37-годишна жена починала по две операции на дигестивна хирургија, семејството се сомнева во лекарска грешка - Канал 5

Македонија

37-годишна жена починала по две операции на дигестивна хирургија, семејството се сомнева во лекарска грешка

„Знам дека со ова јас нема да ја вратам назад помеѓу живите, помеѓу нас, но ова го ветив, ќе одам  до крај поради тие две мали деца кои ми ги остави во аманет...“

37-годишна жена починала по две операции на дигестивна хирургија, семејството се сомнева во лекарска грешка

Вака Ирена Димовска пред камерата на Канал 5 раскажува за она што ѝ се случувало на нејзината снаа, триесет и седумгодишната Елена Ѓорѓиевска, дијагностицирана со Кронова болест која по две направени операции во Државна дигестивна хирургија, пред една недела починала, на истиот ден откако ја испуштиле од болница. Семејството обвинува дека лекарска грешка и негрижа ја довело младата Елена до смртна постела, откако со недели била на болничко лекување. Нејзиниот сопруг и блиските сметаат дека и самата проценка за првична интервенција била погрешна, а според нив, најлошо било што повеќе од десет дена, хирургот кој првично ја оперирал заминал на пат во Америка, а одговорноста за третманот понатаму не ја делегирал на друг специјалист, туку на специјализанти.

-Вината се гледа во докторската грешка, лошо, целиот случај од самиот почеток до крај. Не е во ред. Колку пациенти беа оперирани од таа болест, заминуваа, сите ги испраќавме, само Елена не. - Игор Ѓеорѓиевски - сопруг

-Првата операција е многу погрешна од наш аспект гледано, на семејството, бидејќи она беше се полошо и полошо, секој ден повраќаше, тоне, се губи. Прашувавме колку дена треба да поминат за да стане од операцијата, а тие ни кажуваа дека ќе биде добро. Ќе почне да внесува храна и ќе биде добро. За жал, тие единаесет дена до втората операција немаше подобрување.- Ирена Димовска

Голготата на семејството не започнала во Дигестивна хирургија, бидејќи претходно била хоспитализирана и на Гастроентерохепатологија. Целата документација што ја имаат, без отпусното писмо, ја дале и до Државниот здравствен инспекторат, и очекуваат надлежните да ја утврдат вистината.

-Дали треба, бидејќи се води се уште на болничко лекување, немаме отпусно писмо, дали треба ние сега да платиме што Елена си ја погребавме. Јас тоа прашувам, и до Министерот ако треба и до Директорот. Се уште за жал Елена се води на болничко лекување а седум дена веќе сме без неа, ја погребавме.- Ирена Димовска.

Од Државниот здравствен инспекторат за Канал 5 потврдија дека ја имаат пријавата и ќе направат вонреден надзор, а Директорот на Дигестивна Огнен Костовски вели дека е запознаен со случајот и дека има намера да формира и внатрешна комисија во самата клиника за да се утврди стручното постапување. Од Клиниката за Канал 5 посочуваат дека „по завршување на постапките, доколку се утврди постоење на вина во делот на лекувањето ќе се постапи согласно закон и ќе има санкции“.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Се соблече најубавата водителка

Елеонора Инкардона, заштитното лице на спортската платформа „DAZN“ – која публиката често има можност да ја види за време на преносите на натпреварите од Серија А – сподели неколку фотографии од својот одмор на социјалните мрежи.

Фото: Се соблече најубавата водителка

Атрактивната водителка покажа делови од своето секојдневие надвор од телевизиското студио – од времето поминато покрај базенот и шетањето на кучето, до тренинзите, дружењето и уживањето во локалните специјалитети.

„Мало бегство, токму она што ми требаше“, напиша Елеонора Инкардона покрај секси фотографии во бикини.

Најголемата популарност ја стекна токму преку ангажманот на „DAZN“, каде што ги следи натпреварите од Серија А и големите фудбалски настани.

Паралелно со телевизиската работа, таа изгради и голема публика на социјалните мрежи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Меган Фокс непрепознатлива

Една од најубавите актерки во Холивуд, атрактивната Меган Фокс веќе неколку месеци изненадува со својот изглед. 

Фото: Меган Фокс непрепознатлива

Видео на филмската платформа Letterboxd, во кое актерката Меган Фокс и режисерката Кери Кусама ги препорачуваат своите омилени филмови, предизвика низа реакции на социјалните мрежи.

Многу од нив се однесуваа на физичкиот изглед на 40-годишната актерка.

Иако снимката беше објавена во почетокот на октомври 2026 година, средбата била снимена уште во октомври 2025 година, за време на специјална проекција на филмот „Jennifer's Body“ во Музејот на филмската уметност на Академијата во Лос Анџелес.

Во видеото, Фокс издвојува наслови како „Braveheart“, „The Lion King“ и „Ninja Turtles II“, како и филмскиот серијал за Хари Потер.

Сепак, откако некои корисници во коментарите заклучија дека актерката е непрепознатлива и почнаа да шпекулираат за можни естетски зафати, платформата Letterboxd ја оневозможи опцијата за коментирање на објавите на својот официјален профил на Инстаграм.

„Што се случи со Меган Фокс што сите ја знаевме? Боже, таа се уништи себеси...“, „Меган Фокс како Џигсо за Ноќта на вештерките“, „Изгледа како член на семејството Адамс“, „Целосно си го уништи лицето.

Каква штета“ – беа само дел од коментарите.

Дел од јавноста застана во одбрана на актерката, истакнувајќи дека видеото е снимено осум месеци откако таа го родила своето четврто дете, како и дека периодот по породувањето носи природни промени во изгледот. Некои укажаа и на можното влијание на осветлувањето и шминката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Како Џеф Безос го убеди „Ферари“ да го направи својот прв електричен автомобил

На една конференција, шефот на Ферари раскажа дека Џеф Безос му рекол оти не знае многу за автомобили, но знае многу за иновации, како и дека Ferrari треба сериозно да размисли за електричните возила.

Како Џеф Безос го убеди „Ферари“ да го направи својот прв електричен автомобил

Претседателот на Ферари, Џон Елкан, откри дека разговорот од 2016 година со основачот на Амазон, Џеф Безос, одиграл клучна улога во одлуката на италијанската компанија сериозно да го разгледа развојот на електричен автомобил.

На конференцијата, Елкан сподели дека Безос тогаш му рекол оти не знае многу за автомобили, но знае многу за иновации, и дека Ферари треба сериозно да размисли за електричните возила. Десет години подоцна, Ферари го претстави моделот „Luce“ – подготвен за сериско производство и прв целосно електричен модел на компанијата.

„Luce“ предизвика значителни реакции, не само поради својот електричен погон, туку и поради дизајнот. Надворешниот и внатрешниот дизајн беа развиени од студиото „LoveFrom“, во чиј тим е вклучен и поранешниот дизајнер на Apple, Џони Ајв.

Сепак, Ферари истакнува дека Luce останува верен на наследството на брендот во поглед на перформансите. Автомобилот располага со четири електромотори кои испорачуваат вкупна моќност од 1.050 КС и забрзува од 0 до 100 км/ч за само 2,5 секунди.

Батеријата со капацитет од 122 kWh овозможува деклариран досег од 530 км – што е донекаде скромна бројка со оглед на големината на батеријата. Цената е исто така нетипична за електрични автомобили.

„Ferrari Luce“ чини околу 550.000 евра во Европа, а се очекува цената во САД да биде приближно иста. Џон Елкан нагласува дека Ferrari немал намера да создаде контроверзен автомобил; напротив, разговорот со Безос ја зацврстил убеденоста на компанијата дека треба да ја прифати електрификацијата, пренесува b92.

Тагови: ферари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер