Станува збор за луѓе на возраст од 47 до 70 годишна возраст, кои биле хоспитализирани.Тројца од починатите се од Скопје, а еден од Струга..
Во денешниот извештај на ИЈЗ е евидентирано и бебето од Скопје кое, на барање на родителите, со авион беше транспортирано во Швајцарија каде починало. Бебето беше хоспитализирано на Детската клиника и имаше позитивен резултат на Ковид-19.
Во последното деноноќие од направени 1120 тестиирања,регистирани се нови 35 случаи на заразени граѓани. 22 се од Скопје, Шест од Тетово, Куманово четворица, и по еден од Штип, Струга и Гостивар. Еден од позитивните пацинети од Тетово е дел од скринингот кој се спроведува во градинките.
На Клиниката за инфективни болести и фебрилни состојби во изминативе 24 примени се 4 пациенти, хоспитализирани се вкупно 40 пациенти. Потешко болни и на кислородна поддршка се 19 пациенти.
Во ГОБ „8 септември“ примени се 10 нови, а вкупно хоспитализирани 38 пациенти. На респираторна машина се 7, a со потешка клиничка слика се уште 7 пациенти.
Во болницата во Битола се хоспитализирани тројца, во штипската болница се примени 15 пациенти. На ифективните одделенија во Охрид, Велес, Куманово и Прилеп се хоспитализирани 29 пациенти.
Според Градоначалникот на Сарај, една од општините која е потенцијално жариште на вирусот само со 700 тестирања на ден во оваа општина може да се дознае колку луѓе се заразени.. Тој кажа дека во Сарај има 41 заразен, од кои двајца се регистирани во денешниот извештај ..
„Моите информации велат дека доброто во оваа бројка која не е мала е дека претежно се од истите семејства и тоа го зголемува бројот но доброто е што не е раширено во многу семејства по еден, поголемиот број го прават 3-4 семејства кои се скоро сите заразени и тоа ја надминува повеќе од вкупната бројка. “, вели Блерим Беџети – Градоначалник на о. Сарај
Одговарајќи на новинарско прашање дали ќе прифати карантин на Сарај, Беџети рече дека ќе ги почитува сите одлуки со кои се заштитува здравјето на граѓаните вклучувајќи ја и одлуката за затворање на општината. Во иста насока е ставот и на скопксиот градоначалник Шилегов, кој рече оти се надева дека нема да се доведеме во таква состојба.
Во последното деноноќие регистирани се и 19 оздравени пациенти, со што вкупната бројка на регистирани активни случаи изнесува 498.