Македонија

Кодфест тек фестивал од 7 до 9 април во Охрид

Дваесет и седум тима ќе учествуваат на 32 часовен технолошки натпревар во развивање технолошки идеи во рамки на Кодфест тек фестивал (Codefest Tech festival), што ќе се одржи од 7 до 9 следниот месец во Охрид.


Петтото издание на Кодфест ќе се одвива под мотото „Славење на иновациите во технологииите“. Ќе понуди и еднодневна конференција за технологија и стартапи со околу 400 учесници, пред кои ќе говорат реномирани технолошки и бизнис експерти од САД, Велика Британија, Шпанија, Данска и Македонија. Паралелно со маратонот и конференцијата ќе се одржи мини саем на компании и организации од областа на технологијата, на кој ќе се претстават 15 стартапи.

Организаторот и основач на фестивалот, здружението „Старт ап зона“ најавува и одржување на 15 работилници на различни теми како хардвер, маркетинг, социјални медиуми, hands-on hacking, growt hackin,...

- Со фестивалот се дава можност на младите и најиновативните лица од државава и странство да се претстават интернационално. Носиме голем број меѓународни експерти кои се дел од настанот во различен формат, како спикери, ментори и жири и директна поддршка на тимовите на Кодфест маратонот. Целта е да се доближат до меѓународниот технолошки свет, да добијат видливост и валидација во рана фаза на нивните идеи и проекти, изјави Јасна Тренгоска, коосновач на Кодфест.

Покровител и коорганизатор на Кодфест годинава е Фондот за иновации и технолошки развој. Нивни тимови ќе одржат практична работилница како да се подготват поквалитетни предлог проекти за четвртиот повик со кој се доделуваат милион и 450 илјади евра, со кои ќе може да се поддржат 25 претпријатија.
- Компаниите имаат можност да добијат до 100.000 евра. Се надеваме дека овие работилници ќе помогнат и ќе генерираат добри идеи и квалитетни проекти од кои Фондот ќе има можност да избере и понатаму во текот на годината да ги финансира, изјави директорката Фондот за иновации и технолошки развој Јасмина Поповска.

На досегашните изданија на Кодфест искуства и знаења со учесниците разменуваа претставници од „Фејсбук“, „Вибер“, „Мајкрософт“, „Гугл“... Нивното искуство од работата со младите од Македонија, истакна Тренгоска, е дека се доста амбициозни, талентирани, со разновидни способности. - Тоа е ресурс на Македонија кој треба да се искористи, рече Тренгоска.

Посочувајќи на резултатите на досегашните учесници на Кодфест Тренгоска наведе дека победничкиот тим од минатогодишниот Кодфест, пред некое време го лансираше стартапот резервирај.мк и учествуваше во акцелераторската програма на Сивус инкубатор.

- Сме имале доста слични приказни кои се успешни, стартапи кои формално или неформално соработуваат со странски компании. Како пример, од минатогодишниот Кодефест е и стартап што работеше на хардверско решение, а кои моментално работат со британска компанија и веќе треба да почнат со масовно производство на продуктот, информира Тренгоска.

Регион

Грција воведува шестдневна работна недела

Во јули во Грција ќе се воведе шестдневна работна недела.

Во јули во Грција ќе се воведе шестдневна работна недела, а обврската ќе важи за државните служби, комуналните претпријатија, банките, фирмите, организациите и земјоделските стопанства кои досега практикуваа петдневна работна недела, пишува inNewspaper.

Според законот, работниот ден дополнително работно време не може да трае подолго од осум часа, а не е дозволена прекувремена работа. Оваа одредба, која стапува во сила од 1 јули, не мора да ја следат работодавачите на фирми кои по својата природа не се континуирани, односно до сега не работеле пет дена во неделата. Има и други исклучоци.

Во однос на ограничувањата, вработен во шестиот работен ден не смее да работи повеќе од 8 часа и не е дозволена прекувремена работа. Во случај фирмите да имаат петдневни ноќни смени (00:00-06:00 часот), тогаш шестиот ден може да не работат во ноќна смена.

Свет

Американците се згрозени од снимката на наставник како претепува ученик,додека другите гледаат

Наставник (27) претепал ученик кој наводно го навредувал на расистичка основа, а инцидентот се случил пред очите на другите ученици во училиштето Валеи во Лас Вегас.

Во вознемирувачкото видео е снимено како наставникот му удира шлаканици на ученикот, па го фрла на земја и го клоца пред насобраните средношколци.

Според првичните информации, ученикот го нарекол наставникот „црнец“, што резултирало тој да се налути и да се соочи со младиот човек.

Откако видеата беа објавени во јавноста, полицијата ги уапси наставникот и ученикот, а локалните власти известија дека на 27-годишниот маж отсега ќе му биде забрането да предава во областа.

По нападот ученикот бил примен во болница каде се уште е таму поради повредите со кои се здобил во нападот.

Наставникот, меѓу другото, е обвинет и за нанесување тешка повреда и бил пуштен со кауција од 9.000 долари, а судењето е закажано за подоцна.

Шоу биз

Во музејот на Битлси во Ливерпул е изложен познатиот јапонски сервис за чај на Џорџ Харисон

Јапонскиот сервис за чај, купен од англискиот гитарист, пејач и поранешен член на Битлси Џорџ Харисон во 1966 година за време на турнејата на Битлси низ Јапонија, е изложена во музејот на Битлси во Ливерпул.

Сервисот, еден од трите купени од Харисон во Јапонија, му го подарил менаџерот на турнејата Нил Аспинал на неговиот син Роаг Бест, кој сега го води музејот на Битлси.

Како што изјави, на тридневната турнеја, Битлси свиреле за повеќе од 10.000 луѓе по концерт.

„Битлеманијата навистина ја погоди Јапонија. Тие не можеа да ја напуштат хотелската соба“, рече Бест, кој е син на Аспинал и Мона Бест и полубрат на Пит Бест, оригиналниот тапанар на Битлси.

Тој изјавил дека неговиот татко, маскиран, го придружувал Џон Ленон, додека еднаш излегувале од хотел во Токио, еднаш излегол и Пол Макартни со маска, но Ринго Стар и Харисон останале заклучени во собите.

„Тие сакаа да купуваат работи на турнеја, но бидејќи не можеа да излезат, луѓето ги носеа своите производи во нивните соби. Џорџ купи три многу украсени јапонски чајни комплети кои потоа ги испрати назад во Англија. Чуваше еден, татко ми дозволи тој да избира од преостанатите два, а третиот и го дал на мајка си“, рекол Бест, пренесува Би-Би-Си.

Сервисот е префрлен во Ливерпул, во куќата на Мона Бест, сопственик на клубот „Касба“.

Бест изјавил дека на сетот недостасуваат три чаши кои ги скршил кога имал 15 години.

Тој додаде дека се надева дека сервисот за чај ќе биде од особен интерес за фановите на Битлси од Јапонија кои го посетуваат музејот во Ливерпул.

„Фан клубот на Битлси е еден од најголемите по членство и има околу 40.000 фанови. Мислам дека ова ќе им се допадне“, рече Бест.

притисни ентер