Според новиот извршен директор на Рено Групацијата, Франсоа Провост, следната генерација на двата модели, планирана за крајот на деценијата, би можела да понуди комбинација од целосно електрични и хибридни погони. Провост го откри ова за време на лансирањето на новиот Твинго минатата недела.

„Поголемите автомобили се еден од нашите приоритети“, изјави Провост за Авто Експрес, признавајќи дека електрификацијата е хит кај помалите модели како Рено 4 и 5, додека Меган се мачи да најде купувачи.

„Во следниот среднорочен план, ќе претставиме нова платформа и решенија што ќе ни помогнат да ја зајакнеме нашата позиција во Ц-сегментот, во самото срце на Европа“, додаде тој.

Оваа нова платформа ќе ги обедини следните генерации на Меган и Скеник со Аустрал, Еспејс и Рафал, кои засега се достапни само како хибриди.

Рено нема планови да се откаже од електричните погонски склопови за Меган и Скеник, но сака да ја прошири нивната привлечност со дополнителни опции за погонски склопови за да ги освои купувачите кои сè уште се скептични кон возилата без резервоар.

„Веруваме дека ако усвојувањето на електричните возила не оди толку брзо како што се очекуваше, можеме да го дополниме со продолжувачи на дометот или „plug-in“ хибриди - на тоа работиме“, објасни директорот на брендот на Рено, Фабрис Камполив.

Од двете опции, Камполив посочи дека веројатно ќе биде избран систем сличен на решението Е-Форс на Нисан, во кое моторот се користи само за полнење на батеријата, а не за погон на тркалата.

Извор: Б92

САД денеска на 180 дена ја суспендираа примената на санкциите според „Законот Цезар“ против Сирија, соопшти американското Министерство за финансии, по состанокот меѓу американскиот претседател Доналд Трамп и сирискиот лидер Ахмед ал-Шара во Белата куќа.

Британските медиуми пренесуваат дека Министерството за финансии истовремено наведе дека санкциите се суспендирани, освен за одредени елементи, вклучувајќи ги трансакциите со Русија и Иран.

Оваа одлука ја заменува претходната привремена суспензија на санкциите што беше воведена на 23 мај.

„Законот Цезар“, именуван според сириски воен дезертер кој, според САД, шверцувал фотографии од жртви на тортура под режимот на сирискиот претседател Башар ал-Асад, стапи на сила во јуни 2020 година.

Овие санкции беа насочени против режимот на Ал Асад и сите оние кои соработуваат со него, особено во секторите енергетика, градежната индустрија и финансиите.

Претходно денеска американскиот претседател Доналд Трамп и сирискиот лидер Ахмед ал-Шара се сретнаа во Вашингтон, а ал-Шара пред средбата во Белата куќа имаше состанок и со шефицата на Меѓународниот монетарен фонд (ММФ), Кристалина Георгиева.

Како што претходно објавија телевизиите Ал Џезира и Ен-Би-Си, повикувајќи се на добро информирани извори, разговорите биле фокусирани на безбедносни прашања и можноста Сирија да се приклучи на меѓународната коалиција предводена од САД во борбата против екстремистичката организација Исламска држава, која во 2014 година зазеде големи делови од Сирија и соседен Ирак.

Британските медиуми објавија дека ПАХО и го поништи овој статус на Канада поради нејзиниот неуспех во текот на изминатата година да ја спречи епидемијата на оваа заразна болест.

Канадските здравствени експерти минатиот месец објавија дека Панамериканската здравствена организација ќе го повлече статусот на Канада како земја каде што сипаниците се искоренети бидејќи биле регистрирани повеќе од 5.000 случаи на мали сипаници во девет од 10 провинции и една северна територија.

„Иако преносот на оваа инфекција неодамна се забави, епидемијата траеше повеќе од 12 месеци, првенствено во заедниците каде што не беа вакцинирани потребниот број луѓе. ПАХО ја информираше Агенцијата за јавно здравје на Канада дека земјата повеќе нема статус на земја во која се искоренети малите сипаници“, се наведува во официјалното соопштение, додавајќи дека Агенцијата ќе се фокусира на подобрување и унапредување на процесот на масовно вакцинирање.

Се смета дека падот на стапката на вакцинација во некои делови од Канада претходел на новата епидемија и ширењето на инфекција што може ефикасно да се спречи со имунизација.

Од избувнувањето на пандемијата Ковид-19, сè поголем број луѓе се скептични и недоверливи кон вакцините.