Шоу биз

Кои се главни фаворити за Златен Глобус?

Во Лос Анџелес доцна вечерва ќе биде одржана 75 церемонија за доделување на американската филмска награда Златен глобус, а фаворити се „Pentagon papers“ и „The Shape of Water“, иако главната тема на вечерта ќе биде големиот сексуален скандал во филмската индустрија.

Водителот Сет Маерс изјави дека вечерта во центарот на вниманието ќе биде сексуалниот скандал без преседан кој го потресе Холивуд во 2017 година.

„Постојат луѓе кои очигледно ја преминале црвената линија и тоа треба да биде како нешто позитивно да ги исмеваме цела вечер“, вели хумористот во изјавата за Њујорк Тајмс.

Се очекува вечерта да биде спомнат холивудскиот продуцент Хајви Вајнстин кого повеќе од 100 жени го обвинија за сексуално вознемирување и силување. Во екот на скандалот, многу други холивудски ѕвезди беа обвинети за сексуално вознемирување како Кевин Спејси, Даситн Хофман и Џефри Тамбор, како и продуцентите и режисери Брет Ратнер и Џон Лејсетер.

Многу актерки, меѓу кои Џесика Честејн и Риси Витерспун, ветија дека на церемонијата ќе дојдат во црно за да оддадат признание на жртвите на сексуално вознемирување. Двејн Џонсон најави дека ќе се приклучи.

Што се донесува на самото доделување на наградите, филмот „The Shape of Water“ на мексиканскиот режисер Гиљермо дел Торо е фаворит со седум номинации. Следува остварувањето „Pentagon Papers“ за објавувањето доверливи документи за Виетнамската војна.

Актерите Гери Олдман во улога на Винстон Черчил и младиот актер од француско потекло Тимоте Шаламе во филмот „Call me by your name“ се фаворити за наградата, а според најавите, Златен глобус за најдобра актерка може да добијат актерките Сели Хоукинс или Френсис Мекдерманд.

Телевизиската мини-серија „Big little lies“ за злоупотреба на жените, која се емитува на (HBO), може да добие награда за најдобра мини-серија.

Церемонијата на доделување на наградите во живо ќе ја пренесува NBC, наградите ќе ги врачуваат минатогодишните добитници, меѓу кои Изабел Ипер, Ширли Меклејн, Рики Мартин и Шерон Стоун.

Познатата американска телевизиска водителка и продуцентка Опра Винфри ќе ја добие наградата „Сесил Б. де Мил“ која традиционално се врачува на доделувањето на Златните глобуси.

Златен глобус, американска филмска награда која од 1944 година ја доделува Холивудското здружение на странски новинари (HFPA) е показател кои филмови би можеле да бидат наградени со престижниот Оскар. Доделувањето на Оскарот пак, е закажано за 4 март.

Свет

Тела на четворица Украинци се извлечени од водите на реката Тиса на границата со Романија

Во изминатите неколку дена од реката Тиса на границата на Украина со Романија се извлечени тела на четири удавени лица, од кои најмладиот имал само 20 години, соопшти Државната гранична служба на Украина.

„Во соработка со колегите од МВР, граничарите добиле информација дека се пронајдени телата на двајца мажи, од кои едниот имал само 20 години“, соопштија од граничната служба.

Еден од удавените го пронашол локален рибар. На местото на настанот биле повикани спасувачи и полиција.

Претходно, на брегот на Тиса било пронајдено уште едно тело на маж.

„Средовечен маж почина со знаци на долготрајна изложеност на вода. Романските граничари го открија телото на нивната страна од границата, а во тек е идентификација на удавениот“, соопшти Државната гранична служба.

Претходниот ден локалните медиуми објавија дека се пронајдени телата на шест удавени лица, а судејќи по состојбата на некои од нив, тие долго време поминале во планинската река.

Во март, украинската гранична служба ја објави 22-та смрт од давење во реката Тиса од почетокот на конфликтот во февруари 2022 година, а десет мртви биле извлечени од Тиса минатата година.

Според официјалните податоци, минатата година 5.400 Украинци илегално ја преминале романската граница во обид да избегнат воен рок, а наводно околу 2.000 од нив успеале да ја препливаат Тиса.

Забава

Накитот на Мет Гала- најскапите парчиња во историјата на балот вредат милиони (ФОТО)

Мет Гала е еден од највозбудливите настани во светот на модата.

Овој бал се одржува секоја година во првата недела од мај и служи за собирање пари за Институтот за костими во Музејот на уметност Метрополитен во Њујорк и е одлична можност за светските производители на накит да ги прикажат своите најскапи парчиња, од кои некои се во вредност од десетици милиони долари.

Во текот на својата историја, многу познати гости на Мет Гала го искористија моментот да се украсат со ексклузивен накит.

Така Џенифер Лопез во 2019 година носеше впечатлив фустан од Версаче со дијамантски накит, избирајќи парчиња од Хари Винстон. Како што објави Harper's Bazaar, нејзиниот накит вреден вкупно 8,8 милиони долари вклучуваше дијамантски ѓердан од 129 карати со виолетов сафир, 120-каратни дијамантски нараквици и големи висечки обетки.

Американскиот модел Џиџи Хадид го спои својот фустан од Прада со дијамантски ѓердан од златарата Jakob & Co. со средишен камен од 54 карати, како и соодветни обетки, пренесува Business Insider.

Според Marie Claire, ланчето од 118 карати вредело 12 милиони долари.

Во 2022 година, Ема Чембрлен предизвика бура од коментари кога носеше ѓердан од компанијата Картие во кој имаше скапоцени камења од ѓердан Патиала вреден 30 милиони долари, објави The Times of India. Овој ѓердан првично бил направен за Махараџа Сер Бупиндер Синг во 1928 година и исчезнал од неговата колекција во 1948 година.

Дијамант од оригиналниот ѓердан се појавил на аукција на Содеба во 1982 година, а Картие подоцна реставрирал уште едно парче пронајдено во антикварница во Лондон во 1998 година.

Актерката Пријанка Чопра Џонас минатата година се појави на балот во црн фустан на Валентино. Деталот кој го привлече вниманието на сите е дијамантскиот ѓердан Bulgari Laguna Blue со централен син дијамант од 11,16 карати. По балот, овој ѓердан е продаден на аукција за 25,19 милиони долари, објави Business Today.

Британската пејачка Дуа Липа дојде на балот во бел фустан на Шанел надополнет со Тифани и Ко. ѓердан. Липа е првата личност која носела ланче од 100 карати Lucida Star во вредност од над 10 милиони долари.

Истата година, ѕвездата од Барбадос, Ријана, пристигна на балот бремена, во фустан на Валентино по нарачка. Својот изглед го комплетира со неколку ланчиња и обетки со цветни мотиви од компанијата Картие. Се проценува дека целиот овој накит вредел повеќе од 25 милиони долари, објави Page Six.

Свет

Хаос на аеродромите во Британија: Заглавени илјадници патници поради компјутерска грешка(ВИДЕО)

Аеродромите низ Велика Британија се во хаос откако сите порти беа затворени поради компјутерска грешка кај граничните служби.

Сликите на социјалните мрежи покажуваат огромни редици пред портите додека илјадници луѓе чекаат да им ги проверат пасошите, пишува Дејли мејл.

Се шират гласини дека Хитроу не е единствениот аеродром погоден од наводната грешка, туку и Манчестер и Гетвик.

Персоналот на Хитроу, наводно, им рекол на патниците дека ова е национален проблем.

Една патничка изјавила за Дејли Мејл дека чекала во ред цел час, а персоналот на аеродромот почнал да дели вода.

Таа додаде дека на луѓето им било кажано дека аеродромот работи на алтернатива за проверка на документите на патниците.

притисни ентер