Премиерот Заев се сретна со делегација на мрежата „Македонска платфрома за борба против сиромаштија“

Владата отвора постојана комуникација со граѓанските организации за борба против сиромаштијата, порача премиерот Зоран Заев на денешната средба во Владата со делегација на „Македонска платфрома за борба против сиромаштија“, предводена од претседателката Билјана Дуковска.

На средбата присуствуваше и Санела Шкријељ, шеф на кабинетот на министерката за труд и социјална политика Мила Царовска.

Како што информираат од владината прес-служба, во име на платформата, претседателката Дуковска го запозна премиерот Заев со мисијата на оваа мрежа од граѓански организации која освен постојаната борба, мерки и акции за намалување на сиромаштијата, има за цел и унапредување на принципите на еднаквост, солидарност, недискриминација, промоција и заштита на човековите права и слободи на сите луѓе во Република Македонија.

Таа го замолила премиерот Заев за дополнителна поддршка на нивните акции со што, како што рекла, нивната мисија ќе биде повидлива, и изразила надеж дека новата Влада ќе ја прифати „Македонската платформа за борба против сиромаштијата“ како партнер во креирањето на политиките и во одредувањето на мерките од кои се очекува решавање на едно од најгорливите прашања за одделни граѓани и групи во земјата.

Премиерот Заев ги информирал членовите на мрежата дека е добро запознаен со активностите на платформата и дека целосно ја поддржува нивната работа. Истакнал дека и тој, како и министерката Царовска, која многу добро ја познава работата на сите граѓански организации вклучени во оваа платформа бидејќи била дел од некои од нивните проекти, секогаш имаат отворена врата за нивните предлози и иницијативи.

Членовите на делегацијата кои претставуваат организации што застапуваат различни целни групи најмногу погодени од сиромаштијата како Роми, жени, пензионери и други, го запознаа претседателот на Владата со специфичните проблеми со кои се соочуваат припадниците на овие целни групи, кои главно се лоцираат во дискриминацијата на пазарот на трудот, во социјалната заштита, во здравствената сфера, како и во делот на еднаков пристап до социјалните мерки на Владата.

- Премиерот Заев и претставниците на „Македонска платфрома за борба против сиромаштија“, се договорија дека ќе отворат постојана комуникација за заедничка потрага по решенија за ефикасна борба против сиромаштијата, и дека ќе воспостават практика на заедничка соработка која ќе биде континуирана и која ќе ја намалува сиромаштијата кај сите погодени граѓани и групи, посочуваат од владината прес-служба.

Спасовски: На крвавиот 27 април не се повлековме, нема да се откажеме од Македонија ниту на 8

„Нека изборните резултати бидат мотивација за уште повеќе да се кренеме, затоа што прогресивна и напредна Македонија е мнозинска Македонија, прогресивна и напредна Македонија е таа Македонија којашто е потребна на сите нас и на идните генерации”.

Носителот на листа на кандидати за пратеници од Изборната единица 2, предводена од СДСМ и Коалицијата за европска иднина, Оливер Спасовски, на средба со граѓаните во Чучер Сандер порача дека на 8ми мај победува мнозинска Македонија.

„Нека изборните резултати бидат мотивација за уште повеќе да се кренеме, затоа што прогресивна и напредна Македонија е мнозинска Македонија, прогресивна и напредна Македонија е таа Македонија којашто е потребна на сите нас и на идните генерации”, рече Спасовски пред граѓаните на Чучер Сандево.

„Пораката е примена, слушната, тоа е дека единствената вредност во државата е секогаш да бидете рамо до рамо со својот народ. Ние сме тука, посветени заедно за отворање на перспективите на државата. Имаме два кандидата со два концепти застапувани во периодов. Сметам дека треба да се концентрираме да обезбедиме победа за Стево Пендаровски во наредниот период, човек кој може цврсто да стои и да го држи кормилото на Македонија. Не ни личи нам да застанеме и да не се бориме, не застанавме кога зависеше дали ќе останеме живи на 27 април, останавме цврсти, успеавме да се сруши режимот”, истакна Спасовски

„Изборите се нова можност, поддржувачите на СДСМ и коалицијата да бидеме активни, да разговараме со секој еден граѓанин и да ја бараме поддршката, да се извиниме за грешките, да си кажеме за пропустите, да се ветиме тоа што може реално да оствариме. Сето она што беше потреба во 2016 и 2020 е целосно реализирано, што беше директно од дискусијата со граѓаните. И оваа програма се заснова на реални основи кои значат подобар животен стандард за секој, програма која ги третира еднакво сите”, рече Спасовски, потенцирајќи ја одговорноста кон идеалите во однос овие избори.

„Одговорноста на СДСМ е дотолку поглема да направиме се’ да не ги разочараме идеалите и да не ги напушптиме идеалите на нашите предци, оние кои се темелите на македонската современа држава. И точно е дека оваа држава е створена на телемите на Народноослободителна борба и на борбата на партизаните, и тоа никогаш не смее да го заборавиме и никој никогаш нема да биде поголем чувар од СДСМ за овие вредности”, рече Спасовски, додавајќи дека само со СДСМ државата напредува.

„Само СДСМ кога е власт државата напредува, се поместува од место, се остваруваат идеалите и наштие стратеѓки интетеси. Верувам дека со многу енергија и посветеност, да оствариме националниот интерес, да биде дел од европското семејство, да ги донесеме европските вредности во институции, со реформи кои значат подобри услови за животи, подобра инфраструктура, подобро земјоделие, подобри меѓучовечки односи. Ние мора да ја добиеме најважната битка против криминалот и корупцијата токму преку тие европски вредности”, рече Спасовски. Притоа, тој упати повик до граѓаните масовно да се заокружи бројот 1 на 8ми мај.

„Ова е мотивација за сите нас, од денеска до 8 мај нема застанување, да ги споделиме нашите видувања за иднината низ разговор со граѓаните, бидејќи не смееме да се откажеме од инднината. Масовно на 8 мај за бројот 1!”, заврши Спасовски со своето обраќање пред граѓаните на Чучер Сандево.

Сандерс: Не е антисемитски да се каже дека владата на Нетанјаху уби 34.000 Палестинци

Американскиот сенатор Берни Сандерс денеска му порача на израелскиот премиер Бенјамин Нетанјаху дека „не е антисемитски да се каже дека екстремистичката влада“ на Нетанјаху убила повеќе од 34.000 Палестинци.

Американскиот сенатор Берни Сандерс денеска му порача на израелскиот премиер Бенјамин Нетанјаху дека „не е антисемитски да се каже дека екстремистичката влада“ на Нетанјаху убила повеќе од 34.000 Палестинци и повредила повеќе од 77.000 за нешто повеќе од шест месеци.

„Господине Нетанјаху, антисемитизмот е гнасна и одвратна форма на фанатизам што на милиони луѓе им нанесе невидена штета. Но, ве молиме, не ја навредувајте интелигенцијата на американскиот народ обидувајќи се да ни го одвлечете вниманието од неморалните и незаконски политики на вашата екстремистичка и расистичка влада“, напиша Сандерс на својот профил на мрежата X.

Почнува втората фаза од парламентарните избори во Индија

Денеска во Индија почна втората фаза од гласањето на најголемите избори во светот.

Денеска во Индија почна втората фаза од гласањето на најголемите избори во светот, додека актуелниот премиер Нарендра Моди и неговите ривали се фокусираат на горливите прашања како што се верската дискриминација, позитивната дискриминација на обесправените групи и даноците. Речиси една милијарда луѓе имаат право да гласаат на парламентарните избори во Индија.

Индиските 5-неделни парламентарни избори денеска влегоа во нивната втора фаза со гласање во 4 држави во североисточниот дел на земјата. Безбедносните мерки се на зголемено ниво заради спречување на обидите на вооружени сепаратисти или племенски групи да го нарушат гласањето.

Владејачката Индиска конгресна партија и партијата на Хинду националистот Баратија Џаната предводат коалиции од помали и регионални партии.

Изборите ќе се одржат во 10 фази и треба да завршат до 12 мај. Пребројувањето на гласачките ливчиња ќе трае до 16 мај, кога се очекуваат и првите резултати.

Во петте недели право на глас имаат околу 815 милиони луѓе.

притисни ентер