12-те милиони евра на Мишковиќ во самиот светски врв на платена кауција

Си ја купи слободата и влезе во историјата на српското правосудство. 12 милиони евра кауција, плати српскиот тајкун, сопственикот на Делта Холдинг, Мирослав Мишковиќ.

Тој утре ќе го напушти Окружниот затвор во Белград, каде мина седум месеци и 10 дена – одземен му е пасошот и има обврска секој месец да се јавува во полиција.

- Станува збор за многу моќен човек. Кога велам моќен, не е во игра само тој. Во прашање е цела номенклатура од претходната власт, вклучувајќи и добар дел министри и пратеници од оваа власт. Тие беа дел и во претходната влада и беа на неговиот платен список, изјави Петар Лазиќ, аналитичар.

68-годишниот Мишковиќ е осомничен дека преку приватизација на различни градежни фирми без да плати данок ја оштетил земјата за околу 33 милиони евра. Се смета за најбогат Србин, чие богатство никој не успеа точно да го преброи, а за кого со години се зборуваше дека има моќ да урива и да формира влади, се до лани, кога на власт дојдоа екс радикалите Николиќ и Вучиќ. По апсењето, Мишковиќ му порача на вториот дека нема да го дочека телевизиското интервју закажано истата вечер.

- Знам каква пресуда си потпишав себе си, со тоа што дозволив полицијата и обвинителството да си ја работат работата. Државата ова еднаш мораше да го направи, изјави Александар Вучиќ, вицепремиер на Србија.

Неговите 12 милиони евра кауција го ставаат Мишковиќ на самиот врв во светски рамки. Помалку од него, 8 милиони евра плати еден Бернард Медоф, брокерот кој ја предизвика најголемата финансиска измама во САД тешка 65 милијарди долари, а за која доби 150 години затвор. Колку за споредба, Џорџ Зимерман, плати скромни милион долари во случајот со 17-годишното момче Трејвон Мартин. Недостижни и за Мишковиќ, сепак се титанот од Вол Стрит, Мајкл Милкен со вртоглави 250 милиони и британскиот брокер Џулиус Меинл со 133.

Видео: Јелена Карлеуша евакуирана од хотел поради пожар

Српската пејачка Јелена Карлеуша заедно со своето семејство летува во Турција.

Таа на својот Инстаграм профил сподели дека се запалила шумата покрај хотелот во кој престојувале.

Поради ова била побарана итна евакуација на гостите од сите околни хотели.

Јелена Карлеуша целиот настан го снимила и го објавила на Инстаграм, а на видеото можат да се чујат и гласови на други гости од хотелот кои се во паника.

„Нема да верувате што се случува во нашиот фенси хотел, се годи. Само што дојдоа да не евакуираат. Еве, јас сум тука со децата. Да знаете, ова е хаос“, вели Карлеуша додека ги смирува децата.

Инаку шумскиот пожар во Турција започна вчера и го зафати југот на земјата.

Пекинг регистрира прв случај на коронавирус по шест месеци

Пекинг го забележа првиот случај на коронавирус за речиси шест месеци или првиот случај по 179 дена, јави Си-Ен-Ен.

Веднаш по првиот, пријавен е уште еден. Станува збор за маж и жена кои неодамна престојувале во град во провинцијата Хунан, каде се пријавени неколку случаи на инфекција на Делта сојот.

Сите контакти на заразената двојка се ставени во карантин.

За последните 24 часа во Кина се регистрирани 49 нови случаи, додека 86 случаи беа регистрирани претходниот ден.

Седница на ИО на СДСМ: Дефинирани уште пет кандидати за градоначалници

​Вечерва на седница на Извршниот одбор на партијата, беа дефинирани уште неколку кандидати за градоначалници од редовите на СДСМ.

По спроведените испитувања на јавното мислење, по истражувањата и анализите во органите на партијата и секако по консултација со членовите, вечерва дефинирани се дополнителни пет кандидати за градоначалници.

1. Ѕвонко Пекевски – Берово

2. Борис Георгиевски – Гази Баба

3. Јасмина Гулевска – Могила

4. Тони Делков - Неготино

5. Даниел Крстевски - Ранковце

Ова се кандидатите кои Извршниот одбор, раководството на партијата, ги дефинираше заедно со граѓаните и членовите на партијата од овие општини.

Токму граѓаните знаат која личност е најдобрата опција за нив и затоа токму заедно со граѓаните ја создаваме најдобрата кадровска понуда за секоја општина.

Анализите, истражувањата на јавното мислење и консултациите продолжуваат и во овој период. Како што најавивме и претходно, фазно, до крајот на август, ќе ги објавиме кандидатите за сите општини во кои СДСМ ќе настапи со свои кандидати.

СДСМ е и останува прв во промените, прв во храбрите одлуки и чекори и така ќе биде и на овие локални избори.

СДСМ го носи најдоброто за секој општина, најдоброто за нашата држава и тоа е препознаено и од граѓаните.

Затоа расте довербата на граѓаните, затоа СДСМ има убедливо водство на сите релевантни анкети.

Граѓаните знаат дека само со СДСМ е можен развојот на општините, дека само со СДСМ е можен напредокот на државата и затоа на изборите во октомври граѓаните повторно масовно ќе ја дадат довербата на концептите на СДСМ.

Центар за комуникации со јавноста на СДСМ

притисни ентер