Сослушувањето на федералниот суд во Њујорк е закажано за пладне по локлано време (17 часот по Гринич), објавија вчера Ен-Би-Си Њуз, Нујорк Тајмс и други, пренесе ДПА.

Што точно ќе се случи на судското сослушување првично остана нејасно.

Авторитарниот 63-годишник и неговата сопруга Силија Флорес беа уапсени рано во саботата од американските специјални сили во венецуелската престолнина Каракас и изнесени од земјата.

САД го обвинија Мадуро првенствено за наркотероризам. Се тврди дека го искористил својот авторитет, кој САД го сметаат за нелегално стекнат, за да овозможи транспорт на илјадници тони кокаин во САД.

Во обвиненијата се наведува и дека Мадуро имал лична корист од ова. Според тврдењата објавени од американската државна обвинителка Пам Бонди на платформата X, тој наводно се здружил со трговци со дрога.

Мадуро веќе беше обвинет во САД во 2020 година за трговија со дрога. САД поставија еден вид награда за Мадуро. Сега, всушност, постои ажурирано обвинение.

Неговата сопруга и син се ко-обвинети. Обвиненија има и против сегашниот и поранешниот министер за внатрешни работи и лидер или ко-водач на криминалната организација Трен де Арагуа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Јуниор Чамадеу и Кристијан Кофане ги постигнаа головите за Камерун, додека Евидес Макгопа го постигна единствениот гол за Јужна Африка.

Камерун ќе се соочи со Мароко во четвртфиналето на Африканскиот куп на нации. Натпреварот ќе се игра в петок, 9 јануари со почеток во 20 часот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

„Ја покануваме американската Влада да соработува со нас врз агендата за соработка ориентирана кон заеднички развој во рамките на меѓународното право за зајакнување на трајниот соживот во заедницата“, изјави вчера Делси Родригез, привремена претседателка на Венецуела, во објава на Инстаграм.

Родригез првично зазеде поцврст став по нападот на САД.

„Нашите народи и нашиот регион заслужуваат мир и дијалог, а не војна“, напиша таа во пораката упатена до американскиот претседател Доналд Трамп. „Ова отсекогаш била пораката на претседателот Николас Мадуро и тоа е пораката на цела Венецуела во моментов.“

Таа повика на однос меѓу САД и Венецуела заснован на почит, суверена еднаквост и немешање.

САД нападнаа серија цели во Венецуела во саботата рано утрината, го заробија Мадуро и го отстранија од земјата. Тој треба да се соочи со судење во Њујорк по обвиненија за поврзаност со шверц на дрога.

Трамп објави дека САД привремено ќе ја „управуваат“ Венецуела, потсетува германската агенција.

Врховниот суд на Венецуела ја овласти потпретседателката Родригез привремено да ги преземе овластувањата на претседателот. Таа првично зазеде потврд став, барајќи ослободување на Мадуро и опишувајќи ја американската операција како кршење на Повелбата на ОН.

„Никогаш повеќе нема да бидеме робови“, рече таа, обраќајќи му се на Трамп, потсетува ДПА за првичната реакција на привремената претседателка на Венецуела.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.