Според планот, на контроверзниот бизнисмен би можел да му бидат исплатени трилион долари.

Според објавениот предлог, Тесла под водство на Маск мора да постигне низа цели, а исплатата би се распоредила во следните десет години. Маск нема да добива плата во класична смисла или бонуси, туку ќе добива акции на Тесла во транши како компензација, кои ќе се отклучат според индикатори како што се пазарната проценка на компанијата, приходите, продажбата на електрични автомобили, роботски такси и роботи со вештачка интелигенција.

„Задржувањето и наградувањето на Илон е фундаментално за мисијата на Тесла да стане највредната компанија во историјата“, напиша претседателот на одборот, Робин Денхолм, во писмо до инвеститорите. „Овој пакет е дизајниран да ја усогласи долгорочната вредност за нашите акционери со стимулации што ќе го извлечат максимумот од нашиот визионерски лидер.“

Маск нема да добие ништо ако не го забрза растот на компанијата.

За да го добие целиот пакет вреден 1 милијарда долари, Маск ќе мора да собере 423 милиони акции на Тесла. Тоа би ја намалило вредноста на компанијата од нејзините сегашни 1,09 трилиони долари на 8,5 трилиони долари. Како што нè потсетува Фајненшл тајмс (FT), тоа е двојно повеќе од сегашната вредност на Нвидија, која е највредната компанија во светот со 4,2 трилиони долари.

Планот вклучува и дополнителни цели:

- продажба на 12 милиони повеќе електрични возила,

- достигнување на 10 милиони претплатници за автономно возење,

- регистрација и управување со еден милион роботски такси,

- продажба на еден милион роботи со вештачка интелигенција,

и зголемување на прилагодената добивка на 400 милијарди долари (додека минатогодишниот профит беше само 16,6 милијарди долари).

Досега, Тесла продала околу 8 милиони автомобили, но ниту едно роботско такси или робот со вештачка интелигенција.

На крајот од десетгодишниот план, кога Маск ќе наполни 64 години, тој ќе мора да учествува со одборот на директори во создавањето „континуирана рамка за долгорочно наследување како директор“. Дури и ако добие акции, нема да му биде дозволено да ги продава во следните 7,5 години, објавува „Јутарњи“.

Голем предизвик за „Тесла“ е што вредноста на акциите падна за 30% од декември, додека продажбата на возила исто така забави. Негативните реакции на потрошувачите се поврзани со политичките изјави на Маск, како и со одлуката на Доналд Трамп да ги елиминира субвенциите за електрични возила и соларни проекти.

Според списанието „Форчун“, Маск заработил околу 25 милијарди долари од „Тесла“ до 2023 година. Да потсетиме дека во 2018 година добил план за компензација во вредност од 56 милијарди долари во акции, што беше најголемата компензација во историјата. Сепак, минатата година суд во Делавер го поништи тој план, оценувајќи дека е преголем и дека одборот на директори е премногу близок до Маск. „Тесла“ се жалеше до Врховниот суд на Делавер и оттогаш го пресели своето седиште во Тексас.

Тој случај сè уште е во тек, но „Тесла“ неодамна му додели на Маск 96 милиони акции, во вредност од околу 30 милијарди долари, зголемувајќи го неговиот удел од 13 проценти на 16 проценти. Доколку стариот план од 2018 година биде вратен, привремениот ќе биде поништен.

Доколку двата плана преживеат, Маск би можел да поседува 32 проценти од Тесла. Акционерите ќе гласаат за новиот пакет на годишниот состанок на компанијата во Остин, Тексас, на 6 ноември.

Министерството за надворешни работи на Јужна Кореја изрази „загриженост и жалење“ поради притворањето стотици работници во фабриката на Хјундаи во американската држава Џорџија во рамките на акцијата против нелегалната имиграција. Американскиот претседател подоцна ги нарече уапсените - „нелегални странци“.

„Економските активности на нашите компании што инвестираат во САД и правата и интересите на нашите граѓани не треба да бидат неправедно прекршени“, изјави портпаролот на министерството на брифинг.

„Преку Амбасадата на САД во Сеул ја изразивме нашата загриженост и жалење“.

Вчера беше објавено дека американските имиграциски власти извршиле рација во фабриката за електрични возила на Хјундаи во државата Џорџија во четвртокот, при што биле приведени вкупно 475 лица, „претежно“ Јужнокорејци.

Според властите во Џорџија, операцијата е спроведена врз основа на обвинувања за „нелегални практики на вработување и сериозни кривични дела против федералните закони“.

Од мирен протест под мото „Србијо, дали се слушаме?“ до ескалација во раните утрински часови со шок бомби и солзавци кај универзитетскиот кампус во Нови Сад.

Илјадници луѓе доцна попладнето се собраа во кампусот, но инцидентите избија пред Филозофскиот факултет, каде што се фрлаа пиротехнички средства, а доцна ноќта интервенираше полицијата.

Добро опремени полицајци чуваа некои од факултетите, а откако им пристигна засилување со возила за разбивање немири, тргнаа на демонстрантите. Улиците се гушеа во чад од солзавци, шок-бомби, ракети и петарди, додека полицијата ги бркаше демонстрантите од кампусот. Српското министерство за внатрешни работи соопшти дека полицијата употребила сила бидејќи имале информација дека демонстрантите имаат намера за напад пред Филозофскиот факултет и Факултетот за спорт.

По ова следеа апсења на неколкумина од демонстрантите кои бараа слободни избори и заминување на претседателот Александар Вучиќ, а српските власти кажаа дека при немирите повредени се 11 полициски службеници.

„Апсолутно не постоеше причина тие (полицајците) да применат било каква сила. Немаше никаков повод. Тие едноставно дојдоа, како јас што забележав, дојдоа со намера, да ги растераат граѓаните. Во тој момент, тие немаа никаква намера да го заштитат факултетот, да го опколат и да застанат на сите влезови. Мислам дека нивната единствена цел беше да го растераат народот.“

Иако студентите обвинуваат за полициска бруталност, Претседателот Александар Вучиќ на вонредна прес-конференција по полноќ, кажа дека одговорот кон демонстрантите бил соодветен. Притоа жестоко ги нападна европратениците од Европската зелена партија кои дојдоа во Нови Сад за да ги поддржат протестите.

„Благодарен сум им на претставниците на Европскиот парламент. Од каде беше таа, Ивица? Зелена партија и кои други? Некои олоши се собрале тука. Олош кој не може да владее ниту во своите земји, што ни покажа каде им е местото, а и како ние мораме да се бориме против нив, кои вечерва беа во Нови сад. Среќен сум поради тоа, ние ќе се бориме за слободата на нашиот народ и за слободата на својата држава. Нема ништо поважно од татковината Србија, а оние кои дошле да ја рушат Србија, од поле, од странство, мораат да знаат дека ќе им се спротивставиме посилно отколку што си мислеле. “

Синоќа протести имаше во повеќе градови, но само во Нови сад инцидентите наликуваа на граѓанска војна.

Инаку ваквите протести предводени од студентите, влегоа во својот 11. месец, откако почнаа по уривањето на настрешницата на железничката станица во Нови Сад, при што загинаа 16 луѓе.