Амандманската расправа по ребалансот продолжува в понеделник – усвоен еден амандман - Канал 5

Македонија

Амандманската расправа по ребалансот продолжува в понеделник – усвоен еден амандман

Лукаревска информираше дека од пратеничката група на Левица до неa пратиле допис дека одлучиле да повлечат дел од нивните амандмани.

Амандманската расправа по ребалансот продолжува в понеделник – усвоен еден амандман

Амандманската расправа по ребалансот на Буџетот во законодавниот дом продолжува в понеделник, откако денеска на 39. седница на Комисијата за финансирање и буџет беше усвоен еден амандман поднесен од пратениците од власта, а не беше усвоен ниту еден амандман предложен од пратениците од опозицијата.

На седницата беа дискутирани вкупно 31 амандман, од кои прифатен беше само амандманот поднесен од пратениците од власта, кој се однесуваше на обезбедување средства во износ од 50 милиони денари за исплата на надоместок на право на посебен додаток кои ги користат лицата со попреченост до 26 години и лица над 26 години старост, односно за лицата за правото на попреченост.

Дел од амандманите, пак, поднесени од страна на пратениците од Европскиот фронт и Левица се однесуваа на реконструкција на НУ Турски Театар – Скопје, реконструкција на Арабат Баба или Серсем Али Баба теќе во Тетово, Албанскиот театар за деца и младинци – Скопје, купување на амбулантни возила и обезбедување средства за нови вработувања на турската заедница кај Народниот правобранител, како и средства за вработување во целиот правосуден систем.

Пратеникот од редовите на Европскиот фронт Сали Мурати, при образложување на поднесениот амандман во врска со реконструкцијата на НУ Турски театар – Скопје, посочи дека Театарот претставува институција од национален интерес, бидејќи, според него, Театарот е основоположник на театарот во Македонија. Нагласи дека десетици актери од ансамблот на Турскиот театар – Скопје играат во серии во Република Турција, за кои рече, претставуваат наши амбасадори во Турција.

Во образложението на поднесениот амандман во врска со реконструкцијата на Арабат Баба или Серсем Али Баба теќето во Тетово, пратеничката од Европскиот фронт Арбана Пашоли посочи дека се работи за духовно наследство за локалното населени и дека реконструкцијата на објектот ќе придонесе во промоција на културното наследство и развивање на туризмот. За амандманот во врска со Албанскиот театар за деца и младинци – Скопје, пратеничката од Европскиот фронт Дијана Тоска ги образложи предизвиците со кои се соочува Театарот и нагласи дека по нејзиното заминување од функцијата директорка на Албанскиот театар за деца и младинци се соочиле со недостиг на финансиски средства за плаќање на сметките за вода и струја.

Претходно на почетокот на седницата, претседателката на Комисијата Сања Лукаревска информираше дека од пратеничката група на Левица до неa пратиле допис дека одлучиле да повлечат дел од нивните амандмани.

Во првиот дел од седницата, поднесените амандмани кои беа одбиени се однесуваа на изградба на жичарницата Тетово – Попова Шапка, финансирање на стадионот во Тетово, за купување на заштитна опрема на земјоделските култури од град, за откупни државни центри за земјоделски производи во Прилеп и во Струмица, за изградба на градинка во село Свиларе во Општина Сарај, за изградба на старечки дом во Скопје и други инфраструктурни проекти во неколку населени места.

Седницата на собраниската Комисија за финансирање и буџет со амандманската расправа по ребалансот на Буџетот продолжува во понеделник во 13 часот.

Тагови: ребаланс на Буџетот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ѓуро ѝ го честита 30-тиот роденден на својата ќерка со емотивна објава: „Ти благодариме што си наша“

Актерот Бранко Ѓуриќ Ѓуро ѝ го честиташе 30-тиот роденден на својата ќерка Зала преку емотивна објава на Инстаграм, споделувајќи серија фотографии на кои се заедно.

Ѓуро ѝ го честита 30-тиот роденден на својата ќерка со емотивна објава: „Ти благодариме што си наша“

На фотографиите е прикажана Зала, од раното детство па сè до денес, придружени со трогателна порака од Ѓуро.

„Среќен роденден, моја мала принцезо! Остани среќна и здрава. Ти благодарам за сите убави, луди, среќни и незаборавни моменти на твоето патување од 0 до 30 години. Ти благодарам што си наша“, напиша тој.

Зала тргна по стапките на своите родители и работи како актерка. Таа се појави во филмовите „Šesti autobus“ и „Deda ide na jug“, а глумеше и заедно со својот татко во претставата „We Will, We Will Rakija“.

Претставата беше поставена според нејзиното сценарио, додека Ѓуро ја режираше. Претходно оваа година, Зала објави дека станала мајка, иако не откри детали за приновата.

Ѓуро има и ќерка, Ела, со сопругата Тања, како и син, Филип, од првиот брак.

Тагови: Бранко Ѓуриќ Ѓуро

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Тамагочи“ за 21-от век: Закерберг го претстави новиот уред

Извршниот директор на „Meta“, Марк Закерберг, неодамна го претстави „Meta Charm“ – мал рачен уред дизајниран да ја интегрира вештачката интелигенција во секојдневниот живот.

„Тамагочи“ за 21-от век: Закерберг го претстави новиот уред

Според пишувањата на „Der Spiegel“, уредот е со големина приближно колку „Тамагочи“ и поседува мал екран на допир, микрофон, две камери и можност за поврзување преку 5G мрежа. За разлика од мобилниот телефон, „Meta Charm“ нема да поддржува гласовни или видеоповици; наместо тоа, тој е првенствено наменет да овозможи пристап до софтверот за вештачка интелигенција на „Meta“.

Закерберг не ја објави цената на уредот ниту земјите во кои тој ќе биде достапен, но наведе дека се очекува да се најде во продажба до Божиќ. Уредот работи со помош на „Meta AI“ – асистентот со вештачка интелигенција на компанијата, кој беше пуштен во употреба во САД пред неколку недели.

„Meta AI“ е наменет да им помогне на корисниците во извршувањето на секојдневните задачи, како што се пазарењето и банкарските услуги. Со воведувањето на „Meta Charm“, „Meta“ има за цел да ја намали зависноста на корисниците од паметните телефони и од оперативните системи на „Apple“ и „Google“.

„OpenAI“, компанијата што стои зад „ChatGPT“, развива сличен уред со помош на поранешниот главен дизајнер на „Apple“, Џони Ајв.

Аналитичарот од индустријата, Ави Грингарт, истакна дека „Meta“ успеала да го „протне“ својот производ пред конкурентите како „OpenAI“, напоменувајќи дека иако е малку веројатно паметниот телефон наскоро да биде целосно заменет, новите уреди би можеле да го надополнат.

Во исто време, тој предупреди дека „Meta“ се соочува со предизвик во однос на довербата на корисниците кога станува збор за заштитата на приватноста.

Извор: Б92

Тагови: Тамагочи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Напад пред прагот на НАТО: Руско беспилотно летало удри близу границата, се огласија сирените

Руско борбено беспилотно летало погоди област во близина на граничниот премин Јагодин-Дорохуск – на украинската страна од границата со Полска – што предизвика реакција од полската војска.

Напад пред прагот на НАТО: Руско беспилотно летало удри близу границата, се огласија сирените

Според полските власти, леталото погодило цел на оддалеченост од приближно два километри од граничниот премин. Како одговор на нападот, Полска подигна воени авиони и ги стави своите сили во состојба на готовност.

Потполковникот Јацек Горишевски, портпарол на Оперативната команда на полските вооружени сили, потврди дека руско беспилотно летало се урнало во близина на Јагодин. „Беспилотен систем на Руската Федерација повторно се урна недалеку од преминот Дорохуск – уште еднаш во близина на Јагодин“, изјави Горишевски за ТВН24.

Државната гранична служба на Украина соопшти дека леталото погодило област на неколку стотици метри од границата, додека самиот граничен премин Јагодин останал неоштетен.

Истовремено, полската војска подигна авиони како одговор на руските напади врз западна Украина. Според достапните информации, нема потврда дека некое руско летало го нарушило полскиот воздушен простор.

Поради безбедносната ситуација, работата на два гранични премини – Дорохуск и Зосин – беше привремено прекината, а областа беше ставена под засилен надзор. Состојбата на готовност беше укината откако се утврди дека не постои непосредна закана за полската територија.

Посебно внимание привлекоа извештаите дека било употребено беспилотно летало на млазен погон од типот „Геран-5“. Полските воени претставници изјавија дека достапните информации укажуваат токму на тој тип на летало.

Овој граничен коридор и претходно бил цел на руски напади. Претходно овој месец, беспилотно летало погоди бензинска пумпа во Јагодин, на околу 800 метри од полскиот граничен премин, додека во друг инцидент беше погодена локомотива во близина на границата.

Овој најнов инцидент дополнително го сврте вниманието кон областа што се наоѓа веднаш до една од најважните копнени врски меѓу Украина и Полска.

Тагови: НАТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер