Кои се главни фаворити за Златен Глобус?

Во Лос Анџелес доцна вечерва ќе биде одржана 75 церемонија за доделување на американската филмска награда Златен глобус, а фаворити се „Pentagon papers“ и „The Shape of Water“, иако главната тема на вечерта ќе биде големиот сексуален скандал во филмската индустрија.
Водителот Сет Маерс изјави дека вечерта во центарот на вниманието ќе биде сексуалниот скандал без преседан кој го потресе Холивуд во 2017 година.

„Постојат луѓе кои очигледно ја преминале црвената линија и тоа треба да биде како нешто позитивно да ги исмеваме цела вечер“, вели хумористот во изјавата за Њујорк Тајмс.

Се очекува вечерта да биде спомнат холивудскиот продуцент Хајви Вајнстин кого повеќе од 100 жени го обвинија за сексуално вознемирување и силување. Во екот на скандалот, многу други холивудски ѕвезди беа обвинети за сексуално вознемирување како Кевин Спејси, Даситн Хофман и Џефри Тамбор, како и продуцентите и режисери Брет Ратнер и Џон Лејсетер.

Многу актерки, меѓу кои Џесика Честејн и Риси Витерспун, ветија дека на церемонијата ќе дојдат во црно за да оддадат признание на жртвите на сексуално вознемирување. Двејн Џонсон најави дека ќе се приклучи.

Што се донесува на самото доделување на наградите, филмот „The Shape of Water“ на мексиканскиот режисер Гиљермо дел Торо е фаворит со седум номинации. Следува остварувањето „Pentagon Papers“ за објавувањето доверливи документи за Виетнамската војна.

Актерите Гери Олдман во улога на Винстон Черчил и младиот актер од француско потекло Тимоте Шаламе во филмот „Call me by your name“ се фаворити за наградата, а според најавите, Златен глобус за најдобра актерка може да добијат актерките Сели Хоукинс или Френсис Мекдерманд.

Телевизиската мини-серија „Big little lies“ за злоупотреба на жените, која се емитува на (HBO), може да добие награда за најдобра мини-серија.

Церемонијата на доделување на наградите во живо ќе ја пренесува NBC, наградите ќе ги врачуваат минатогодишните добитници, меѓу кои Изабел Ипер, Ширли Меклејн, Рики Мартин и Шерон Стоун.

Познатата американска телевизиска водителка и продуцентка Опра Винфри ќе ја добие наградата „Сесил Б. де Мил“ која традиционално се врачува на доделувањето на Златните глобуси.

Златен глобус, американска филмска награда која од 1944 година ја доделува Холивудското здружение на странски новинари (HFPA) е показател кои филмови би можеле да бидат наградени со престижниот Оскар. Доделувањето на Оскарот пак, е закажано за 4 март.

Турнејата на „спајс грлс“ неизвесна

Враќањето на „Спајс грлс“ на сцена ќе чини 150 милиони фунти. 

Секоја од девојките ќе добије по 30 милиони фунти, доколку Викторија Бекам се согласи на тоа.

Засега Бекам ја отфрли понудата, па турнејата може да пропадне.

Како што пишуваат медиумите, причините со во изборот на менаџерот, но и во успешната кариера на Викторија.

Сепак девојките веруваат дека Викторија ќе се предомисли и дека во септември ќе имаат настап.

Секси соновник: Дознајте што значат вашите еротски сништа

Еве неколку типични секс соништа и кое е нивното значење:

Барање место за секс

Ако сонувате дека со вашиот партнер барате место за секс, тоа значи дека ви недостасува интимност или дека во вашиот сексуален живот постои монотонија. Ако при вашето трагање чувствувате мачнина, тоа значи дека сте загрижени за иднината на врската.

Секс со непозната личност

Ако сонувате дека имате секс со непозната личност, тоа значи дека во животот ви недостасува возбуда. Вашиот ум ви препорачува да се релаксирате и да бидете спонтани.

Секс со забранета личност

Овие соништа најчесто предизвикуваат голема непријатност кога ќе се разбудите, но овие соништа не ви покажуваат дека и во реалноста посакувате да имате секс со таа личност, туку едноставно дека таа личност ве заинтригирала.

Или дека љубовниот живот моментално ви е досаден, па посакувате да воведете нешто возбудливо.

Секс со бившиот/ата

Овие соништа се прилично чести и се резултат на потсвесното споредување на сегашната врска со претходната. Ако сте сингл, тоа значи дека имате некои неразрешени работи со бившиот партнер.

Секс на јавно место

Овој сон има двојно значење. Првото значење е дека потребно ви е пријателите или некој близок од семејството да го одобри вашиот партнер. Второто значење е дека потајно посакувате и вие да имате некој од квалитетите и способностите на партнерот.

Тројка

Соништата во кои имате секс во тројка најчесто означуваат дека самодовербата ви е намалена и дека нешто ви недостасува во емотивниот живот.

Хомосексуален секс

Соништата за секс со некоја личност од истиот пол воопшто не се ретки. Ако сте жена, тоа значи дека вам ви е потребно повеќе нежност во животот. Ако сте маж, тоа значи дека потребна ви е акција.

Ако сонувате дека изневерувате или ве изневеруваат

Овие соништа ги прикажуваат вашите стравувања дека партнерот ќе ги изгуби емоциите кон вас.

Секс со позната личност

Сонот каде вие имате секс со некоја славна личност најчесто значи, дека во вашиот партнер ги барате идеалните карактеристики кои ги има таа славна личност. Покрај тоа, може да значи дека потајно посакувате луѓето повеќе да ве ценат.

Ако не гледате како изгледа партнерот

Ако лицето на партнерот со кој имате сексуален однос во сонот не се гледа или е матно, тоа значи дека сакате вашите таленти да бидат препознаени и да го покажете својот потенцијал.

Многумина погрешно го полнат мобилниот телефон - ова е правилниот начин!

Нека батеријата на вашиот мобилен телефон подобро работи и подолго трае.

Можете да верувате во ова и не морате, но едно е сигурно – експертите од  Battery University научно докажаа дека ако ги следите овие совети батеријата на телефонот ќе ви трае подолго и ќе го сочува најголемиот дел од својот капацитет и по голем број на полнења.

Според истражувањето кое го објави спомнатата компанија, Литук – јонските и литиум – полимерските батерии, кои најчесто се користат во современите мобилни телефони, уреди и гаџети не се отпорни на „стрес“, а некои од секојдневните навики токму тоа им го прават на батериите – „ги стресираат“. За време на голем стрес батериите губат капацитет и стануваат со пократко оперативно време.

За да подолго имате квалитетна батерија следете ги следните совети:

1.Ако сте ја наполниле батеријата, исклучете ја од полначот – ќе заштедите малку пари кои би ги потрошиле за струја, ќе дадете придонес за зачувување на планетата и батеријата ќе ја изложите на помал стрес

2.Полнете ја батеријата кога ќе стигнете не чекајте да се испразни.

3.Прекинете го полнењето пред да биде 100 отсто наполнета – ќе и учините услуга на батеријата.

4. Не го изложувајте телефон на голема топлина, но ни претеран студ – дури и Apple во iPhone упатството им препорачува на корисниците во текот на полнењето да ја извадат заштитната маска и футрола за да материјата полесно се ослободи од вишокот топлина.

притисни ентер