30-дневен притвор за 76-годишникот од Косово кој ја предизвика страотната сообраќајка на обиколницата - Канал 5

Македонија

30-дневен притвор за 76-годишникот од Косово кој ја предизвика страотната сообраќајка на обиколницата

Судија на претходна постапка доцна синоќа му определи мерка притвор на возачот осомничен за тешката сообраќајна несреќа на скопската обиколница, во која животот трагично го изгубија баритонот Ристе Велков и тројца млади скопјани. 

30-дневен притвор за 76-годишникот од Косово кој ја предизвика страотната сообраќајка на обиколницата

30 дневен притвор му определи скопскиот Кривичен суд на 76 – годишниот косовски државјанин за сообраќајната несреќа што вчера доцна вечерта се случи на скопската обиколница и во која животот го загубија четири лица. Мерката е определена поради опасност од бегство и можност за повторување на кривичното дело. Како што информираа синоќа од скопското обвинителство отворена е истрага за случајот, тој е осомничен за Тешки дела против безбедноста на луѓето и имотот во сообраќајот. Управувал товарно возилo МАН со прикачена полуприколка со косовски регистарски таблички, по северната обиколница на град Скопје во насока од запад кон исток, притоа не се придржувал кон прописите и со тоа го загрозил јавниот сообраќај и го довел во опасност животот на луѓето.

„Кога дошол во близина на клучката Мирковци брзината на движење на возилото не ја приспособил спрема својствата и состојбата на патот, густината на сообраќајот и другите сообраќајни услови, така што да може навремено да го запре возилото пред секоја пречка што под дадени услови можел да ја предвиди. Во еден момент изгубил контрола над возилото и свртел во лево, па удрил и ја пробил металната одбојна ограда и продолжил со движење, преминувајќи на коловозот од автопатот наменет за движење на возилата од спротивната насока, каде во него со предната страна удрил автомобил „БМВ“ кој се движел во насока од исток кон запад.“

Автомобилот и камионот по ударот се запалиле, четворицата патници во автомобилот починале на самото место.

Оваа трагедија повторно ги отвори прашањата за безбедноста на сообраќајот на македонските патишта. Обвинителската истрага и сообраќајните вештачења ќе треба да одговорат на дилемите во јавност поврзани со сообраќајната инфраструктура. Сообраќајниот инженер Дејан Трпевски очекува токму заштитната ограда да биде предмет на анализа на истражните органи.

„Мислам дека истражните органи ќе обрнат доволно внимание на тоа како е конструирана заштитната еластична ограда, дали е изведена согласно проектната документација. Ако била изведена согласно проектната документација тогаш не ќе можела да го запре возилото. Истрагата ќе треба да се фокусира на на самиот возач и техничката исправност на возилото.“

Возраста на возачот на камионот е уште едно прашање кое предизвика внимание во јавност но и отвара дилеми околу издавањето на возачките дозволи. Горна граница за професионалните возачи на камиони нема, освен возачката дозвола која е со важност од 5 години. Но ЕУ веќе има построги правила кои меѓу другото наметнуваат и дополнителни контроли за повозрасните возачи.

Во сообраќајката животите ги загубија оперскиот баритон Ристе Велков, неговиот син Адам, Марко Ѓорѓиевски и Петар Миланов. Скопската гимназија Никола Карев во која матурирале во 2024 година со објава на социјалните мрежи се прости со момчињата.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Премиерот на Пакистан: Постигната е финалната верзија на договорот

Конфликт на Блискиот Исток – Ден 105. Шехбаз Шариф, премиерот на Пакистан, изјави дека е постигната финалната верзија на мировниот договор.

Премиерот на Пакистан: Постигната е финалната верзија на договорот

„Можеме да потврдиме дека е постигната финалната и договорена верзија на мировниот договор и дека Пакистан сега тесно соработува со двете страни за да ги финализира следните чекори“, рече тој, додавајќи ја конфузијата околу можноста за потпишување на мировен договор во Женева во недела.

„Мирот никогаш не бил поблиску отколку што е сега.“

Американскиот претседател Доналд Трамп изјави дека САД ја добиле војната во Иран и дека не им е потребна помошта од Европа.

Тагови: Пакистан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Москва: Вонземјаните одговорија на нашите молби

Вонземјаните полека, но сигурно работат на обезбедување оставка на британскиот премиер Кир Стармер, изјави специјалниот претставник на рускиот претседател за инвестиции и надворешна економска соработка, Кирил Дмитриев.

Москва: Вонземјаните одговорија на нашите молби

„Пред два дена ги замолив вонземјаните да му помогнат на човештвото да обезбеди оставка на Стармер. Се чини дека вонземјаните работат на тоа полека, но сигурно“, напиша Дмитриев на социјалната мрежа „X“, коментирајќи го медиумскиот извештај за изјавата на лидерката на Конзервативната партија, Камил Бејднок.

Во статијата, Бејднок тврди дека британските вооружени сили ја изгубиле довербата во премиерот.

Според неа, времето на Стармер истече.

Претходно, Дмитриев ги повика вонземјаните да помогнат да се убеди британскиот премиер да поднесе оставка. Според него, на Стармер треба да му се каже што луѓето мислат за него и да му се даде до знаење дека со неговата оставка може да ѝ даде надеж на западната цивилизација.

Извор: Б92

Тагови: Кир Стармер москва

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Средба на Сиљановска-Давкова со Здружението на воени ветерани и воени инвалиди „Братство 2001“

Во Народната канцеларија во Скопје, денеска претседателката Гордана Сиљановска-Давкова оствари средба со претставници на Здружението на воени ветерани и воени инвалиди „Братство 2001“.

Средба на Сиљановска-Давкова со Здружението на воени ветерани и воени инвалиди „Братство 2001“

На средбата присуствуваа Владо Томески, претседател на здружението, Петар Јанчевски, Мики Ристовски и Сашко Голубовски.

Според нив, Законот за посебните права на припадниците на безбедносните сили на Република Македонија и на членовите на нивните семејства, од 2002 година, селективно се применува од страна на институциите на централно и локално ниво.

Поради тоа, тие се соочуваат со дискриминација во остварувањето на законски утврдените права врзани со вработувањето, напредувањето, бесплатните здравствени услуги и бесплатното факултетско образование за нивните деца.

Тие ја информираа претседателката дека не се спроведуваат дури ни правосилните судски пресуди, донесени во нивна корист.

Претставниците на Здружението на воени ветерани и воени инвалиди „Братство 2001“ укажаа на потребата од измена и дополнувања на законот, за нивните посебни права, заради прецизирање на решенијата и унапредување на нивните бенефиции.

Според Сиљановска-Давкова, укажувањата и забелешките на бранителите заслужуваат должно внимание од надлежните институции, како и почитување на еднаквата примена на законот за сите.

Таа вети дека Кабинетот ќе ги информира надлежните органи за презентираните проблеми, укажувајќи на нужноста од почитување и спроведување на Законот за посебните права на припадниците на безбедносните сили на Република Македонија и на членовите на нивните семејства, како и пресудите.

За претседателката, придонесот на бранителите не смее да биде заборавен ниту занемарен, туку мора да се почитува и валоризира.

Тагови: Гордана Сиљановска-Давкова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер