Седница на Совет на општина Центар, главни теми сообраќајот, паркирањето и градењето

Сообраќајниот и урбаниот хаос, проблемот со паркирањето, преголемата висина на објектите се едни од проблемите во општина Центар за чие решавање одговор бараа советниците и претседателот на Советот, Јана Белчева-Андреевска.
Надлежните служби од Oпштината, како што информираат денеска оттаму, предлагаат измени во Законот со кои општината ќе може да прави технички прием и инспекција во текот на целото градење. Со измените се бара и можност доколку е тоа во јавен интерес, да може да се намали габаритот на градбите со носење на нови ДУП-ови.

На прашањето од советниците за забрана на сообраќај на одредени улици, градоначалникот Саша Богдановиќ појасни дека мора да се направи сообраќаен проект кој ќе биде прифатен од надлежните.
- Ќе работиме на решенија да се намали или избегне сообраќајот секаде каде е тоа можно. Општина Центар во 2012 година донесе 20 урбанистички планови, потоа беше донесен и Генералниот Урбанистички План (ГУП) и од тогаш се јавуваат главните проблеми во Центар. Со двата мораториуми кои ги изгласа Советот, ќе се добие јасна слика што и како е градено за да не се повторуваат истите грешки во новите Детални Урбанистички Планови, рекол Богдановиќ.

Проблемот со владеење на неизграденото градежно земјиште со кој се соочуваше претходниот состав на Советот поради опструкциите од тогашната централна власт, ќе биде надминат. Богдановиќ рече дека овој процес брзо ќе заврши бидејќи веќе е почнато трансформирањето на градежното земјиште.

Работите на основното училиште во Капиштец се одвиваат со предвиденото темпо. Комплетно, училиштето ќе биде готово во мај, 2019-та година.
До крајот на овој месец ќе бидат подготвени новите простории за децата со посебни потреби, за кои се предвидени многу подобри услови во новото училиште.

Во врска со бездомниците и „Урбан парк“, Богдановиќ рече дека имало неколку обиди да се најдат живеалишта за овие бездомници, но тие одбиваат.
- Не сакавме во зима да пристапиме кон отстранување на овие монтажни, картонски живеалишта, но наскоро ќе почнеме, бидејќи имаме многу поплаки од жителите. Се разбира, во соработка со другите институции ќе им најдеме живеалиште на овие лица, истакнал Богдановиќ. За три месеци ќе биде обновена урбаната опрема и зеленилото во „Урбан парк“.

Општина Центар започна акција со која на сопствениците на тераси и урбана опрема им се бараат елаборати и дозволи. Доколку ова не се добие во одреден рок, ќе се пристапи кон нивно отстранување. 

Најмалку 25 повредени во експлозија во Германија

Најмалку 25 лица се повредени , од кои четворица потешко во експлозија во германскиот град Вупертал.

Експлозијата се случила нешто пред полноќ во станбена зграда  , што предизвикало паника кај граѓаните.

Пожарникарите неколку часа го гаснеле пожарот , а истрагата за причините е во тек.

Манчевски и Царовска: Обезбедување квалитетни јавни услуги достапни до сите граѓани е приоритет во нашата работа

Министерот за информатичко општество и администрација Дамјан Манчевски и министерката за труд и социјална политика Мила Царовска, се обратија на министерската конференција што се одржува во Маракеш, Мароко.

Конференцијата се одржува во рамки на меѓународниот форум за јавна администрација на тема: "Трансформирање на власта за остварување на целите за одржлив развој", во организација на Обединетите Нации, се наведува во соопштението на Владата.

Министерот Манчевски и министерката Царовска, зборуваа за обезбедувањето на јавни услуги достапни за сите граѓани. На овој начин, потсетувајќи на заложбите за доближување на услугите што јавната администрација ги нуди, до граѓаните, го одбележаа и Меѓународниот ден на јавните услуги.

Министерот Манчевски се осврна на клучните принципи по кои се води Владата во своето работење, а тие се транспарентност и инклузивност во креирањето на политики и дигитализација на администрацијата.

„Во изминатата година превзедовме голем број на мерки и активности, во правец на вклучување на сите засегнати страни во започнатите процеси како и целосно информирање на јавноста за превземените активности. Во тој правец, беше одлуката за се зголеми бројот на денови за коменитрање на ЕНЕР, од 10 на 20 дена, со цел оставање на поголем простор за вклучување на граѓанските организации, академијата, бизнис заедницата и граѓаните при донесувањето на нови закони, измени на закони...Пример за вклучувањето на сите засегнати страни во креирањето на политики е изработката на сите стратегии на кои работеше и работи МИОА во моментов. Тоа се Стратегијата за реформа во јавната администрација, стратегијата за широкопојасен интернет, за отворени податоци и за сајбер безбедност“, истакна министерот Манчевски.

Што се однесува на зголемување на квалитетот и достапноста на јавните услуги, министерот Манчевски информираше за националниот портал за е-услуги, проектот „“Една точка за услуги“ и проектот за креирање на електронски идентитет на граѓаните.

„Сите овие проекти имаат една цел, а тоа е преку можностите што ги нуди дигитализацијата да ги донесеме услугите до граѓаните. Да го подобриме квалитетот и сликата за јавната администрација, како сервис во служба на граѓаните. Само кога граѓаните ќе ги имаат сите информации за работењето на институциите и ќе бидат вклучени во сите процеси, саом тогаш ќе имаме политики и мерки кои одговараат на потребите на сите граѓани“, заклучи министерот Манчевски.

Министерката Царовска зборуваше за заложбите и активностите на министерството за труд и социјална политика во однос на пристапноста до јавните услуги за сите категории на граѓани.

“Оваа Влада е целосно посветена на остварување на Целите за оддржлив развој. Наша крајна цел е да изградиме хумано општество на просперитет и благостојба за сите граѓани и никој да не биде изоставен. Само со обезбедување на добри услови за живот, достоинствен приход и квалитетни услуги, може да се надеваме на одржлив развој. Работиме интензивно на проширување ма мрежата на градинки, особено во руралните средини, воведување нови услуги на локално ниво како персонална асистенција, пилотирање на младинската гаранција и целосно реформирање на системот за социјална заштита”.

Министерката Царовска се осврна и на родовата еднаквост како клучен предуслов за равој на еднакво и демократко општество.

“Родовата еднаквост е моја лична заложба и програмска цел на Владата на Република Македонија. Преземавме значајни чекори во насока на искоренување на сиромаштијата кај жените. Со промена на законот за минимална плата се намалува разликата во платите меѓу мажите и жените. Ја ратификуваме Истанбулската конвенција за борба и заштита од сите видови на насилство врз жените и семејното насилство”

Драма во Белгија – Црногорец ги дигна на нозе специјалците

Црногорец , кој носел експлозив на појасот , ја дигна на нозе полицијата во Белгија , која се сомневаше на терористички напад.

Црногорецот Елвис Калач (37) предизвика драма во гратчето Масенси. Биле повикани единиците за борба против тероризам , кога Црногорецот со експлозив на појасот со секира ја нападнал поранешната сопруга.

Откако видел дека нападот е неуспешен и се појавила полицијата , Калач испил отров од кој починал во болница. Полицијата по извршената истрага , утврдила дека експлозивот е лажен.

Според Црногорските медиуми , тој на жената и нанел сериозни повреди , но таа се опоравува во болница и е надвор од животна опасност.

притисни ентер