Случаите Рекет и Империја се прилично комплексни и по се изгледа меѓусебно испреплетени. За да можеме подобро да ги разбереме потребно е да се вратиме дури до ноември минатата година.
Тогаш на 9.11 Специјалното Јавно Обвинителство под водство на Катица Јанева го објави предметот против Камчев, Мијалков и други лица под името „Империја“ кои се осомничени за повеќе дела меѓу кој и злоупотреба на положба и перење пари.
Камчев е веднаш уапсен и судот му определува 30 дневен притвор.
Еден месец подоцна односно на 10 Декември притворот му е продолжен, но тоа на Камчев му даде законска можност да се жали на одлуката во апелација и тоа го прави.
Неколку дена пред Нова Година, односно на 27 Декември судот го пушта Камчев од затвор и му одредува куќен притвор. За ова СЈО на изнанадување на сите, дава позитивно мислење Камчев да оди во куќен притвор, а според обвинителството тоа се направило бидејќи тој повеќе не можел да влијае врз сведоци...
Токму во овие месеци пред Нова Години според истрагата на Обвинителството за организиран криминал, се направени првите контакти меѓу Боки 13 и Камчев, а тоа во изјава веднаш по објавувањето на случајот „Рекет“ го кажа и обвинителката Вилма Рускоска...
На 8ми февруари куќниот притвор на Камчев е продолжен за 30 дена. Тука повторно се отвора законската можност тој на Врховен да ја обжали одлуката.
Врховен го укинува притворот на познатиот бизнисмен, но пасошот му е задржан во Кривичниот суд, како гаранција дека нема да побегне.
Во меѓувреме се поплавува подрумот на СЈО а според информациите уништен е доказен материјал токму за случајот „Империја“. СЈО демантираше дека се уништени важни документи, но никогаш не се откри кои докази беа уништени или оштетени.
Следен симптоматичен настан се случува на втори Мај, кога СЈО му издава привремен пасош на Камчев со образложение дека треба да оди на неодложни службени патување како член да управен одбор и поради едукација.
После месец и половина сите го видоа Камчев како заедно со ракометарите на Вардар во Келн ја прославува шампионската титула... Потоа следуваа бурни рекации кај јавноста и одговор на Јанева..
17 Јули. Следува настанот кој ја разбранува домашната јавност. Уапсени Боки 13 и Кичеец, отворен случајот „Рекет“. Веднаш одземен беше и телефонот на Јанева. Вториот нејзин телефон и покрај тоа што се велеше дека бил изгубен во Белград, сепак после повеќе денови е пронајден во земјава,
Другите обвинители од СЈО кажаа дека потписи за одлуките на СЈО ги ставала исклучиво Јанева
Само два месеца пред објавувањето на РЕКЕТ, Катица Јанева беше убедена дека е недопирлива, дека заслужувала да го води СЈО со својот интегритет и дека никој не можел да ја промени.
Инаку, последниот развој на случајот „Рекет“ може дополнително да ги отежни преговорите меѓу власта и опозицијата за законот за обвинителство, кој е единствениот преостанат закон и треба да се донесе час побрзо доколку земјава сака во Октомври да добие датум за преговори.