70- годишен милијардер ја замени 20 – годишната девојка со нова, поатрактивна (ФОТО)

Поранешниот шеф на Рено во Формула 1, Флавио Бријаторе, кој има милиони на својата банкарска сметка, повторно е во врска со млада убавица.

Овој 70-годишник се чини дека сериозно ја сфатил изреката „помладо е послатко“, па во последно време тој е заинтересиран само за дами во нивните 20-ти години.

Откако раскина со 20-годишната студентка по право, Бенадета Боси, тој повторно ја пронајде љубовта со Марија Лудовика Кампана, која има 24 години, пренесува италијанскиот Vanity Fair.

Марија ја завршила школата за моден дизајн „Иституто Марангони“ во Милано и го основа својот бренд за костими за капење. На својот Инстаграм, каде ја следат 35.000 луѓе, таа редовно објавува свои секси фотографии во костуми за капење.

Бриаторе и Кампана се запознале за време на вечера во одморалиштето Порто Черво во северна Сардинија и, наводно, веднаш се вљубиле. Подоцна биле видени како уживаат на неговата луксузна јахта.

Пред Марија и Бенадета, Бријаторе беше во врска и со познати модели како Наоми Кембел и Хајди Клум, со која ја има и 15-годишната ќерка, Лени.

Тој бил девет години во брак со Елизабета Грегораци, 30 години помлада, а тие се разведоа во 2018 година и сега заедно се грижат за нивниот син Фалко.

Павле Трајанов и Љупчо Пренџов во „Само Вистина“

Вечерва во „Само вистина“ гости беа Павле Трајанов и Љупчо Пренџов

Трајанов изнесе оптимизам дека во наредните 2-3 дена Заев ќе успее да обезбеди парламентарно мнозинство врз основа на што би го добил мандатот за формирање влада. Според Трајанов ДУИ уценувале за премиер Албанец во рок од 6 месеци до една година и за повеќе места на извршни функции поради поголемиот број освоени пратенички мандати.
Пренџов истакна дека ако Заев и Ахмети ја сочинуваат повторно идната владејачка коалиција тоа би било погубно за Македонските евроинтеграции зашто дури тогаш ЕУ немало да ни даде датум за преговори , поради големиот криминал и корупција што го направиле овие две партии.

Трајанов и Пренџов спорат на што се должи бројот на освоени гласови во првата изборна единица.Според Трајанов голем број гласови на коалицијата ,,Можеме“ се изгубиле поради уставните измени и промената на името а дека опозицијата не сакала да учествува во процесот а сакала да ги користи бенефитите.

Пренџов ги оцени за измама сите,,прелети“ на пратеници од една во друга партија во Собранието,измама за која треба да се одговара. Иако дел од коалицијата предводена од ВМРО ДПМНЕ Пренџов рече дека за ГРОМ системот на меници за пратениците не бил познат и не се применувал.
И Трајанов рече дека е против менување на партискиот дрес. Рече дека бланко поддршка за новата влада нема и дека ако Заев не успее да формира влада, тие како ДС ќе бидат во опозиција.

Погледнете ја целосно вечерашната емисија „Само вистина“ овде.

Без масовно присуство на протестот за спас на Универзална сала

Вечерва изостана масовноста на протестот  за спас на Универзалната сала, кој преку иницијативата Солидарни за срцето на Скопје се најавуваше последните денови.

Иницијативата на фејсбук, потекна по објавата на конкурсот, за идејно решение за парк со летна сцена кој според замислите на градските власти, би требал да никне на местото на „Универзална сала“.

По бурните реакции во јавноста на иницијативата и се придружија повеќе уметници.. Но вечерва немаше масовна присутност а речиси и никој од присутните не сакаше да зборува пред камерите.. Но тоа го стори еден од поранешните директори на Универзална, Петар Георгиевски.

Шилегов објави видеа од диносаурусите во Зоолошка

Градоначалникот на Скопје Петре Шилегов на својот фејсбук профил објави видеа од неколку диносауруси кои денеска имале проверка пред монтажата на големите праисториски животни во Дино паркот во Зоолошката градина.

Во овој парк ќе има 41 диносаурус во природна големина. „ Диносаурусите ќе имаат синхронизирани движења, дишење, трепкање и ќе испуштаат звуци, со што ќе ги доловиме на посетителите овие праисториски животни.

Ова ќе биде прв Дино парк на Балканот каде ќе има толкав број на диносауруси, како и едукативна содржина за секој од нив. Паркот ќе зафаќа површина од 2.000 метри квадратни.

Ќе има два влеза, еден од внатрешноста на Зоолошката градина и уште еден од страната на Градскиот парк. За Дино паркот ќе се плаќа посебен билет од 50 денари.

За уредување на просторот и набавка на диносаурусите од буџетот на Град Скопје обезбедени се 20 милиони денари (околу 325.000 евра).

притисни ентер