Акцискиот план за малцинствата, кој неодамна беше вратен од Софија на доработка и предизвика нови превирања меѓу Македонија и Бугарија е во стадиум на прибирање на сите конструктивни забелешки а потоа заедно со Патоказите за владеење на правото и реформи на јавната администрација ќе се предадат во Брисел, посочува заменик министерот за надворешни работи и надворешна трговија – Зоран Димитровски, кој потенцираше дека Акцискиот план е изготвен по насоки на европски експерти.

-Се обидуваме односно ги правиме напорите навистина во Акцискиот план да бидат внесени сите забелешки, сите забелешки кои што се рационални и можат да допринесат кон унапредување на правата на малцинствата во Македонија. Интензивно сега работиме на завршување на сите реформски закони во овој грејс период кој што го имаме од шест месеци да ги завршиме сите, и нашето европско досие да биде чисто во таа смисла и да останат овие прашања кои се уште ги имаме како пречка за почеток на нашите преговори за членство,- -Зоран Димитровски - заменик министер за надворешни работи и надворешна трговија.

На денешниот состанок на меѓувладината мешовита комисија за заштита на националните малцинства помеѓу Македонија и Хрватска, хрватскиот претставник Звонко Милас, посочи дека Хрватска и Македонија имаат одлични билатерални односи и е подгтовена да помогне и со унапредувањето и заштитата на малцинствата.

- (Говориме за) промена на Уставот во Р.С.Македонија а со тоа и можност Хрватите соодветно да бидат дефинирани како хрватско национално малцинство. Значи, веќе неколку години имаме уверувања од највисоките македонски функционери, немаме причина да не веруваме во тоа. Претседателите на нашите влади зборуваа за тоа, а зборуваше и нашата дипломатија. Сигурен сум дека кога тоа ќе се случи, и се надевам дека ќе биде што е можно поскоро, Хрватите ќе бидат дефинирани како национално хрватско малцинство,- - Звонко Милас, државен секретар во Средишен државен уред за Хрватите надвор од Р.Хрватска.

Димитровски се заблагодари на својот хрватски колега за досегашниот третман на македонското малцинство во Хрватска, но немаше конкретни податоци колку Македонци живеат во оваа земја. Според него, резидентното население е околу 4000 македонци, но со сезонските работници и студентите, оваа бројка, како што вели тој, достигнува и неколу десетици илјади.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.