Алијанса и Алтернатива: Спречувањето на вчерашниот протест е противуставно

​Спречувањето на вчерашниот протест од страна на полицијата е противуставно, но и противзаконско.

Во рамките на законот за одржување на јавни собири, во кои припаѓаат и протестите, поточно член 6 од Законот, децидно се вели кога и како може да се спречува протест.

Вчерашниот протест беше потполно мирен и протест за право, а не обратно.

Исто така, средствата или употребата на оружје од полицијата беше спротивно со Законот за полиција, конкретно членовите 80-91, каде во член91 децидно се вели што смее да користи полицајцијата кон учесниците во еден мирен протест.

Вчера, полицијата на Оливер и на Буши беше наоружана со калашникови со пригушивач, автоматски пушки, снајперски пушки во разни објекти, но и блиндирани возила и пизгавери.

Со други зборови, Скопје вчера личеше на една воена зона од големиот број на полицајци спроти мирните протести, со намера на нивно спречување или прекинување на противзаконски начин.

Полицијата беше таа што фрлаше камен и ја криеше раката, со намера да ја провоцира толпата, а тоа може да се гледа и од видео-снимките на медиумите, а тоа зборува за претходно смислено сценарио од страна на полицијата на режимот Заев-Ахмети.

Затоа денес сме тука, преку собраните слики и видеоа, да ви ги покажеме сцените на претходните режими и новиот режим, уште посуров од тој на Груевски.

Оваа мобилизација на полицијата не беше ни на 27 април 2017 год., иако тогаш се работеше за терористички напад кон Собранието на Македонија.

Од тука го прашуваме премиерот Заев, дали вие се сеќавате кога фрливте камења и други предмети кон државните институции и никој тогаш не ве спречуваше, дури вие палевте институции?

А денес токму вие спречувате мирен протест само затоа што учесничите беа Албанци.

Ова зборува за вашата дволичност,за вашиот морал на измамник.

Коалицијата Алијанса за Албанците и Алтернатива бара итна ослободување на приведените и оставка од Министерот Спасовски и неговиот заменик Буши поради прекршување на законот за јавни собири, но и политичка одговорност од режимот Заев-Ахмети.

Коалиција Алијанса за Албанците и Алтернатива

Норвешка прекина со вакцинации со АстраЗенека, 216.000 дози ќе им позајми на Шведска и Исланд

Норвешка, каде што привремено е прекината употребата на AstraZeneca, ќе им позајми на Шведска и Исланд 216,000 дози на нивно барање, објави норвешкото Министерство за здравство.

„Задоволен сум што вакцината што ја имаме на залиха може да биде корисна иако вакцината „АстраЗенека“ во Норвешка е ставена во мирување“, рече во изјавата министерот за здравство Бент Хеј.

Тие 216.000 дози вакцини од англо-шведската компанија треба да се искористат до јуни, а некои до јули. 200 000 дози ќе бидат насочени кон Шведска, а 16 000 за Исланд.

„Ако продолжиме да ја користиме AstraZeneca, тие ќе ни ги вратат позајмените дози кога ќе ги побараме“, прецизира Хеј.

Како и нејзиниот дански сосед, Норвешка престана да ја користи AstraZeneca на 11 март за поблиску да ги проучи нејзините несакани ефекти, ретки, но потенцијално тешки.

Од 134 000 администрирани инјекции во Норвешка, имало пет случаи на тешка тромбоза, од кои три биле фатални, а се пријавени кај релативно млади здрави лица. Уште една вакцинирана жена починала од мозочно крварење.

„Само Интервју” вечерва со Талат Џафери

Во вечерашнoтo „Само Интервју” ќе гостува Талат Џафери.

Дами и господа, петок е ден за „Само Интервју“, а вечерва ќе гостува Собранискиот спикер Талат Џафери.

Скафандери во Собрание, политички препреки и исцрпувачки седници за економските мерки, има ли законодавниот дом атмосфера за решавање на проблемите на граѓаните или стана самиот проблем?

Четири години по крвавиот 27 април, ја знаеме ли целата вистина?

Кога судот се откажа, можеше ли Собранието да покрене иницијатива за обесштетување на новинарите -сведоци на крвавиот четврток?

Дали им се лути на Заев и Мицкоски што не го поканија на лидерска? Можно ли е овој состав да биде ефикасен или предвремени избори се најдобро решение?

Вечерва во „Само Интервју“, Гоце Михајлоски прашува, Талат Џафери одговара, а вие гледајте Канал 5 Телевизија.

Жената мамела на возачки испит, сопругот го гризнал сопственикот на авто школата

Возачкиот испит во Австрија морало да го запре полицијата,откако инструкторите откриле дека еден ученик од автошколата се обидува да ги заобиколи правилата.

Авто школата во градот Инсбрук контактирала со полицијата откако 40-годишата кандидатка започнала да се однесува чудно додека полагала писмен испит, изјавил вчера полицискиот портпарол.

Жената сторила сé за да се осигура дека ќе го положи возачкиот испит: имала слушалки со Bluetooth и скриена камера зашиени во нејзиниот џемпер.

Додека полицијата ја испрашувала, нејзиниот сопруг се појавил и сакал да ја напушти автошколата со неа. Ситуацијата на крајот ескалирала кога мажот го каснал за рамо сопственикот на автошколата.

Двојката доби куп полициски пријави: тој за напад , а таа за мамење на испитот, но тие сепак не завршиле во притвор.

притисни ентер