Технологија

Apple решително го одбија притисокот на Трамп: Нема да ја укинеме програмата за разновидност

Одборот на директори на Apple, предводен од извршниот директор Тим Кук и претседателот Арт Левинсон, силно се спротивставува на предлогот за елиминирање на нивната програма за разновидност, капитал и вклучување (DEI).

Одборот на директори на Apple, предводен од извршниот директор Тим Кук и претседателот Арт Левинсон, силно се спротивставува на предлогот за елиминирање на нивната програма за разновидност, капитал и вклучување (DEI), повикувајќи ги инвеститорите да гласаат против предлогот, и покрај зголемениот притисок од конзервативните групи, јавува Би-Би-Си.

Иницијативата за укинување на програмата DEI доаѓа од Националниот центар за истражување на јавни политики (NCPPR), кој тврди дека таквите политики претставуваат „темпирана бомба“ за бизнисот, изложувајќи ги компаниите на сериозни правни, репутациски и финансиски ризици.

Но, директорите на Apple остануваат непоколебливи. Во својот одговор тие посочуваат дека предлогот на NCPPR е целосно погрешен, бидејќи компанијата веќе има робусни системи за контрола, нагласувајќи дека со таквиот план „несоодветно се бара микроменаџирање на програмите и политиките на компанијата“.

Интересно е тоа што Apple останува меѓу ретките технолошки гиганти кои се спротивставуваат на овој тренд. Другите големи американски компании, како што се Мета и Амазон, веќе почнаа да се повлекуваат од нивните програми за ДЕИ, особено во светло на враќањето во Белата куќа на Доналд Трамп, познат критичар на овие политики.

Конзервативните групи веќе се заканија со правна постапка против големите компании, повикувајќи се на минатогодишната одлука на Врховниот суд со која ги отфрли афирмативните мерки на универзитетите. Мета беше меѓу последните кои потклекна на тој притисок, објавувајќи минатиот викенд дека ќе ги намали своите иницијативи на DEI, кои вклучуваат вработување добавувачи и програми за обука, наведувајќи ги „променетите правни и политички околности“. Судбината на DEI програмите на Apple ќе биде решена на годишното собрание на акционери на 25 февруари, датум што може да биде преседан за иднината на таквите програми во корпоративна Америка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Отворен целосно реконструираниот градски базен во Кавадарци

Градскиот базен во Кавадарци денес официјално е пуштен во употреба по завршената реконструкција.

Во реконструкцијата како што појасни градоначалникот Митко Јанчев, биле вложени околу 1 милион евра преку владин јавен повик.

Обновени се големиот и малиот базен, системот за филтрација и пречистување на водата, соблекувалните, санитарните јазли и останатите придружни содржини, а поставени се и нови водни атракции и детски реквизити.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Невремето го оштети системот на Македонска пошта – три дена се доцни со достава на пратките

Невремето во Скопје предизвика проблеми и во Македонска пошта.

Поради обилниот дожд била оштетена серверската соба, односно електронскиот систем за распределба на пратките, поради што веќе три дена има доцнење во доставата.

Директорот на Македонска пошта, Куртиши, уверува дека проблемот се санира и очекува од утре доставата да се нормализира.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

САД продолжуваат со воздушните напади врз Иран

Соединетите држави ја завршија дванаесеттата последователна ноќ на воздушни напади врз Иран.

Цели биле иранските поморски капацитети, складишта за ракети и беспилотни летала, крајбрежни системи за надзор и објекти на противвоздушната одбрана.

Според ЦЕНТКОМ, операциите треба дополнително да ја намалат способноста на Иран да напаѓа цивилни морнари и трговски бродови. Американската команда тврди дека, откако повторно почнала да ги блокира иранските пристаништа, пренасочила девет комерцијални бродови, а уште еден онеспособила. Дополнително за првпат Америка го употреби стратегискиот бомбардер Б-1 во нападите врз цели на Иран.

-Во моментов, ситуацијата е прилична едноставна. Бродови се обидуваат да минат низ теснеците и тие се напаѓани. Комерцијални бродови кои пловат низ теснеците се напаѓани. САД го штитат овој поморски сообраќај и, покрај тоа, ги гаѓаат местата од каде што се извршуваат нападите врз тие бродови, со цел дополнително да се намали способноста на Иран да напаѓа и да го загрозува глобалниот поморски сообраќај. Тоа сега се случува и на тоа сме сега фокусирани – изјави Рубио.

Со веќе препознатливата остра реторика, Трамп се закани дека САД ќе ја напаѓаат цивилната инфраструктура во Иран како одговор на секој напад врз брод во Ормускиот Теснец.

-Во овој судир што го имаме со Исламската Република Иран, и намерно ја нарекувам така, затоа што, да ви кажам, тие трпат нависнина силни удари и сакаат да постигнат договор. Но, јас велам дека се уште не се подготвени за договор. Затоа што секојпат кога ќе постигнеме некаков договор, тие сакаат да ги менуваат и слино. Не се подготвени. Но, ќе бидат подготвени многу наскоро. – изјави Трамп.

Во меѓувреме, Техеран ги нападна американските сојузници низ Блискиот Исток. Иранските државни медиуми јавија дека американски ракети погодиле цели во западниот дел на Иран. Во уште еден американски ракетен напад на границата со Ирак, биле убиени две лица.

Раководството во Техеран одговори со сопствени закани. Во случај на американски напади врз иранската инфраструктура, ќе следува масовна одмазда, изјави министерот за надворешни работи Абас Арагчи на платформата Х. Тој посочи дека иранската одбранбена политика е јасна: „Око за око“.

Тагови: Доналд Трамп Марко Рубио

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.