Ако не се зголемат цените во договоритe, тутунарите ќе земат 40 милиони евра помалку - Канал 5

Македонија

Ако не се зголемат цените во договоритe, тутунарите ќе земат 40 милиони евра помалку

Зголемен е интересот за производството на тутун годинава откако добро помина откупот со 500 денари по килограм заедно со субвенцијата која е најавена дека наскоро ќе се исплаќа. 

Ако не се зголемат цените во договоритe, тутунарите ќе земат 40 милиони евра помалку

Ниските пролетни температури не неправија сериозни оштетувања кај производството на расад во прилепскиот регион каде се произведува најголемиот дел од тутунот.

Наскоро треба да почне и расадувањето по нивите а наскоро се најавува и исплатата на субвенцијата од 100 денари по килограм. Но тутунарите укажуваат дека не се задоволни од новите договори кои ги склучија според кои просечната цена за ова сега што го садат и цело лето што ќе го берат треба да изнесува 330 денари што заедно со субвенциите кои за догодина се повторно 60 денари за трета, 70 за втора и 80 денари за прва класа произлегува дека тутунарите ќе земат севкупно околу 400 денари односно колку што ја дадоа ланската реколта без субвенциите.

Ако не се седне на заедничка маса да се направат измени на цените ова ќе значи дека догодина тутунарите ќе земат околу 40 милиони евра помалку за произведениот тутун.

Откако драстично се намали производствот на тутун во Бугарија, земјава има шанси да го зголеми производството на тутун и да постигнува поголеми девизни приливи бидејќи на светско ниво има недостиг од околу 20 до 30 илјади тони на тутун односно толку колку што ние годишно произведуваме.

Годинава е зголемен интресот за тутунопроизводството откако ценовно поминаа добро со претходната реколта. Според потпишаните договори околу 30 илјади семјства ја планираат егзистенцијата од тутунот а приносот се очекува да биде околу 27 милиони килограми.

YouTube video

Тагови: договори тутунари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Огромен пожар избувна во близина на Мостар; Паника (ВИДЕО)

Голем пожар избувна денес во областа на Мостар, а пожарот би можел да го блокира главниот пат, бидејќи пожарот сè уште не е ставен под контрола, ниту пак е утврдена неговата причина, објавија локалните медиуми.

Огромен пожар избувна во близина на Мостар; Паника (ВИДЕО)

Пожарот избувнал на Буна, спроти Намекс, во правец на реката Неретва, а Професионалната противпожарна служба на Мостар потврди дека екипи се на терен и работат на гаснење на пожарот, објави веб-страницата на Требињеданас.

Сè уште не е познато што го предизвикало пожарот или колку површина е зафатена од пожарот, но фотографиите од терен покажуваат дека пожарот се заканува да го блокира главниот пат Мостар-Сараево, додека целата област е покриена со густ чад.

Извор:Б92

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Акциска контрола во сообраќајот во Скопје, изречени 219 санкции, одземен еден мопед

На 14.06.2026 во периодот од 16:00 до 24:00 часот на подрачјето на Скопје, Одделението за безбедност на патниот сообраќај и Единицата за полициски станици од општа надлежност при СВР Скопје спроведоа зајакната акциска контрола во сообраќајот.

Акциска контрола во сообраќајот во Скопје, изречени 219 санкции, одземен еден мопед

Притоа, беа преземени вкупно 219 мерки, од кои - 66 мерки за управување мотоцикл без кацига, шест мерки за возење со несоодветна категорија, 15 мерки за возење велосипед со помошен мотор без положен возачки испит, една мерка за нерегистриран мотоцикл, две мерки затоа што не застанале на даден знак и 129 мерки по останати прекршоци - не носеле возачка или сообраќајна дозвола, не била истакната регистарска табличка, недавање првенство на возила или на пешаци и друго. При акциската контрола, констатирано е едно кривично дело безобѕирно управување со мопед, односно присуство на алкохол во крвта од 1,93 промили по член 297-а од Кривичниот законик, по што мопедот е одземен.

Тагови: Акциска контрола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Брза реакција на СВР Скопје: Пронајден и лишен од слобода сторителот кој денеска опожари две возила пред Бугарската Амбасада

Веднаш по пријавата за пожар на две службени возила сопственост на Амбасадата на Република Бугарија во Скопје денеска (15.06.2026) во 12.13 часот, СВР Скопје презеде интензивни мерки и активности за расчистување на случајот и пронаоѓање на сторителот.

Брза реакција на СВР Скопје: Пронајден и лишен од слобода сторителот кој денеска опожари две возила пред Бугарската Амбасада

Во рамки на преземените активности, во краток временски период е идентификувано и пронајдено лицето за кое постои основано сомнение дека го сторило делото. Станува збор за И.Д. (44) од Скопје, кој е лишен од слобода и задржан во полициска станица.

При преземените дејствија е пронајдена и облеката што лицето ја носело во моментот на извршување на делото. Во координација со надлежен јавен обвинител се преземаат мерки и активности за целосно расчистување на случајот, по што против лицето ќе биде поднесена соодветна кривична пријава по итна постапка.

Тагови: Бугарска амбасада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер