Американски доктор доби отказ, зашто вишокот вакцина и го дал на сопругата (ВИДЕО) - Канал 5

Живот

Американски доктор доби отказ, зашто вишокот вакцина и го дал на сопругата (ВИДЕО)

Докторот Хасан Гокал добил отказ откако вакцинирал луѓе со преостанатата доза од отворено шише вакцина на Модерна.

Американски доктор доби отказ, зашто вишокот вакцина и го дал на сопругата (ВИДЕО)

На докторот од Тексас му преостанале десет дози од вакцината против ковид-19, чиј рок на употреба ќе истечел за шест часа, и тој ги искористил за вакцинирање на хронично болни лица, вклучувајќи ја и неговата сопруга. Наскоро добил отказ.

За време на доцните вечерни часови во декември, Гокал останал со отворено шише вакцина против „ковид-19“ и имал само шест часа да најде десет лица што може да ги вакцинира пред времето на истекување.

Тој повикал познаници, но и непознати за кои чул дека се хронично болни и ги поканил во неговиот дом во близина на Хјустон. Меѓу нив имало и неподвижна личност, 80-годишна жена со деменција и мајка со дете кое имало проблеми со дишењето.

После полноќ и многу брзо пред истекот на рокот, Хасан Гокал и ја дал последната доза на својата сопруга која страдала од белодробно заболување и имала проблеми со дишењето.

Гокал бил отпуштен од државната служба поради овие постапки, а потоа бил обвинет за кражба на 10 дози вакцина во вкупна вредност од 135 американски долари.

"Сè се сруши врз мене. Боже, тоа беше најнискиот момент во мојот живот", изјави Гокал за „Њујорк тајмс".

Кон крајот на јануари, судија го отфрлил обвинението како неосновано, но обвинителите одлучиле да покренат тужба на повисоко ниво.

Хасан Гокал (48) дошол во САД од Пакистан како момче и подоцна се школувал за лекар. Откако некое време работел во болницата во Њујорк, се преселил во Тексас во 2009 година за да го предводи одделот за итна медицина во приградската болница во Хјустон. Тој исто така работел како волонтер и во 2017 година помогнал во обновата на домовите и пружал медицинска помош по ураганот Харви.

Кога започнала пандемијата на почетокот на 2020 година, тој живеел еден месец во хотел и во посебен стан за да не ја зарази својата сопруга Марија (47), која има белодробна саркоидоза. За среќа, рече тој, наскоро бил префрлен во нов оддел и му била дадена задача на водач на ковид тим. Имал помала плата, но бил помалку изложен на заразени лица отколку кога работел во Службата за итни случаи.

На 22 декември, Гокал учествувал на состанок преку Интернет каде државните службеници му го објасниле на медицинскиот персонал протоколот за вакцинација со вакцината на Модерна. Тие навеле дека со 10 или 11 дози во шише може да се вакцинира во рок од шест часа по отворањето, бидејќи после тоа истекува рокот.

Упатството било да се вакцинираат прво оние од категоријата 1а (здравствени работници), а потоа и оние од категоријата 1б (лица над 65 години или оние со хронични здравствени проблеми). На конференцијата било речено дека после тоа, кој треба нека се вакцинира затоа што „ниту една доза не треба да пропадне“.

На 29 декември, Гокал ја надгледувал вакцинацијата на здравствените работници. Темпото било бавно и не биле дадени повеќе од 250 дози. Кон крајот на вакцинацијата, околу 18:45 часот, медицинската сестра отворила уште едно шише и сега требало да се дадат десет дози од вакцината во рок од шест часа.

Прво повикал разни здравствени работници, но оние што биле во установата веќе биле вакцинирани или одбиени од некоја друга причина. Потоа, на пат кон дома, тој ги повикал своите познаници на телефон и ги прашал дали познаваат луѓе со хронични болести што може да ги вакцинира.

Кога стигнал до неговата куќа, жена во 60-тите години со срцеви проблеми и жена во раните 70-ти го чекале пред влезот. Ги вакцинирал.

Потоа се возел до неколку други лица со висок ризик, вклучувајќи маж на околу 60-тите години од животот со здравствени проблеми, неподвижен 90-годишник и 80-годишна жена со деменција. Како што поминало полноќ, а останала уште една доза, тој ја вакцинирал сопругата.

„Тоа не беше мојата првична намера, но за половина час можев да ја фрлам вакцината во тоалетот“, рече Гокал.

Следното утро, лекарот ги предал сите записи за вакцинација во болницата. Тој ги информирал претпоставените за сите дадени дози, вклучувајќи ја и онаа што и ја дал на неговата сопруга и изјавил зошто го сторил тоа.

Неколку дена подоцна, надзорникот на болницата и директорот за човечки ресурси го повикале во канцеларијата и го прашале дали дал 10 дози надвор од распоредот за вакцинација на 29 декември, на што тој одговорил потврдно. Тој веднаш добил отказ.

Му рекле дека го прекршил протоколот и требало да ги врати преостанатите дози во канцеларијата или да ги фрли.

Гокал останал без работа, неговата сопруга сега има проблеми со спиењето, а децата се загрижени. Од болницата му било речено да не се враќа се додека не се реши неговиот случај.

Своето време го поминува во волонтирање во непрофитна здравствена клиника за оние кои немаат здравствено осигурување.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

„Беше прекрасен татко, но падна во депресија по отказот“- мајка за сопругот кој ги уби нивните две деца

Мајката на две деца чиј татко ги убил фрлајќи ги од покривот на гаража, а потоа извршил самоубиство, проговори за околностите околу нивната трагична смрт!

„Беше прекрасен татко, но падна во депресија по отказот“- мајка за сопругот кој ги уби нивните две деца

Шестгодишната Каролин Линч и нејзиниот брат Џејмс Линч, на осум години, беа пронајдени во вторник, 3 ноември, пред општинска зграда во Маунт Либан, Пенсилванија, со повреди за кои се сомнева дека се предизвикани од падот, објави Пипл.

Нивниот татко, Патрик Линч, исто така е пронајден со слични повреди. Сите тројца починаа во инцидент што полицијата го истражува како убиство-самоубиство, соопшти шерифската служба на округот Алегени.

Според PennLive, Патрик ги фрлил децата од петкатна паркинг гаража. По убиствата, мајката на децата објави на Фејсбук дека Патрик бил депресивен откако неодамна ја изгубил работата.

На снимка од екранот од објавата, која ја споделија Daily Voice, WPXI TV и PennLive, Ана ДеМеј Линч напиша дека Патрик „донел неповратна одлука да ги убие нашите две деца и себеси“, додавајќи дека тој бил „прекрасен татко“.

„Тој беше отпуштен во август и набргу потоа, стана депресивен“, додаде таа во објавата.

На профилот на Патрик на LinkedIn е наведен како научник за податоци, кој работел на машинско учење и вештачка интелигенција, а неговата последна работа завршува во август.

Ана во својата објава на Фејсбук напиша дека успеала да го убеди Патрик да оди на терапија и дека тој имал закажан преглед за следниот ден.

„Еден ден предоцна“, напиша таа. „Никогаш не помислив дека нашата приказна ќе заврши вака“.

За Ана е отворена страница GoFundMe додека се бори со загубата на Каролин и Џејмс и се подготвува за нивните погреби.

Заедницата на Маунт Либан, исто така, се собира за да им оддаде почит на децата, за кои канцеларијата на медицинскиот испитувач соопшти дека починале од „повеќе повреди од тап предмет“.

„Таа беше само мало снопче радост. Ги сакаше луѓето“, изјави Вики Хефелфингер, која го познаваше семејството Линч преку нивното учество во училиштето за пливање.

„Секој пат кога ја гледавме, таа им мавташе на сите. Ги гледаше другите деца и беше едноставно толку храбро мало девојче“.

Тагови: деца татко

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Познато е колку заработува Ламар Одом за една недела на OnlyFans (ВИДЕО)

Поранешната НБА ѕвезда Ламар Одом би можела да заработи повеќе од 180.000 евра благодарение на својот нов профил на платформата OnlyFans. 

Познато е колку заработува Ламар Одом за една недела на OnlyFans (ВИДЕО)

Поранешниот кошаркар на Лос Анџелес Лејкерс заработил повеќе од 45.000 евра за само осум дена, изјавил извор за TMZ.

Месечната претплата за пристап до неговите ексклузивни фотографии и видеа е околу 13,45 евра.

Одом отвори профил на OnlyFans минатиот месец, што го прави првата поранешна НБА ѕвезда што се приклучила на платформата, според медиумските извештаи.

Тој ја објасни својата одлука велејќи дека смета дека времето е вистинско за тоа. Призна дека во текот на својот живот поминал низ многу бурни периоди, но исто така рече дека подготвува уште неколку изненадувања за своите фанови.

„Сите опции се отворени“

Поранешниот кошаркар на Лос Анџелес Клиперс објави дека на неговиот профил ќе има разновидна содржина, вклучувајќи изненадувања што неговите фанови можеби не ги очекуваат.

„Сè уште нема да откривам премногу. Ќе мора да се претплатите за да дознаете. Само знајте дека сум искрен и сите опции се отворени“, рече тој.

Одом рече дека во текот на целиот свој живот често донесувал непредвидливи одлуки и дека сè уште може да ја изненади јавноста. „Отсекогаш сум бил отворена книга, но има поглавја што луѓето сè уште не ги виделе“, изјави тој.

Неговата девојка Рејчел Бредли исто така отвори профил на OnlyFans. Извор близок до двојката откри за TMZ дека постои можност тие да објавуваат содржина заедно во иднина.

Беше во брак со Клое Кардашијан

Одом јавно ја потврди својата врска со Рејчел Бредли во април, кога објави видео на Инстаграм од нив како заедно влегуваат во Crypto.com Arena во Лос Анџелес. Неколку дена претходно, тие споделија и заедничка фотографија со актерот Тери Крус и неговата сопруга Ребека Кинг Крус.

Пред врската со Бредли, Одом беше во долгогодишна врска со Лиза Моралес, со која има две деца, ќерката Дестини (28) и синот ЛЈ (24).

Тој е особено познат на јавноста по бракот со ријалити ѕвездата Клое Кардашијан, со која се ожени во 2009 година. Нивниот брак западна во криза, а во 2013 година решија да се разделат. Разводот официјално беше финализиран во 2016 година.

Тагови: OnlyFans Ламар Одом

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Фицо тврди: Резултатите од референдумот за пристапување во ЕУ беа фалсификат

Словачкиот премиер Роберт Фицо денес тврдеше дека референдумот за пристапување на земјата во Европската Унија бил наместен и дека немало да има пристапување доколку не било така.

Фицо тврди: Резултатите од референдумот за пристапување во ЕУ беа фалсификат

„Одржавме референдум кој, доколку не беше наместен, немаше да биде успешен. Тоа мора да се каже. Разликата беше толку мала што, според мене, беа направени одредени корекции за да се обезбеди дека исходот е онаков каков што беше потребен за Словачка да го одобри пристапувањето кон оваа организација“, изјави Фицо за телевизијата TA3.

Зборувајќи за атмосферата во Словачка во 2004 година, кога земјата се приклучи кон ЕУ, Фицо оцени дека пристапувањето било проследено со голем ентузијазам од една страна, но дека од друга страна, резултатот од референдумот бил многу тесен.

Референдумот за пристапување кон Европската Унија во Словачка се одржа во мај 2003 година, со излезност од 52 проценти, а мнозинството гласаше позитивно за пристапувањето.

Словачка се приклучи кон Европската Унија во 2024 година.

Тагови: Роберт Фицо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер