Македонија

Алтернатива ќе одлучува дали ќе биде дел од Владата

Дефинитивната одлука дали партијата на Африм Гаши, Алтернатива, ќе биде дел од Владата ќе биде донесена вечер на седница на највисокото партиско тело – Централен совет. 

На средбата закажана за вечер во 19 часот во седиштето на партијата во Тетово, како што најави партискиот портпарол Орхан Муртезани, ќе биде донесена конечна одлука, а повеќе информации ќе има на прес-конференција по завршувањето на седницата.

На состанокот на Централниот совет на Алтернатива му претходеа три средби на Гаши со премиерот и претседател на СДСМ во оставка Зоран Заев на кои се дискутираше за учество на Алтернатива во Владата и поддршка на парламентарното мнозинство од нивните четворица пратеници.

По последната средба што се одржа во средата, од Владата соопштија дека се очекува до крајот на оваа недела да се остварат потребните консултации во СДСМ и Алтернатива и да се обезбеди потребното усогласување со цел постигнување договор за можна заедничка влада.

-На средбата е констатиран евидентен напредок во усогласувањето на ставовите околу дополнувањето на содржинскиот дел на програмата на Владата, а разменети се и идеи и видувања од двете страни за споделување на одговорностите на највисоко ниво во институциите на централната власт. Разговорите, продолжуваат водени од аспирациите за европската агенда на државата и од потребата за испраќање јасни пораки кон граѓаните и кон ЕУ за посветеноста во европеизирањето на Северна Македонија, за унапредувањето на економскиот стандард и квалитетот на живот на граѓаните, информираа во соопштение од Владата.

Можната заедничка влада, како што наведоа, ќе се посвети на предизвиците кои доаѓаат од пандемијата и глобалната енергетска криза и која без заддршка ќе ги остварува зацртаните стратешки цели на Република Македонија.

На претходната средба на Заев и Гаши што се одржа на почетокот на неделава начелно бил договорен програмскиот дел од можната идна соработка на Алтернатива во Владата, а како што беше соопштено тогаш, консултациите за кадровските решенија се во тек. Заев и Гаши имаа средба и на 19-ти месецов кога беше соопштено дека разговарале за условите и улогата на Алтерантива во новото парламентарно мнозинство.

Разговорите за евентуално ново парламентарно мнозинство и за влез во Владата на Алтернатива уследија по неуспешната иницијатива во Собранието од страна на опозицијата за гласање доверба на Владата и повлекувањето на Беса од владиниот кабинет. И Алтернатива беше дел од опозицискиот блок потпишан за гласање недоверба на Владата, но Централното претседателство на партијата минатиот петок го овласти Гаши да почне разговори со сите политички актери, со премиерот и со евентуалниот нов мандатар за да се види каков е нивниот концепт за излез од политичката криза.

На седница на Централниот одбор на СДСМ, што се одржа истиот ден, беше констатирана оставката на Заев од лидерската позиција во партијата што ја даде лошите изборни резултати на локалните избори, но му беше даден легитимитет да ги води преговорите за парламентарно мнозинство. СДСМ ќе избира нов лидер на конгрес на 12-ти месецов, а за истиот ден конгрес претходно закажа и опозициската ВМРО-ДПМНЕ.

Заев во изјава пред една недела за тоа дали во овој момент ќе се повлече од премиерската функција а оставката ќе ја депонира во Собранието или пак ќе го послуша барањето на неговиот коалициски партнер ДУИ својот мандат да го заврши до 2024 година посочи дека сè ќе зависи од преговорите со Алтернатива и со Бугарија.

-Прво треба да се завршат преговорите за парламентарното мнозинство со Алтернатива. Ако тоа се заврши и јавно објави, ќе се направи проценка со стабилно и зголемено парламентарно мнозинство, кога да се влезе во Парламентот со постапка за избор на Влада со Алтернатива, а во зависност од преговорите со Бугарија. Една од најзначајните причини поради кои алтернатива би влегла во Влада е да обебзеди стабилна влада и стабилно мнозинство поради почеток на преговори со ЕУ, изјави Заев.

Лидерот на ВМРО-ДПМНЕ Христијан Мицкоски и вчера повторно побара да се одржат предвремени парламентарни изброи, критикувајќи ја власта и барајќи одговорност од неа за состојбата со енергетската криза, за автобуската несреќа….

Мицкоски во изјава при посетата на Прилеп рече и дека се сомнева и е загрижен дека „премиерот во заминување е подготвен да потпише нов договор со Бугарија кој ќе значи асимилација и директен удар на идентитетот на македонскиот народ". Повтори и дека е неетично што СДСМ закажале конгрес во ист ден со оној на ВМРО-ДПМНЕ иако нивниот бил закажан месеци порано./МИА

Регион

Мицотакис: Во изборот на претседател потребно е да се создаде национално единство

Она што сега е важно е да се финализираат соодветните процедури за избор на нов претседател и, и покрај приговорите што може да постојат да се создаде, националното единство со реализам и вистина.

Она што сега е важно е да се финализираат соодветните процедури за избор на нов претседател и, и покрај приговорите што може да постојат да се создаде, националното единство со реализам и вистина и ќе се стремам ова да го сторам како лидер на Нова демократија, очекувајќи го ставот и на останатите партии, порача грчкиот премиер Кирјакос Мицотакис на почетокот на средбата со претседателката во заминување Катерина Сакеларопулу, јави дописничката на МИА од Атина.

Станува збор за прва средба на Мицотакис и Сакеларопулу откако грчкиот премиер соопшти дека Константинос Тасулас е владиниот предлог за претседател на државата, а актуелната шефица на државата не доби можност за втор мандат.

Мицотакис посочи дека денешната средба е „посебна и различна од вообичаените“, ѝ се заблагодари на Сакеларопулу „за одличната соработка во овие пет години“.

-Историјата пишува дека сте првата жена претседател во историјата на Грција и верувам дека на институцијата ѝ ги дадовте вашите исклучителни карактеристики со тоа што го отворивте Претседателството на државата за грчкото општество, ставајќи голем акцент на општествените прашања, на културата, на уметноста, рече Мицотакис.

Паралелно го повтори ставот дека за време на следните уставни измени во 2026 година, ќе предложат претседателот или претседателката на државата да има еден, шестгодишен мандат.

Сакеларопулу им се заблагодари и на Мицотакис и на Парламентот за, како што рече укажаната чест и доверба во неа, кога пред пет години беше избрана за претседателка.

- Институционалната комуникација меѓу државните фактори и информирањето е многу важна во демократијата, за оваа цел беа и нашите месечни средби. На денешната меѓународна сцена, нашата ера има многу предизвици и ризици кои ги надминуваат границите на нашата татковина, а ова ја прави неопходна подготвеноста на целиот политички систем, со најголем можен консензус за доброто на земјата, порача грчката претседателка.

Мицотакис и Сакеларопулу првично беше најавено дека ќе се сретнат минатата среда во рамките на нивните редовни месечни средби, меѓутоа еден час пред средбата, од Премиерската палата информираа дека средбата се одложува за следните денови и соопштија дека Мицотакис ќе упати порака до граѓаните, во која соопшти дека владиниот предлог за следен претседател на државата е собранискиот спикер Косатнтинос Тасулас.

Претседателот во Грција го одбира Парламентот, а процедурите ќе започнат в сабота на 25 јануари со првото гласање.

Свет

Британскиот тинејџер ја призна вината за убиството на трите девојчиња во Саутпорт

 Британски тинејџер денеска се изјасни за виновен за убиство на три девојчиња во северна Англија во јули, злосторство што ја згрози нацијата и предизвика неколкудневни немири.

Аксел Рудакубана (18) го промени своето признание во невин и се изјасни за виновен на првиот ден од судењето во Ливерпул.

Тој призна дека ги избодел Беби Кинг (6), Елси Дот Стенкомб (7) и Алис Дасилва Агиар (9), кои биле на час по танц на тема Тејлор Свифт во Саутпорт.

Во нападот беа повредени уште десет лица, меѓу кои осум деца.

Рудакубана се изјасни за виновен по десет точки од обвинението за обид за убиство, како и за производство на смртоносниот отров рицин и поседување на прирачник за обука на Ал Каеда.

Пресудата се очекува в четврток.

Фудбал

Тренерот на Порто доби отказ по само шест месеци на позицијата

Порто го отпушти тренерот Витор Бруно, објави португалскиот клуб по двата порази од Национал и Жил Висенте, а двократниот освојувач на Лигата на шампионите е трет во табелата во локалната лига по 18 натпревари.

Бруно беше назначен во јуни 2024 година, потпишувајќи двегодишен договор, кога го замени Серхио Консеиао, кој си замина по седум сезони во кои освои 11 титули, вклучувајќи три титули во португалската лига.

Односот на Бруно со играчите се влоши откако Порто испадна од Лига купот по поразот од Спортинг со 1-0 во полуфиналето, а играчот од средниот ред, Пепе го критикуваше тренерот на социјалните мрежи.

Порто, една од 32-те екипи кои се квалификуваа за проширеното Светско клупско првенство во 2025 година, што ќе се одржи во САД од 15 јуни до 13 јули, ќе се соочи со Олимпијакос во четврток во натпревар од Лигата на Европа.

притисни ентер