Фредериксен: САД да не испраќаат закани кон своите историски сојузници за Гренланд - Канал 5

Европа

Фредериксен: САД да не испраќаат закани кон своите историски сојузници за Гренланд

Данската премиерка Мете Фредриксен синоќа им порача на САД да не гледаат поента во зборувањето за потребата од преземање на данската автономна територија Гренланд и да престанат да се закануваат на „историски близок сојузник“.

Фредериксен: САД да не испраќаат закани кон своите историски сојузници за Гренланд

Таа тоа го напиша во порака на мрежата X откако сопругата на помошник шефот на кабинет на Белата куќа, Кејт Милер, објави на социјалните мрежи мапа на Гренланд покриена со американско знаме заедно со зборовите „наскоро“.

И американскиот претседател, Доналд Трамп, кој постојано повторуваше дека на Америка ѝ е потребен Гренланд за национална безбедност, вчера во интервју за списанието „Атлантик“, рече дека на Америка „навистина ѝ е потребен Гренланд“, кој, додаде тој, е опкружен со руски и кинески бродови.

Тензиите меѓу САД и Данска околу Гренланд повторно ескалираа кон крајот на декември, кога Трамп објави дека назначува специјален пратеник за големата данска автономна територија.

Данската премиерка вчера ги повика САД да престанат да се закануваат „на историски близок сојузник, и на друга земја и на друга нација што многу јасно кажала дека не се на продажба“.

„Кралството Данска, а со тоа и Гренланд, е членка на НАТО и затоа е опфатено со колективната безбедносна гаранција на Алијансата. Веќе имаме договор за одбрана меѓу Кралството Данска и САД што им обезбедува на САД широк пристап до Гренланд. Покрај тоа, Кралството направи значајни инвестиции во безбедноста на Арктикот“, напиша данската премиерка на мрежата X.

Премиерот на Гренланд, Јенс-Фредрик Нилсен, реагираше на Фејсбук, посочувајќи дека сликата покажува непочитување и дека односите меѓу земјите и народите се темелат на почитување и на меѓународното право, а не на симболи што го игнорираат нивниот статус и права, објави Фигаро на својата веб-страница.

„Но, нема причина за паника или грижа“, додаде премиерот на островот и потсети дека Гренланд „не е на продажба“ и дека неговата иднина „не се одлучува на социјалните мрежи“.

И шведскиот премиер Улф Кристерсон напиша на мрежата X дека „само Данска и Гренланд имаат право да одлучуваат за прашања што се однесуваат на Данска и Гренланд“ и додаде дека Шведска целосно ја поддржува својата соседка, Данска.

Тагови: Данска Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ќерката на Том Круз официјално го промени своето презиме

Сури Круз (20), ќерката на познатиот американски актер Том Круз и актерката Кејти Холмс, официјално го променила своето презиме во Ноел – средното име на нејзината мајка. 

Ќерката на Том Круз официјално го промени своето презиме

Ова го покажуваат јавните евиденции на регистрирани гласачи во Пенсилванија, каде што Сури моментално студира на Универзитетот „Карнеги Мелон“, пренесува „Пејџ сикс“ (Page Six).

Таа се регистрирала во округот Алегени како Сури Ноел; медиумот напоменува дека, според законот, жителите мора да ги користат своите законски имиња при регистрацијата за гласање. Исто така, се наведува дека Сури – која наскоро ќе настапи во претстава по дело на Шекспир на универзитетот – не поднела барање за промена на името во округот Алегени. Ова сугерира дека таа можеби тоа го сторила во Њујорк, каде што живеела со мајка си пред да започне со студиите.

Сури нема контакт со својот татко уште од разводот на нејзините родители во 2012 година; информациите за промената на нејзиното презиме првпат се појавија во 2024 година, за време на нејзиното матурирање, кога таа не го користела неговото презиме. Том Круз и Кејти Холмс се разведоа во 2012 година, по што Сури се пресели во Њујорк со својата мајка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Хрватската мисица на изборот во Виетнам ќе носи спектакуларен фустан инспириран од Плитвице и Крка

Мисицата, Ема Хелена Вичар, на 8 август заминува за Виетнам за да ја претставува Хрватска на 73-тиот избор за „Мис на светот“ (Miss World), еден од најпрестижните светски избори за убавина. 

Хрватската мисица на изборот во Виетнам ќе носи спектакуларен фустан инспириран од Плитвице и Крка

Натпреварот се одржува од 9 август до 5 септември и ќе собере околу 130 натпреварувачки од целиот свет. Покрај самиот избор за убавина, во последните децении „Мис на светот“ се фокусира на хуманитарна работа, образование и општествена одговорност преку слоганот „Убавина со цел“ (Beauty With a Purpose).

Токму во оваа категорија, убавата Ема ќе го претстави својот проект „Сина планета: Цел за живот“ (Blue Planet: A Purpose for Life), кој е посветен на заштитата на Јадранското Море и отстранувањето на отфрлените рибарски мрежи – сериозна закана за морските екосистеми.

Ема ќе се натпреварува во седум категории.

Како студентка на постдипломски студии по менаџмент на луксузни брендови во Монако и сопственичка на бренд за одржлива мода, Ема ќе се натпреварува во седум официјални категории, меѓу кои се талент, топ-модел, спорт и интервју. За категоријата „Топ-модел“, таа ќе носи спектакуларна креација на хрватската дизајнерка Марина Матиќ (LARIE), инспирирана од Плитвичките Езера и Националниот парк „Крка“.

Фустанот е украсен со повеќе од 500.000 кристали „Сваровски“, монистра и камења.

Тагови: Мис Универзум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

ПСЖ преговара за трансфер на Феран Торес

Европскиот и француски фудбалски шампион ПСЖ продолжува со директни разговори со претставниците на  фудбалерот на Барселона, Феран Торес во врска со можен трансфер ова лето. 

ПСЖ преговара за трансфер на Феран Торес

Барселона не сака да го продаде шпанскиот напаѓач, а до договор би можело да дојде само доколку самиот Торес побара да го напушти клубот.

ПСЖ размислува да ги ангажира и Торес и младиот белгиски крилен напаѓач Мика Годс.

Парижаните бараат засилувања во нападот по заминувањата на Ли Канг-ин, Гонсало Рамос и Ибрахим Мбаје.

Во исто време, Ливерпул силно инсистира на ангажман на Бредли Баркола од ПСЖ – потег што би можел да ги принуди француските шампиони да направат дополнителни промени во својата напаѓачка линија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер