Премиерот на Унгарија, која што од понеделник претседава со Европската унија, денеска ја посети Москва и се сретна со Путин. Тој потег ги разбесни лидерите на ЕУ, кои го осудија и рекоа дека Орбан не разговара со Путин во име на Унијата, туку исклучиво како унгарски премиер, објави Индекс.

Откако Путин и Орбан се сретнаа во Кремљ, двајцата лидери излегоа пред новинарите и одржаа заедничка прес-конференција.

Унгарија го смета своето шестмесечно претседавање со Европската унија за мировна мисија, рече Орбан на прес-конференцијата.

„Потребни се многу чекори за да се стави крај на војната, но ние го направивме првиот чекор за да го обновиме дијалогот“, рече Орбан, додавајќи дека „позициите во Киев и Москва се уште се многу различни“.

Путин рече дека Орбан го информирал за неодамнешната средба со украинскиот претседател Зеленски во Киев и за предлогот на Унгарија за итен прекин на огнот, што ќе овозможи почеток на преговорите. Рускиот претседател веднаш додаде дека Украина нема да се согласи на тоа бидејќи „Зеленски сака да продолжи вонредната состојба бидејќи сака да остане на власт засекогаш“.

Путин додаде дека Русија сака „целосен и конечен крај на конфликтот“, а клучот за завршување на конфликтот треба да бидат, како што рече, руските предлози. Тој додаде дека му е благодарен на Орбан што се обидел да го обнови дијалогот меѓу Русија и Европа.

Да потсетиме, Путин на 14 јуни на средба со раководството на руското Министерство за надворешни работи ги претстави своите, како што рече, „услови за почеток на мировните преговори со Украина“.

Неговиот ултиматум гласи - Украинските сили мора да се повлечат од територијата на сите четири региони кои Путин ги прогласи за дел од Русија (Доњецк, Луганск, Запорожје и Керсон). Треба да се запомни дека руската армија не контролира целосно ниту еден од тие четири региони.

Заедно со повлекувањето на украинските сили од четирите украински региони, Путин постави и услов како дел од ултиматумот Киев да вети дека нема намера да влезе во НАТО.

За потсетување, Унгарија во понеделник го презеде шестмесечното ротирачко претседавање со Советот на Европската унија. Во вторникот Орбан го посети украинскиот претседател Володимир Зеленски во Киев, а сега одлучи да замине во Москва во „мировна мисија“, само неколку дена пред самитот на НАТО.

„Со таква средба, унгарското претседателство завршува пред навистина да започне. Се чини дека Унгарија не ја сфати својата улога. Скептицизмот на земјите-членки на ЕУ, за жал, беше оправдан. Се работи за улогата на промовирање на интересите на Будимпешта “, изјави еден европски дипломат за Ројтерс.

Шефот за надворешна политика на ЕУ, Жозеп Борел, рече дека Орбан во Москва „на ниту еден начин не ја претставува ЕУ“. Финскиот премиер Петри Орпо веста за посетата ја опиша како вознемирувачка. „Неговата посета ќе покаже непочитување на должностите на претседавачот и ќе ги поткопа интересите на Европската унија“, напиша тој вчера.

Павел Хавличек, истражувач во Чешката асоцијација за меѓународни работи, рече дека посетата на Орбан е злоупотреба на слабоста на Брисел за време на формирањето на новиот состав и опасно поткопување на заедничката европска позиција.

Орбан вели дека му е јасно дека нема право да преговара во име на ЕУ, но дека мирот не може да се склучи „од удобна фотелја во Брисел“. „Не можеме да седиме со скрстени раце и да чекаме војната со чудо да заврши“, рече тој.

„Се става одложување на имплементацијата на дел од концепцијата што се однесува за седмо, осмо и деветто одделение во однос на наставните планови и програми без да бидат засегнати изборните предмети за кои сметаме дека се добро решение во идниот процес на образование кај младите.

Ова решение всушност ќе овозможи да надминеме еден сериозен проблем наталожен долги години. Веќе наназад неколку години вие знаете на недостаток на учебници. Секојдневно макотрпно работевме на изнаоѓање решение за овој проблем, дадовме максимални напори. Секојдневно бевме во комуникација, се среќававме со Бирото за развој на образование за да изнајдеме решение и конечно тоа и се случи и со силни барања, со силни напори, успеавме да обезбедиме всушност учебници за децата и оваа година.

Станува збор за седмо одделение, нагласувам и оваа година учениците во Македонија ќе имаат учебници за разлика од претходните години, кога процесот на креирање, печатење, одобрување на учебници од за нас навистина непознати причини, а претпоставувам повеќе познати на јавноста причини беше неодржлив, променлив, со бројни промени во повиците со грешки во учебниците и така натаму.

Да не должам многу, после одлуката на оваа влада ние почнуваме со позитивните промени, и да, децата оваа година на 1-ви септември ќе имаат учебници.“, рече министерката за образование Весна Јаневска на попладневната прес конференција.

Од осумте повредени, тројца се во животна опасност, тројца се здобиле со тешки телесни повреди, а двајца со полесни повреди.

Несреќата се случила синоќа, кога камион со голема брзина поминал низ раскрсница, иако имал знак за стоп, и влетал во парк на Менхетен, соопшти полицијата.

Градоначалникот на Њујорк Ерик Адамс рече дека истражителите не веруваат дека инцидентот е терористички чин.

Полицијата соопшти дека на возачот на камионот му било извршено тестирање на алкохол, што се верува дека придонело за несреќата.