Оттогаш, ДУИ го изгуби трпението и се обидува да го прикрие својот неуспех со клевети, дестабилизација и лажни вести, но фактите се тврдоглаво против нив, се вели во соопштението од ВРЕДИ.

Факт е дека средбата на Бујар Османи со Никола Груевски, кој е на црната листа, е документирана и не може да се скрие со изјави напишани во пропагандните кујни. Факт е дека возилото на Али Ахмети беше задржано со часови во полициската станица поради сомневања дека поранешниот премиер Никола Груевски е изнесен од земјата со него. Факт е дека преку Дака Давидовиќ, ДУИ беше подготвена да му го даде Тетово како паша. Факт е дека Османи и Груби му доделија државјанство на контроверзниот бизнисмен, вклучен на американската црна листа, Александар Онишченко.

Истата логика на потчинување го следи ДУИ на меѓународната сцена.

Факт е дека ДУИ стана главен промотор на српскиот проект „Отворен Балкан“, на кој се спротивставија ВЛЕН и Косово како опасност за Албанците. Факт е дека Бујар Османи, како шеф на ОБСЕ, одржа 11 состаноци во Белград, а ниту еден во Приштина. Факт е дека тој не успеа да го осуди терористичкиот напад во Бањска, додека неговиот план од 9 точки за северна Митровица беше изготвен во корист на Србија. Факт е дека Фатмир Бесими се ракуваше со Шутановац и српскиот генерал Љубиша Диковиќ, познат по злосторствата против Албанците.

Затоа, што и да клеветат денес за „српскиот свет“, за распуштањето на МО или за референдумот за нивниот опстанок, вистината е една: ДУИ е преполна со фактот дека ВЛЕН ја наметнува реформата од која толку се плашат на локалните избори.

ВРЕДИ

Станува збор за издание коешто по својот формат и содржина е ретко во македонскиот културен простор – на 390 страници, со двата циклуса, црно-бело и колор се репродуцирани околу 200 авторски фотографии.

- Книгите од овој тип, особено од автори како Цветан Гавровски, се незаменливо „помагало“ во нашето разбирање на фотографијата и нејзиното прифаќање како дел од уметничкото семејство на визуелните уметности. Во конкретниот случај, фотографиите на Гавровски ни ја откриваат таканаречената лајф или улична фотографија во сета нејзина величественост. Покрај портретот, тој фотографски жанр е веројатно првороденото дете на новооткриениот медиум наречен фотографија, задоволувајќи ја потребата на човекот да го овековечи своето опкружување, светот односно животот околу него, истакнува меѓу другото историчарот на уметноста и ликовен критичар, Златко Теодосиевски, во поговорот на книгата.

Книгата „Светлосни записи“ е на македонски и на англиски јазик со што е достапна за поширока публика и отвора можност за интеркултурен дијалог преку визуелна уметност, а истовремено и натамошна афирмација на достелите на македонската фотографија, преку опитот на нашиот национален мајстор на фотографијата.

Во воведниот текст на книгата е автороското видување на фотографијата како ликовно изразно средство, за моќта на фотографијата, размислите за вештачката интелигенција во фотографијата… За фотографиите е даден краток наратив кој не конкурира на визуелниот запис. Книгата содржи и извадоци од написи за фотографиите на Гавровски од ликовни уметници и историчари на уметноста.

Цветан Гавровски (1947) е доктор на технички науки од областа на електрониката. Во професионалната кариера беше редовн професор а Универзитетот „Св. Кирил и Методиј“ во Скопје. Арт фотографијата е негова длабока посветеност, патување, и уметничка визија која се развива низ времето и просторот. Учествувал на над 200 групни изложби во светот. Автор е на 15 самостојни изложби и добитник на бројни престижни награди на меѓународни компетитивни салони. Ја претставуваше македонската фотографија со фотографии во колекциите на светските изложби во Кина (1997, 2006), Швајцарија (1999), Италија (2001), Унгарија (2004), Луксембург (2004), Словачка (2008), Ирска (2009), Индонезија (2015), Кореја (2016), Шпанија (2012, 2019). Во 2020 година, „Матица македонска“ ја објави неговата книга „Сликање со светлина“.

Секој човек има право на фер и квалитетни финансиски услуги, а финансиската едукација е клучот за стабилен систем и за заштита на граѓаните, порачал гувернерот на Народната банка, Трајко Славески на Глобалниот форум за политики на Алијансата за финансиска инклузија (АФИ), што се одржува во Намибија.

Од Народната банка денеска информираа дека Славески пред регионалната иницијатива за Источна Европа и Централна Азија (ECAPI), нагласил оти финансиската вклученост претставува темел на сеопфатниот економски раст и благосостојбата на општествата.

- Само финансиски писмени граѓани можат да носат исправни одлуки за штедење, задолжување и за инвестирање, а со тоа придонесуваат и за стабилноста на целиот финансиски систем, рекол Славески.

Посочил дека дигитализацијата и финтек-иновациите отвораат огромни можности за поширок пристап до финансиски услуги, но носат и нови ризици – како што се нови типови измами, злоупотреби на лични податоци и ризик од презадолжување на домаќинствата.

- Во дигиталната ера е неопходно развивање ефикасни иницијативи за финансиска едукација и алатки за различни целни групи – од младите до постарите генерации, истакнал гувернерот.

Осврнувајќи се на активностите на Народната банка во областа на финансиската вклученост, Славески посочил дека земјава оваа година стана членка на Единствената област за плаќања во евра (СЕПА), што ќе овозможи побрзи, поевтини и посигурни трансакции за граѓаните и за компаниите и дека се работи на воведување основна сметка за плаќање со фиксeн и пристапeн надоместок, наменета особено за ранливите категории граѓани.

- Намалувањето на банкарските надоместоци и воведувањето нови механизми за заштита на потрошувачите се важни чекори за повисока вклученост, нагласил Славески, додавајќи дека во подготовка е и втората Национална стратегија за финансиска едукација и финансиска инклузија.

На Глобалниот форум, заедно со гувернерот, учествуваат и главната економистка Анета Крстевска и советничката на гувернерот Весна Стојчевска.

Гувернерот Славески учествувал и на панел-дискусијата посветена на зголемувањето на вклученоста на жените на пазарот на труд каде нагласил дека сеопфатниот раст е незамислив без родова еднаквост и еднакви економски можности.

- Според Глобалниот извештај за родовиот јаз за 2024 г., иако разликите во пристапот до образованието и здравството речиси исчезнаа, најголемиот јаз останува во економската и политичката застапеност на жените, посочил Славески, повикувајќи на проактивни светски политики. Воедно, тој ги претстави активностите на Народната банка во оваа област, меѓу кои и улогата на институцијата како национален координатор за спроведување на Кодексот за финансирање на жените претприемачи (We Finance Code − WeFi Code) – светска рамка за затворање на родовиот јаз во финансирањето на женските бизниси, поддржана од Светската банка, ЕБОР и од други меѓународни партнери.

Членството на Народната банка во Алијансата за финансиска инклузија е со поддршка на Европскиот фонд за Југоисточна Европа (ЕФСЕ) и Европската банка за обнова и развој (ЕБРД).