Пратениците и водачите на граѓанската иницијатива За заедничка Македонија остануваат во притвор

Кривичниот совет на скопска единица попладнево ги отфрли жалбите и ги потврди решенијата на судијата на претходна постапка со кои пратениците Крсто Мукоски и Љубен Арнаудов издржуваат 30-дневен притвор.
За  Сашо Василевски, третиот пратеник кој од понеделникот е во Шутка, дополнително ќе се одлучува. Потврдени се и одлуките за домашен притвор на Јохан Тарчуловски и Жаклина Пешевска. Третиот пратеник кој домашен притвор, Љупчо Димовски, воопшто не се жалел.

Во притвор остануваат и водачите на граѓанската иницијатива За заедничка Македонија – режисерто Борис Дамовски и актерот Владо Јовановски. Одлуката ја донесе Апелација на јавна седница. На Дамовски и Јовановски првично им беше одреден домашен притвор, но потоа по жлабата на обвинителството, одлуката беше преиначена и тие беа пренесени во истражниот затвор.

Обвинителот Момир Маричиќ од Вишо јавно обвинителството и денеска остана на ставот дека само на тој начин ќе се осигура нивното присуство во постапката.

„Сега сите се болни, на лекување, во депресија, на бањи…“, рече обвинителот, посочувајќи дека Дамовски, кој беше водач на граѓанската иницијатива, е еден од главните обвинети во предметот.

Адвокатите на осомничените пак, сметаа дека и со поблага мерка може да се обезбеди непречена истрага за настаните од 27 април.
Адвокатот на Дамовски, Миле Петровски, аргуменитираше дека неговиот клиент уредно се јавил во полициската станица и бил дома кога бил направен претресот.

Адвокатот на актерот Јовановски, Ставре Џиков рече дека нема потреба од притвор, бидејќи осомничениот е  јавна личност која не била претходно осудувана и која нема лош углед. „Притворот е казна“, рече Џиков кој утрово бил во посета на Јовановски во истражниот затвор.


САД: Се преврти брод, има жртви

Најмалку 11 луѓе денеска го изгубија животот кога брод со 31 лице се преврти и потона во езерото недалеку од градот Бренсон, во американската држава Мисури.

До превртувањето дошло поради силната бура, а на бродот имало и деца, изјавила официјалните лица, а пренела агенцијата „Ројтерс“.

Седум лица се згрижени во болница после несреќата на вештачкото езеро Тејбл рок.

Нуркачите и понатаму трагаат за можни жртви.

Приведени 12 странски државјанки во локал во Желино

При контрола во угостителски објект лоциран на регионалниот пат Тетово - Скопје, во село Желино ноќеска полицијата привела 12 странски државјанки.

Како што е наведено во полицискиот билтен, ноќеска во периодот од 23:00 до 02:30 часот полициски службеници од СВР Тетово извршиле контрола во Угостителски објект лоциран на регионалниот пат Тетово - Скопје, поточно во село Желино, сопственост на З.С. од село Желино.

Во објектот биле затекнати 12 лица-странски државјанки, од кои 11 лица од Албанија и едно од Косово кои биле приведени во Полициска станица Тетово за понатамошна постапка. /МИА

ИК на ВМРО-ДПМНЕ бара техничка влада по пржинскиот модел пред секои избори

Реализирање на веќе договорените концепти за финансирање на партиите и формирање техничка влада по пржинскиот модел пред секои избори се ставовите на кои останува опозициската ВМРО-ДПМНЕ.

Ова беше потврдено на синоќешниот состанок на Извршен комитет на партијата, на кој се анализираше актуелната политичка ситуација и прашањата што се дел од меѓупартиските разговори со власта на претседателско ниво.

„Само на овој начин избирачите ќе имаат гаранција дека власта нема да го злоупотреби нивниот глас, односно дека опозицијата ќе има можност соодветно да дејствува при сите обиди за можен фалсификат и нема да се дозволи повторување на локалните избори. Обидите на Зоран Заев да ја манипулира јавноста со измислени образложенија дека некој бара амнестија за некаков криминал беа оценети како несериозни“, се вели во соопштението на партијата.

Во врска со формулацијата на референдумското прашање ИК на ВМРО-ДПМНЕ смета дека за да се согледа јасно волјата на граѓаните мора да се почитува законот што предвидува недвосмислени прашања.

ИК му даде целосна и недвосмислена поддршка на партискиот лидер Христијан Мицкоски да ги застапува ставовите на партијата во натамошниот тек на лидерската средба.

„Македонските граѓани заслужуваат власт која вистински ќе се води по европските принципи за почитување на Уставот и законите, особено за важни прашања поврзани со носење на одлуки за иднината на државата како што се македонските интеграции во Европската унија и НАТО“, се наведува во соопштението. /МИА

притисни ентер