55. Семакедонска средба Трново 2026! - Канал 5

Македонија

55. Семакедонска средба Трново 2026!

Во 1971 година за првпат е одржана Иселеничка Средба во македонската православна црква “Успение на Пресвета Богородица“ во битолското село Трново во организација на Матицата на иселениците од Македонија.

55. Семакедонска средба Трново 2026!

Утре, на 2 август, на големиот христијански празник Свети Пророк Илија - Илинден и Денот на државноста на Македонија, во дворот на црквата “Успение на Пресвета Богородица“ во потпелистерското село Трново, битолско, ќе се одржи традиционалната 55. Светска Македонска Иселеничка Средба и 46. Погранична Средба на Македонците од Егејскиот дел на Македонија како Една и единствена СЕМАКЕДОНСКА СРЕДБА ТРНОВО 2026!

Организатори на 55. Семакедонска средба се Матицата на иселениците од Македонија, Здружението на Македонците од Егејскиот дел на Македонија во Битола, Сојузот на здруженијата на Македонците и децата бегалци од Егејскиот дел на Македонија МАКЕДОН и Светскиот Македонски Конгрес.

Во 1971 година за првпат е одржана Иселеничка Средба во македонската православна црква “Успение на Пресвета Богородица“ во битолското село Трново во организација на Матицата на иселениците од Македонија. Во 1981 година, на истото место, една недела пред 2 август, за првпат започнува да се одржува и Погранична средба на Македонците од Егејскиот дел на Македонија во организација на Здружението на Македонците од Егејскиот дел на Македонија - Битола. Од 1998 година Средбата е преименувана во Светска Македонска Иселеничка Средба во организација на Светскиот Македонски Конгрес. Во 2014 година, 34-та Погранична средба на Македонците од Егејскиот дел на Македонија и 43-та Светска Македонска Иселеничка Средба се обединија во една и единствена Семакедонска Средба под покровителство на градоначалникот на Општина Битола.

На Семакедонската средба 2026 се очекуваат Македонци од сите делови на Македонија, од светот и татковината.

Од 7.30 до 10.30 ќе се одржи света богослужба во црквата “Успение на Пресвета Богородица“, на која чиноначалствува Неговото Високопреосвештенство г. Петар, Митрополит Преспанско-Пелагонсики.

Семакедонската средба започнува во 10.30 часот а ќе трае до 12.30 часот, по што ќе продолжи со општонародна веселба.

Македонската национална химна “Денес над Македонија“ ќе ја отпее оперскиот пеач Никола Зачевски.

Средбата ќе ја благослови Неговото Високопреосвештенство г. Петар Митрополит Преспанско-Пелагониски.

Присутните ќе ги поздрават градоначалникот на Општина Битола Тони Коњановски како покровител на Средбата, претседателот на Матицата на иселениците од Македонија Иван Џо Петрески, генералниот секретар на ВМРО-ДПМНЕ Драган Ковачки, претседателот на Сојузот на здруженијата на Македонците и децата бегалци од Егејскиот дел на Македонија МАКЕДОН, Александар Јаневски и претседателот на Светскиот Македонски Конгрес, Тодор Петров.

Посебно слово за Македонците во светот ќе одржи проф.д-р Васил Тоциновски.

На Семакедонската средба ќе присуствуваат градоначалникот на општина Новаци Стевче Стевановски, градоначалникот на општина Могила Драганчо Саботковски, градоначалникот на општина Прилеп Дејан Проданоски и градоначалникот на општина Карпош Сотир Лукровски, како и пратениците од Битола Пеце Милевски, Олга Лозановска и Силвана Ангелевска, советниците во Советот на општина Битола, претседателот на Општинскиот комитет на ВМРО-ДПМНЕ Битола Горан Исков и членот на УМС Мартин Ивановски.

Се очекува присуството и на отец Никодим архимандрит Мегленски од Егејскиот дел на Македонија, копретседателот на ОМО Илинден ПИРИН проф.д-р Стојко Стојков од Пиринскиот дел на Македонија, претседателот на единствената македонска партија во Албанија - Македонска алијанса за европска интеграција м-р Васил Стерјовски, претседателката на Македонската заедница во Србија и на Македонското здружение “Кочо Рацин” во Белград Лидија Демниева и претседателот на Македонското друштво “Преспа” Едмонд Темелко.

Подготвена е богата културно-уметничка програма во која ќе учествуваат КУД “Гоце Делчев“ од Битола и Хорот “Сирма војвода“ од Битола.

Од Битола до Трново и назад има организиран автобуски превоз.

Организаторите упатуваат јавна покана за масовно присуство на Семакедонската средба до сите Македонци, по род и државјанство, од сите делови на Македонија, во светот и татковината! Повелете!

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Драма во Шведска: Упаднал со меч во училиште и почнал да сече сѐ околу себе (ВИДЕО)

Маж вооружен со меч повреди неколку лица во средно училиште во Фагерста во централна Шведска, соопштија локалните власти. 

Драма во Шведска: Упаднал со меч во училиште и почнал да сече сѐ околу себе (ВИДЕО)

„Примен е телефонски повик поврзан со насилство кое е опасно по живот во училиштето во Фагерста. Полицијата дојде на местото на настанот и едно лице е приведено“, соопшти полицијата.

Полицијата го блокираше подрачјето

„Полицијата продолжува да работи на местото на настанот. Апелираме до јавноста да ги почитува блокадите на патиштата и да ги слуша упатствата на полицијата“, додадоа тие. Шведската влада е во близок контакт со полицијата по нападот, изјави за Ројтерс министерот за правда Гунар Штромер.

„Бевме информирани за сериозен инцидент во Фагерста. Полицијата е на местото на настанот и работи многу интензивно на инцидентот“, рече Штромер.

Тагови: училиште Шведска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Арсенал тргнува по најголемата ѕвезда на Јувентус

Англискиот шампион Арсенал ја разгледува можноста за ангажирање на  најголемата ѕвезда на италијанскиот гигант, Јувентус, 21 годишниот Турчин, Кенан Јилдиз објави синоќа „Индипендент“.

Арсенал тргнува по најголемата ѕвезда на Јувентус

Микел Артета бара уште еден врвен играч за левата напаѓачка позиција; откако Винисиус Жуниор одлучи да остане во Реал Мадрид, турскиот репрезентативец се наметна како приоритетна цел на клубот. Јувентус не е склон да го продаде еден од своите клучни играчи и би барал сума поголема од 70 милиони евра за воопшто да размисли за преговори.

Исто така, се зборува и за можноста Арсенал да го вклучи Габриел Мартинели во договорот. Јилдиз има договор со Јувентус до 2030 година, а „Трансфермаркт“ ја проценува неговата вредност на 75 милиони евра.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Дали на фронтот во Украина пристигнуваат 50.000 војници?

 Киев тврди дека Пјонгјанг наскоро ќе испрати до 50.000 војници за да ѝ помогне на Русија во војната против Украина.

Дали на фронтот во Украина пристигнуваат 50.000 војници?

Северна Кореја има намера да го зголеми бројот на своите војници кои треба да се борат на страната на Москва во војната против Украина.

Ова би значело дека дури 50.000 Севернокорејци би можеле да бидат распоредени во Русија, изјави украинскиот претседател Володимир Зеленски.

Кон крајот на јули, украинскиот лидер изјави дека Русија сака да ангажира уште 30.000 севернокорејски војници, а викендов ја спомена бројката од „меѓу 30.000 и 50.000“ од нив. Тој не прецизираше дали таа бројка ги вклучува и севернокорејските војници кои веќе учествуваат во конфликтот.

Минатиот викенд, Зеленски исто така предупреди дека Северна Кореја стекнува драгоцено искуство во модерното војување и ја повика Јужна Кореја да ја зајакне соработката со Украина во областа на противвоздушната одбрана и беспилотните летала.

Русија и Северна Кореја потпишаа одбранбен договор во летото 2024 година; неколку месеци подоцна, Северна Кореја почна да испраќа војници во Русија. Аналитичарите проценуваат дека се распоредени меѓу 14.000 и 15.000 војници, главно во регионот Курск. Пјонгјанг подоцна се согласи да испрати уште 6.000 борци, вклучувајќи деминери и инженери.

Според јужнокорејските и украинските власти, Северна Кореја исто така ја снабдила Русија со милиони артилериски гранати и балистички ракети. Јужнокорејските разузнавачки служби проценуваат дека околу 6.000 севернокорејски војници загинале или биле ранети.

Јапонската агенција „Кјодо њуз“, повикувајќи се на украинското воено разузнавање, синоќа објави дека е потврдено претстојното зголемување на бројот на севернокорејски војници. Украинските извори наведуваат дека до крајот на ноември во Русија би можеле да бидат распоредени до 50.000 севернокорејски војници. Според тие наводи, војниците би ги презеле задачите во руските региони Курск, Брјанск и Белгород, со што руските сили би се ослободиле од обврските таму и би можеле да бидат испратени да се борат на украинскиот фронт.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер