Му го затворија ресторанот на НБА ѕвезда- има долг од 2,2, милиони долари (ВИДЕО) - Канал 5

Кошарка

Му го затворија ресторанот на НБА ѕвезда- има долг од 2,2, милиони долари (ВИДЕО)

Ресторанот во Хјустон на НБА ѕвездата Џејмс Харден е заклучен поради наводни заостанати долгови за кирија што надминуваат 2,2 милиони долари.

Му го затворија ресторанот на НБА ѕвезда- има долг од 2,2, милиони долари (ВИДЕО)

„Тритин“, кој се отвори во 2021 година, е привремено затворен, со известување за иселување на вратата, објавува „Дејли меил“.

На влезот од ресторанот е објавено известување на 1 септември, на име на сопственикот на зградата, „Мидтаун скаутс сквер проперти“. Во него се наведува дека „Тритин хоспиталити груп“, ДОО, која го управува ресторанот, должи точно 2.217.430,05 долари неплатена кирија. Бравите на ресторанот се сменети поради неплаќањето.

Сепак, во писмото, кое првпат го објави „КултурМеп Хјустон“, се наведува дека нов клуч ќе биде издаден откако „ќе се платат сите неплатени кирии и други износи што се должат според договорот за закуп“.

Прекршување на договорот и правна постапка

Според судските документи цитирани од „Клик 2 Хјустон“, ресторанот го прекршува и договорот за закуп со тоа што не го одржува просторот во согласност со градските прописи. Сопственикот на зградата наводно побарал исплата на долгот на 21 август, но барањето било одбиено, што довело до раскинување на договорот за закуп.

YouTube video

„Мидтаун скаутс сквер проперти“ сега наводно бара наплата на сите доспеани плаќања, како и идни плаќања до октомври. „Дејли меил“ контактирал со агентот на Харден, Трој Пејн, и адвокатката за даноци, Руби Банипал, до која било упатено писмото, за коментар.

YouTube video

Договор за закуп и заработката на Харден

„Харден и Тритин Хоспиталити Груп“ првично потпишаа петгодишен закуп во јули 2020 година. Во јули годинава, договорот беше продолжен до октомври оваа година. И покрај проблемите, ресторанот сè уште прифаќаше резервации во петокот.

Оваа вест е изненадување со оглед на приходите на Харден. Кошаркарот заработи над 33 милиони долари минатата сезона играјќи за Лос Анџелес Клиперс, додека неговата вкупна заработка во кариерата се проценува на повеќе од 453 милиони долари. За време на неговата богата НБА кариера, тој беше 11 пати Ол-стар, три пати најдобар стрелец во лигата и еднаш МВП.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Новак Ѓоковиќ и Арина Сабаленка ги добија своите противници на Ју-Ес Опен

Најтрофејниот свтески тенисер во историјата Новак Ѓоковиќ и најдобрата светска тенисерка Арина Сабаленка ќе се соочат со Френсис Тиафо и Лејла Фернандез во осминафиналето на Грен слемот во Њујорк,  УС Опен во конкуренција на мешани двојки.

Новак Ѓоковиќ и Арина Сабаленка ги добија своите противници на Ју-Ес Опен

Ќе видиме како домашната публика ќе реагира на мечот против северноамериканскиот пар и кого ќе го поддржува, а според моменталната ситуација, натпреварот е закажан за утре, 25 август.

Во евентуалното четвртфинале, ги очекуваат победниците од дуелот меѓу брачниот пар Гаел Монфис и Елина Свитолина, односно Алекс Ил и Феликс Оже-Алијасим.

И Александра Круниќ би можела да се најде во главната ждрепка доколку таа и Мате Павиќ ги победат Пејтон Стернс и Кристијан Харисон.

Меѓу поинтересните парови во главната ждрепка се Карлос Алкараз и Серена Вилијамс, кои ги очекуваат своите противници од квалификациите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВРЕДИ: Груби пред правдата, „пеењето“ на Бујар даде резултат…

Денес „пеењето“ на Бујар Османи добива поинакво значење: Артан Груби е пред правдата, а Бујар сè уште го чека моментот да направи чекор кон лидерската позиција во ДУИ.

ВРЕДИ: Груби пред правдата, „пеењето“ на Бујар даде резултат…

Со месеци Бујар молчи за Груби, иако некогаш двајцата беа на врвот на ДУИ. Денес се однесува како никогаш да немале заедничка политичка историја.

Наместо мандатот како министер за надворешни работи да го користи во интерес на државата, Бујар го искористи и за своите внатрепартиски пресметки во ДУИ, „пеејќи“ де ваму де таму и правејќи сметки за преземање на раководството на ДУИ.

Денес сценариото станува сè појасно: Груби пред судот, Али Ахмети под притисок, а Бујар ја чека фотелјата на претседателот на ДУИ.

Но, прашањето е едноставно: зошто Бујар молчеше за Груби кога беа заедно на врвот на ДУИ? Што знае тој за оваа приказна и зошто денес се однесува како Груби никогаш да не постоел?

Зашто во политиката, понекогаш не е важно само кој зборува, туку и зошто досега молчел.

Ако „пеењето“ на Бујар било за правда, нека го каже тоа отворено. Ако било за власт и за фотелјата на Али Ахмети, тоа веќе сите го разбираат.

Груби нека одговара пред правдата. Бујар нека им одговори на граѓаните.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео- Фото: Халанд со нова фризура во нови победи со Сити

Светската фудбалска ѕвезда, норвешкиот стрелец Ерлинг Халанд со нов имиџ, кратка коса се појави на старот на  новата сезона со Манчестер Сити во Премиер лигата. 

Видео- Фото: Халанд со нова фризура во нови победи со Сити

Напаѓачот на Манчестер Сити, Ерлинг Халанд (26), ја скрати долгата коса и ја започна сезоната во Премиер лигата со драстично поинаква фризура.

На милиони негови фанови ќе им биде тешко да се навикнат на фактот дека норвешката машина за голови сега изгледа вака:

Халанд се појави на натпреварот против Борнмут на стадионот „Етихад“ со кратка коса, а пред почетокот на мечот објави видео од својата нова фризура на својот профил на социјалната мрежа X.

Поради новиот изглед на Халанд на социјалните мрежи се јавија и неговиот долгогодишен тренер, легендарниот Пеп Гвардиола и светската ѕвезда Златан Ибрахимовиќ.

Во видеото во кое Халанд е со новиот имиџ може да се види и изненадената реакција на неговиот поранешен тренер Пеп Гвардиола, кој не можеше да поверува во она што го гледа. Шпанецот реагираше побурно, па дури и опцу за време на нивниот видео-повик.

„Не е можно... Среќник си што воопшто имаш коса, и јас би сакал да имам“, рече Гвардиола со насмевка.

„Што по ѓаволите си направил? О Боже, што е ова? Да не изгуби во некој облог или слично? Блокирај ме, избриши ми го бројот“, му рече Златан Ибрахимовиќ.

Секако реагираа и многу соиграчи на Халанд.

Ерлинг Халанд со години носеше долга коса и беше препознатлив по неа. Последен пат настапи со косата врзана во опавче на Светското првенство во Америка, каде што испиша историја со националниот тим: го елиминираа Бразил и стигнаа до четвртфиналето, откако во нокаут-фазата ја совладаа Брегот на Слоновата Коска.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер