе можеме да бидеме успешни со Пјуник

Тренерот на Вардар, Бобан Бабунски ги искажа своите први импресии после вчерашната ждрепка во УЕФА која го додели Пјуник за противник на „црвено-црните“ во првото квалификациско коло од Лигата на Европа.

- Нема слаби противници, знаејќи го квалитетот на ерменските интернационалци Хамбарџумјан и на Барсегјан кои беа и се главни играчи во Вардар, нашиот противник сигурно ќе го има нашиот респект. Треба да ја гледаме нашата игра и идеја која ја спроведуваме на овие подготовки, и потоа да ја играме на двата натпревари. Од играчите ќе барам да бидат максимално подготвени, и да веруваат во своите квалитети како би ја минале првата пречка во Европа, вели Бабунски во изјавата за клупскиот сајт на „црвено-црните“.

Вардар на првиот дуел ќе гостува во Ерменија на 12 јули во Ереван, седум дена подоцна е реваншот во Скопје.

Емре Џан на медицински тестови во Торино пред потпишување на договор со Јувентус

Италијанскиот фудбалски шампион Јувентус објави на Твитер дека играчот од средниот ред Емре Џан допатувал во Торино.

Се очекува за многу скоро време 24-годишниот германски фудбалер да потпише договор со „Старата дама“.

Последниот клуб на Џан беше Ливерпул. Тој за „црвените“ играше во периодот 2014-2018 година. Од почетокот на овој месец го напушти „Енфилд“ како слободен агент. 

Здружението на кошаркари дава поддршка на предлогот за намалувањето на бројот на странски играчи

Здружение на кошаркарски играчи изразува целосна поддршка на финалниот предлог на Македонската кошаркарска федерација во однос на намалувањето на бројот на странски играчи.

МКФ предложи намалување на странците од шест на четири со задолжителен настап на тројца Македонци во игра за следната сезона во Македонската кошаркарска прва лига.

- Сметаме дека раководството на Федерацијата презема еден важен чекор за подобрување на статусот на домашните кошаркари, како и на македонската кошарката во целост. Сакаме да го поздравиме ваквиот потег, но и да потсетиме дека остануваат и други чекори кои според нас се неопходни за подигнување на квалитетот на сениорските лиги и подобрување на условите за тренинг и натпревари. Ваквите промени, се надеваме дека ќе ги поттикне Прволигашите да почнат посериозно да инвестираат во младите играчи, и ќе превземаат низа мерки како би го олесниле процесот на нивно усовршување и спортски напредок, се вели во соопштението на Здружението на македонски кошаркари. 

притисни ентер