Турција се оградува од Макрон: Не заземавме ничија страна

Турција соопшти дека не на ничија страна по прашањето за Сирија, реагирајќи на изјавата на францускиот претседател Емануел Макрон за “поделбата на Анкара и Москва“.
„Турската политика во Сирија не е за да биде со некој или против некој. Нашата политика е јасна, станува збор за тоа дека сме на страната на правото и тоа што сметаме дека исправно“ – изјави портпаролот на турската влада, Бекир Боздаг, јавуваат турските медиуми.

Боздаг истакнал дека Турција е против “поддршката на режимот“ (во Сирија) на земјите како Русија, но и против “поддршка на терористичките организации“, вклучувајќи ги и курдските милиции кои ги поддржуваат Вашингтон и другите западни земји во борбата против ИД.

Елисејската палата претходно соопшти дека Макрон сака да ги интензивира “консултациите со Турција со цел постигнување на политичко решение во Сирија“.

Макрон му се заблагодари на турскиот претседател Реџеп Таип Ердоган на поддршката на заедничката воена акција против целите на режимот во Сирија.

Западните земји го обвинуваат режимот на сирискиот претседател Башар ал Асад дека на 7 април во Дума спровел напад со хемиско оружје.

Поради тоа силите на САД, Велика Британија и Франција во саботата спроведоа воздушни напади врз воените постројки во Сирија.

Утре сончево и уште потопло

Времето утре претежно сончево и уште потопло. Ќе дува умерен, а во западните делови засилен ветер од западен правец. Минималната температура од 12 до 21, а максималната од 31 до 39 степени. УВ индексот ќе изнесува 9.

Во Скопје сончево со умерен западен и северозападен ветер. Температурата ќе се движи од 18 до 38 степени.

Од понеделник следува период на нестабилно време со пороен дожд и грмежи, а локално се можни и поинтензивни процеси. Ќе дува засилен северозападен ветер, па дневната температура од вторник значително ќе се намали. /УХМР

Без вода утре корисниците од бул.„Партизански одреди“ до ул.„Максим Горки“

Прекин во водоснабдувањето утре од 8 часот до санирање на дефектот ќе имаат корисниците од бул.„Партизански одреди“ до ул.„Максим Горки“ во Скопје, информираат од ЈП Водовод и канализација.

Прекинот во водоснабдувањето, како што се наведува, е поради промена на шибер од ф 80мм на ул.„Васил Главинов“  блок 10. /МИА

Пакистански политичар се самоубил поради своите синови

Самостојниот кандидат на изборите за парламентот на Пакистан, Мухамед Ахмед Мугал се убил откако неговите синови не се согласиле со политиката која ја застапува.

Тоа го соопшти пакистанската полиција.

Еден од полицајците изјавил дека Мугал дома наишол на отпор, бидејќи неговите синови ги подржувале кандидатите на поранешната владејачка партија, Пакистанската муслиманска лига.

По изборните закони на Пакистан, изборите на кои Мугал бил кандидат, ќе бидат одложени и предизборниот процес повторно ќе започне после регуларните избори на 25 јули.

притисни ентер