Во Прилеп почнуваат чествувањата за Карпалак

Во прилепската касарна „Мирче Ацев“ вечер ќе почнат чествувањата по повод 15-годишнината од загинувањето на десет прилепски бранители на 8 август 2001 година кај месноста Карпалак на патот Скопје - Тетово.
Делегации на најблиските на загинатите, на соборците, на здруженија, на локалната самоуправа и граѓани, од 18 часот пред спомен-бележјето во касарната ќе положат цвеќе и ќе се поклонат пре споменот на загнатите: Сашко Китаноски, Нане Наумоски, Бранко Секулоски, Марко Деспотоски, Ердован Шабаноски, Љубе Грујоски, Дарко Вељаноски, Веби Рушитоски, Горан Миноски и Пеце Секулоски. Ќе биде посетена и спомен-собата во кругот на касарната.

Вечер од 19 часот цвеќе ќе биде положено на споменикот во селото Лениште, а во манастирот „Света Петка“ ќе се одржи вечерна богослужба.

Утре во 6 часот наутро делегација на блиските, соборци и од локалната самоуправа ќе тргне на месноста Карпалак, каде пред 15 години во заседа беше нападнат воениот конвој кога загинаа 10-те прилепски бранители.

Од 7.30 часот ќе бидат посетени гробовите на загинатите бранители во Прилеп и ќе биде поставен јарбол со државното знаме. Во 10 часот во црквата „Света Петка“ во населбата Точила ќе се одржи панихида, а од 12.30 часот ќе биде одбележувањето на годшнината пред споменикот „Карпалак“ во центарот на Прилеп. /МИА

Како ќе се реши проблемот со извозот на земјоделски производи на Косово?

Времената рамка на Косово за повисоки царини од 30% за овошје и зеленчук предизвика хаос во регионот.

Петти ден земјоделците немаат каде да ги извезуваат своите производи. Извозот од ден во ден е се помал. Им се закануваат огромни штети.

В среда во Белград ресорните министри на земјите од регионот на итен состанок ќе бараат лек за проблемот. Најавија и контра-мерки. Македонија веќе испрати и допис до ЦЕФТА  и ЕУ потенцирајќи дека мерката е неаргументирана.

Во меѓувреме српскиот министер за трговија Расим Љајиќ и порача на Приштина да се одлучи дали е или не е ЦЕФТА потписничка.

Косовската времена мерка ќе трае три месеци. Со неа, за 30% се зголемуваат царините за увезеното овошје и зеленчук. Опфаќа 21 сорта од земјоделските производи и важи за сите држави кои увезуваат во Косово.

Најпогодени, според министерството за земјоделство, се доматите, пиперките и сливите.

Иран: Најмалку 25 лица повредени во земјотресот

Најмалку 25 лица се повредени во земјотресот со јачина од 5,9 степени по Рихтер, кој денеска го погоди западен Иран, неколку часа откако два земјотреси ја потресоа јужната провинција Хормозган.

Гувернерот на западната провинција Керманшах, Хусанг Базванд, изјави дека 25 лица се повредени и дека, за среќа, нема информации за мртви.

Претходно денеска, јужниот дел на Иран беше погоден од земјотреси со јачина од 4,7 степени и 5,7 степени според Рихтеровата скала.

Во тие потреси немаше повредени, а предизвикана е помала материјална штета.

притисни ентер