Археолозите пред спектакуларно откритие за врската меѓу Тутанкамон и Нефертити - Канал 5

Култура

Археолозите пред спектакуларно откритие за врската меѓу Тутанкамон и Нефертити

Археолозите по откривањето на скриените хиероглифи во гробницата на Тутанкамон веруваат дека постои можност легендарната египетска кралица Нефертити да се наоѓа во тајна одаја покрај гробот на нејзиниот наследник.

Археолозите пред спектакуларно откритие за врската меѓу Тутанкамон и Нефертити

Николас Ривс, поранешен кустос на Одделот за египетски антиквитети на Британскиот музеј, изјави дека експертите претходно се сомневале дека тоа е можно, но дека досегашните радарски снимки ја потврдуваат таа теорија.

Ривс открил дека картушите што го прикажуваат погребот на Тутанкамон биле насликани над картушите на Тутанкамон кој ја погребувал Нефертити, легендарната кралица на Египет и сопруга на кралот Ехнатон. Картуш е овална рамка околу египетските хиероглифи што го означуваат името на фараонот.

„Откривме дека под него има картуши од самиот Тутанкамон, што докажува дека на сцената првично се гледа како Тутанкамон го погребува својот претходник Нефертити. Во спротивно не би ја имал таа декорација во гробницата на Тутанкамон“, изјави Ривс за Гардијан.

На украсениот северен ѕид, подоцнежните картуши го покажуваат фараонот Аи, наследникот на Тутанкамон, како држи церемонијален сад и го изведува ритуалот на „отворање на устата“ на мумијата, со цел да ги врати петте сетила на починатиот.

„По детално испитување на картушот на Ај, откривме траги од претходното име - Тутанкамон. Во својата оригинална верзија, оваа сцена го прикажува Тутанкамон како изведува погребен ритуал за првичниот сопственик на гробницата, неговиот претходник Нефертити“, вели Ривс.

Гробницата на Тутанкамон е откриена пред точно сто години и во неа имало огромно количество богатства кои на младиот крал, како што верувале старите Египќани, ќе му биле потребни во задгробниот живот.

Ривс верува дека поради ненадејната смрт на Тутанкамон во 1324 година п.н.е., кога имал 19 години, а со тронот владеел само девет години, била донесена одлука да се изврши итен погреб.

Тој рече дека новите докази ја поддржуваат теоријата дека гробницата на Тутанкамон е само надворешниот дел од многу поголема гробница подготвена за Нефертити, чии погребни комори се скриени некаде во комплексот.

Во 2015 година, Ривс тврдел дека сликите со висока резолуција од гробницата на Тутанкамон покажуваат линии под обоените ѕидни површини, што сугерира дека таму има врати. Но, други експерти сметале дека скенирањата не биле доволно убедливи.

„Многу е лесно да се отпише оваа теорија како чиста фантазија, но открив дека декорацијата на ѕидовите во гробницата е променета. Археолозите отсекогаш биле збунети од местото на погребување на Тутанкамон поради неговата чудна форма. Тој е многу мал и не како што би очекувале од крал“, изјавил британскиот археолог.

Џорџ Балард, експерт за радарски и геофизички истражувања на згради и градби, е подеднакво возбуден од новото откритие и убеден дека лажниот ѕид го блокира влезот во продолжениот дел од гробницата.

„Доказите што ги имаме досега сугерираат дека постои вештачка структура која ги формира северните и источните ѕидови на ризницата. Но, за некои тие не се доволно убедливи. Тоа е секогаш проблем во науката. Но, ако постои структура, тоа значи дека некој ја изградил, а не се гради во Долината на кралевите без цел“, вели Балард за Скај Њуз.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Апокалиптични сцени во Истанбул: Улици под вода, буица носи возила, затворени училишта

Обилните дождови предизвикаа големи поплави низ Истанбул, при што улиците се претворија во реки, автомобили останаа заглавени во водата, а беа поплавени и домови и деловни објекти. 

Видео: Апокалиптични сцени во Истанбул: Улици под вода, буица носи возила, затворени училишта

Во невремето настрада и едно момче, откако стапна во локва во парк.

Момчето, идентификувано со иницијалите М.И., починлоа во паркот „Чукур Бостан“, во истанбулската населба Балат, во општината Фатих.

Според информации од кабинетот на гувернерот на Истанбул, момчето било пренесено во болница во бесвесна состојба, но починало и покрај напорите на лекарите да му го спасат животот. Надлежните органи започнаа истрага за да ги утврдат сите околности на овој случај.

Разорните врнежи предизвикаа хаос низ градот, при што службите за итни случаи примија вкупно 2.518 повици поврзани со временските неприлики. Евидентирани се 1.277 случаи на поплавување, 15 свлечишта и 47 ситуации во кои луѓе останале заглавени поради водата.

Исто така, пријавени се 13 паднати дрвја и два оштетени покриви. Според достапните податоци, невремето зафатило 808 станбени објекти, 280 деловни простории и 76 возила.

Куќи, продавници, патишта и подвозници се поплавени, а бројни автомобили останаа заробени во водата. Во еден дел од градот, минувачи спасија жена која била носена по улицата од водената стихија, додека пожарникари извлекоа лице заробено во поплавен подрум.

Најсилните врнежи беа регистрирани во областа Омерли, во општината Бејкоз, на азиската страна на Истанбул. Таму беа измерени 193,84 литри дожд на квадратен метар.

Во Арнавуткој беа регистрирани 125,9 литри на квадратен метар, додека во областа ИТУ Маслак, во општината Саријер, наврнаа 124,72 литри.

Во Чаталџа беа измерени 75,2 литри на квадратен метар, во Картал 14,3 литри, а во Бакиркој 6,8 литри. Количината на врнежи на одредени локации доведе до брзо излевање на водата на улиците и поплавување на објекти, што дополнително го отежна движењето на граѓаните и одвивањето на сообраќајот.

Поради опасните временски услови, властите одлучија во четврток да ја прекинат наставата во училиштата низ Истанбул. Исто така, забранет е сообраќајот за мотоцикли поради опасностите на патиштата.

Тагови: Истанбул

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Филипче: Скандалозно признание на Тошковски дека нашата граница е швајцарско сирење

Претседателот на СДСМ, Венко Филипче, во телевизиско гостувањето, рече дека изјавата на министерот за внатрешни работи Панче Тошковски дека границата е швајцарско сирење е скандалозна.

Филипче: Скандалозно признание на Тошковски дека нашата граница е швајцарско сирење

Претседателот на СДСМ, Венко Филипче, во телевизиско гостувањето, рече дека изјавата на министерот за внатрешни работи Панче Тошковски дека границата е швајцарско сирење е скандалозна, посочувајќи го примерот со пуштањето на Ива Михаилова , како и низата безбедносни пропусти во изминатиот период.

„Вчера министерот за внатрешни работи, би рекол, скандалозно изјавува дека нашата граница е швајцарско сирење. Ама тоа не треба тој да го изјави, тоа се гледа секојдневно. Изминатите повеќе од две години како е тој министер за внатрешни работи. Се сеќавате на скандалите на границата со Косово, како поминуваше Африм Гаши на свадба и така натаму. Како избега Артан Груби?“, рече Филипче.

Филипче посочи дека случајот со Ива Михаилова е уште еден во низата скандали за кои треба да има одговорност.

„ Најмалку што може, Панче Тошковски, сега, после овој скандал, последен во низата скандали е тоа. Да не го заборавиме случајот со пожарот во Кочани, се обиде да ги заштити делот од полицајците кои што таму работеа, рече претседателот на СДСМ, Венко Филипче.

Во врска со случајот со Ива Михаилова, Филипче побара Бугарија да ја екстрадира и побара одговорност од Тошковски и Христовски.

„Бараме Бугарија да направи екстрадиција. И тоа е најмалку што Бугарија треба и може да направи во корист на добрососедските односи. Да потсетам на лажниот сертификат што директорот на АНБ, Бојан Христовски, го има од Бугарија. Да не е тоа причината зошто сега има вакви договори? Затоа што АНБ треба да има одговорност, затоа што МВР треба да има одговорност. А како ние можеме да бидеме сигурни дека сега нема некој таков договор, кога директорот на АНБ има фалсификуван сертификат за англиски јазик од Бугарија?. Нема што друго да е освен договор, затоа што нема објаснување како некој може така да помине граница. И адвокатот и самата Ива кажаа дека ја поминале границата најлегално, рече Филипче.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски на потпишување договор за нова инвестиција

Премиерот Христијан Мицкоски денеска ќе присуствува на потпишување договор за нова инвестиција.

Мицкоски на потпишување договор за нова инвестиција

Договорот ќе биде потпишан во свечената сала на владата.

По потпишувањето предвидено е Мицкоски и претставници на „компанијата да одржат заедничка прес-конференција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер