Балкан

80- годишен Италијанец е под истрага поради „снајпер туризам“ во Сараево за време на војната

Обвинителството во Милано покрена истрага против 80-годишен Италијанец како дел од случајот за наводен „снајпер туризам“ во Сараево во текот на 1990-тите, потврдија два извори директно вклучени во случајот.

Ова е првото лице идентификувано во истрагата што започна минатата година, пишува Ројтерс.

Прв осомничен

Според изворите, станува збор за поранешен возач на камион кој живее во близина на Порденоне во северна Италија. Човекот, чие име не е објавено, е обвинет за тешко убиство од прв степен. Сè уште не е познато дали е осомничен за директно пукање или за обезбедување транспортна и логистичка поддршка на клиентите. Осомничениот е на слобода, а обвинителите го повикаа на сослушување на 9 февруари.

Позадина на истрагата

Обвинителите истражуваат тврдења дека странци плаќале за да пукаат во цивили за време на опсадата на Сараево, главниот град на Босна и Херцеговина, во војната пред три децении. За време на војната од 1992 до 1995 година, која следеше по прогласувањето на независноста на Босна и Херцеговина од Југославија, околу 11.000 цивили беа убиени од гранатирање и снајперски оган од ридовите околу опколениот град.

Покрената истрага по известувањето од новинар

Обвинителството во Милано отвори истрага откако локалниот новинар и писател Ецио Гавацени поднесе тужба поради наводите дека Италијанци и другите странци им платиле на припадниците на силите на босанските Срби за да им дозволат да учествуваат во стрелачки патувања. Гавацени изјави дека бил инспириран за истражување од документарниот филм „Сараево Сафари“ од словенечкиот режисер Миран Жупанич од 2022 година.

Според него, богати странци платиле големи суми за да учествуваат. Тој тврдеше дека Италијанците се среќавале во Трст пред да патуваат во Белград, од каде што војниците на босанските Срби ги следеле до рид со поглед на Сараево. Покренувањето на италијанската истрага во ноември 2025 година им даде надеж на преживеаните дека одговорните ќе бидат изведени пред лицето на правдата.

Тагови: сараево снајперисти

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Филипче веќе ја нуди Македонија на распродажба и подготвува нови национални отстапки само за да дојде до власт

Додека официјална Бугарија секојдневно испраќа пораки со кои директно се оспоруваат македонскиот идентитет, јазик и историска посебност, Венко Филипче молчи и ја убедува македонската јавност дека нема причина за загриженост.

Наместо да бара цврсти гаранции и да ги брани националните позиции, Филипче однапред дава сигнали дека е подготвен за прифаќање на барањата кои македонскиот народ со години ги смета за неправедни, навредливи и понижувачки.

СДС не се однесува државнички. СДС и Филипче капитулираат пред бугарските барања.

Тоа е истата стара матрици на однесување на СДС. Зоран Заев прво тврдеше дека нема опасност за националните интереси, а потоа следуваа низа отстапки кои оставија длабоки последици и разочарување кај народот.

Денес Венко Филипче чекори по истиот пат и прво ги релативизира бугарските позиции, а потоа ќе се обидува да ги оправдува нивните барања пред јавноста.

Филипче не нуди визија, ниту стратегија за заштита на државните интереси. Тој нуди политика на попуштање, сервилност и прифаќање на туѓи диктати, само за да обезбеди политичка поддршка и да стигне до власт.

ВМРО-ДПМНЕ останува цврсто на ставот дека македонскиот идентитет, јазик, историја и култура не се предмет на уцени, преговори и политичка трговија. Ниту една власт нема мандат да преговара за она што е темел на македонската државност и национален опстанок.

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Сенатот му зададе удар на Трамп: Усвоена резолуција за прекин на воената акција против Иран

Американскиот сенат усвои резолуција со која од Трамп се бара да ја прекине американската воена акција против Иран, што претставува сериозен политички притисок врз администрацијата во екот на конфликтот на Блискиот Исток.

Со тоа, за првпат по донесувањето на законот за воени овластувања во 1973 година, двата дома на американскиот конгрес усвојуваат мерка со која се бара повлекување на американските вооружени сили од тековна воена операција. Гласањето ја одразува растечката загриженост кај дел од конгресмените, вклучително и некои републиканци, поради конфликтот што започна на 28 февруари, кога САД и Израел започнаа воени напади врз Иран. Иако резолуцијата најверојатно нема директно да ја запре воената кампања, таа се смета за значаен политички удар за Трамп, кој долго време уживаше речиси целосна поддршка од сопствената партија во конгресот. Трамп остро реагираше на одлуката на сенатот, оценувајќи ја како „бесмислена и лошо темпирана“, а пратениците кои гласаа за резолуцијата ги обвини дека со своите постапки му одат во прилог на Иран.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Интерпелација за работата на министерот за внатрешни работи Панче Тошковски

Денеска на собраниска седница е интерпелацијата за работата на министерот за внатрешни работи Панче Тошковски поднесена од пратениците од опозицијата.

Го обвинуваат министерот Тошковски за креирање на „приватна партиска полиција заради владино прикривање и таргетиран политички реваншизам кон опозицијата“; командна одговорност за полициските пропусти кои доведоа до трагедијата во Кочани; непостапување на македонската полиција во случаи на семејно, врсничко и родово базирано насилство и говор на омраза. Меѓу другото, забележуваат и за, како што наведуваат, непрофесионални „двојни стандарди“ при постапувањето на полицијата со различно однесување за исти или слични случаи проследено со злоупотреба на овластувањата при употреба на сила. Ова е трета интерпелација за министерот Тошковски.

Тагови: Панче Тошковски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.