Тој правилно предвиде дека Кина ќе излезе од најлошата фаза на епидемијата многу порано од другите, за разлика од разни експерти кои предвидуваа нешто друго.
Левит сега тврди дека Соединетите држави и остатокот од светот ќе го поминат истиот процес, пишува „Лос Анџелес Тајмс“.
Додека многу епидемиолози предупредуваат со месеци, па дури и со години, борба со социјална нестабилност и милиони смртни случаи, Левит вели дека достапните податоци едноставно не поддржуваат такво сценарио. Особено не во области каде се воспоставени разумни мерки за социјална оддалеченост.
„Она што ни треба сега е контрола на паниката“, рече Левит. Ако погледнеме од светска перспектива, ќе бидеме добри, потенцира Нобеловацот.
Еве што го забележа Левит во Кина: На 31 јануари 46 смртни случаи биле предизвикани од коронавирус. Иако бројот на нови смртни случаи постојано се зголемувал, стапката на пораст се намалува. Тоа е ран знак дека кризата на епидемијата го менува својот тек.
Со едноставен пример, Левит се обиде да објасни за што станува збор.
"Помислете на епидемијата како тркачки автомобил што јури по автопат. Иако се забрзува, не забрзува во моментот бидејќи се забрзал од порано. Ова значи дека стапките на жртви ќе се намалат уште во текот на следната недела", напиша Левит во извештајот на 1 февруари на кинеските платформи за социјални медиуми. Наскоро, неговото предвидување се покажа како точно.
Бројот на смртни случаи од Ковид-19 продолжи да опаѓа.
Само три недели подоцна, Левит изјави за China Daily News дека ширењето на вирусот го достигна својот врв. Тој предвиде дека вкупниот број на луѓе кои ќе се заразат со коронавирус на крајот ќе биде околу 80.000, и дека приближно 3250 ќе умрат од болеста „Ковид-19“.
И тоа се покажа како неверојатно точно и прецизно.
Од 16 март, Кина има 80.229 пациенти и 3.245 смртни случаи, земја со население од 1,4 милијарди, а секоја година умираат десетици милиони луѓе. Бројот на нови инфекции опадна на околу 25 заразени на ден, при што болеста повеќе не се шири локално од средината на март.
Сега Левит, кој ја доби Нобеловата награда за хемија во 2013 година за развој на комплексни модели на хемиски системи, гледа слични ситуации во другите земји.
Дури ги вклучува и оние кои не ги воведоа драконските изолациони мерки што беа на сила во Кина, особено во Вухан, фокусот на пандемијата. Левит анализирал податоци од 78 држави кои пријавувале повеќе од 50 нови случаи на „Ковид-19“ секој ден и открил многу знаци на закрепнување.
Во своите пресметки, Левит не го зема вкупниот број пациенти во една земја, туку секојдневно се занимава со бројот на нови случаи, особено заинтересиран за тоа како се менува бројот на нови случаи од ден на ден.
„Податоците се сè уште конфузни, но има јасни знаци на бавен раст“, истакнува Левит.
На пример, Јужна Кореја додава повеќе случаи на инфекција со коронавирус на вкупниот број на пациенти секој ден, но тој број опадна во изминатите неколку дена и останува цврсто под 200. Ова укажува, според Левит, дека ширењето на инфекцијата забавува.
Бројот на нови случаи дневно во Иран претходната недела беше релативно константен, не расте брзо - на 16 март имало 1.053 нови случаи на инфекција, додека во неделата, на 22 март, бројот на заразени изнесува 1.028. Левит посочува дека моделот сугерира дека епидемијата во Иран го преминал пикот .
Епидемијата во Италија, од друга страна, е во експанзија. Таму, бројот на нови случаи се зголемува во текот на изминатата недела скоро секој ден.
Земјите кои се спротивставија на првичното ширење на инфекцијата, мора да земат предвид дека постои шанса коронавирусот да се врати, предупредува Левит. Кина моментно се бори со нови инфекции бидејќи нивните жители се враќаат дома од земјите каде што вирусот се шири неконтролирано. Другите земји сигурно ќе се соочат со овој проблем, заклучува Левит.
Левит не го избегнува фактот дека податоците се исклучително конфузни и неуредни и дека броевите на заразени во некои области се премногу ниски или релативно неточни бидејќи не биле тестирани доволно луѓе.
„Бројките не се целосни, но постојаниот пад значи дека нешто не е во ред, не дека имаме конфузни податоци“, додава Нобеловацот.
Со други зборови, сè додека причините за неточните бројки остануваат исти, корисно е да ги споредувате секој ден.
Траекторијата на смртни случаи ги поддржува неговите откритија и заклучоци, како што ги следи трендовите за нови инфекции.
„Вирусот е нов, популацијата нема имунитет, вакцината нема да биде достапна во скоро време. Сега не е време за пиење со пријателите“, истакнува Левит.