Македонија

Заменик министерот за здравство Хасани е првиот функционер кој ја прими вакцината против ковид

Доктор Илир Хасани заменик министерот за здравство денеска ја прими првата доза на вакцината Фајзер. 

Тој вакцината ја прими во својство на доктор од клиниката за ортопедија и трауматологија заедно со своите колеги. Хасани вели дека се во состојба траумтолозите во итни состојби да оперираат и позитивни луѓе од ковид 19 и дека за него ова е најдобар начин за заштита на сопственото здравје и здравјето на пациентите. Тој вели дека од клиниката имало интерес и кај останатите колеги.

Шести ден од вакцинацијата во модуларната болница, доктор Даниела Марковска од Здравствен Дом - Скопје која е дел од тимот за имунизација против ковид вели досега интересот е одличен, како повакцинални симпоти се болка, оток . Од МАЛМЕД за Канал 5 потврдија дека досега биле пријавени само три случаи со благо зголемена температура по примањето на вакцината.

Досега се вакцинирале над илјада и триста вработени со вакцината на Фајзер. Заменик министерот за здравство потврди дека оваа недела се очекуваат кинеските вакицини, а засега се уште ништо не е прцизирано за руската вакцина. Извор на канал 5 посочија дека оваа недела се очекуваат и останатите дози на Фајзер вакцината од Србија.

Забава

Видео: Корејци ја пеат „Молитва“ од Марија Шерифовиќ

На интернет се појави снимка на која музичка група од Кореја ја пее песната „Молитва“ на натпревар за пеење.

На нивните способности не остана рамнодушна ни самата Марија Шерифовиќ, која со оваа песна и донесе победа на Србија на Евровизија во 2007 година.

Пејачката го изрази своето воодушевување од нивната изведба на својот Инстаграм профил.

Таа во објавата напомена дека ова е најдоброто изведување на нејзината песна, и напиша прекрасна порака упатена до талентираните Корејци.

„Ви посакувам се најдобро во понатамошната кариера и натпреварување. Се гледаме наскоро“, напиша пејачката.

Шоу биз

Фото: Елена Китиќ ги запали социјалните мрежи

Таа објави фотографија во костим за капење, која го покажува нејзиното совршено тело и облини.

Ќерката на пеачкиот пар Миле Китиќ и Марта Салиќ, Елена Китиќ е активна на социјалните мрежи, а фановите неретко ги изненадува со смели фотографии.

Имено, Елена, судејќи по објавите, отпатувала во потоплите краишта. Елена најпрво објави фотографија во костим за капење од една од плажите во Доминиканската република, за потоа да објави снимка на која се гледаат убавините на оваа луксузна дестинација.

Фотографијата во костим на капење на која го покажува своето совршено тело и облини, наиде на многу позитивни реакции од фановите.

„Згодна“, „Убавице“, „Жена бомба“, се само дел од коментарите.

Свет

Сирискиот претседател и неговата сопруга имаат корона

Претседателот н Сирија Бапар Ал Асад и неговата сопруга Асма се заразени со коронавирусот, но се добро и нивната состојба е стабилна, објави денес претседателството, додека во земјата расте бројот на заразени.

Ал Асад и сопругата Асма направиле ПЦР тест откако почувствувале благи симптоми на корона.

Тие ќе бидат во изолација две до три недели.

„Во текот на изолацијата која ќе трае измеѓу две и три недели тие ќе продолжат со работата од дома“, додава претседателството во соопштението.

На почетокот на март министерството за здравство извести за зголемување на бројот на инфекции и повика на строго почитување на дистанцата и оцени дека таа земја не е поштедена од другите варијанти на вирусот.

Власта на крајот на февруари најави почеток на кампања за вакцинирање на медицинскиот персонал. Сирија доби 5000 дози од кинеските вакцини за 2500 медицинари, според дневниот весник „Al-Watan“, близок до власта. Сирија исто така одобри употреба на руската вакцина.

притисни ентер