Здравје

Сладолед диета:Слабејте со омилениот летен деликатес

Не е вообичаено да си го расипувате одморот со диети, но да слабеете со сладолед и не е некое одрекување.

Неверојатно е дека сладоледот може да помогне за слабеење, но бидејќи лесно се вари и е богат со белковини, претставува производ кој може да замени ручек или лесна вечера.

Каков сладолед да изберете?

Треба да заборавите на банана сплит и слични големи оброци од кои секој содржи повеќе од 1000 калории. Овошниот сладолед има 160, а млечниот 240 калории.

Сладоледот е многу хранлив. Млечниот содржи многу белковини, шеќер и масти, а овошниот многу витамини, минерални материи и растителни влакна. Предноста на млечниот сладолед е што содржи калциум, што го прави идеална храна за жените бидејќи го одржува здравјето на коските и спречува остеопороза.

Диета со 1600 – 1800 калории дневно

Понеделник

Појадок: чаша јогурт и млеко, 2 интегрални парчиња тост, мала лажичка мармалад или мед

Ручек: сладолед во корнет, 2 кајсии или една праска

Вечера: чинија пршута или шунка (80 гр) со брокула и малку сирење, интегрално пециво или 2 парчиња леб, зелена салата зачинета со маслиново масло и сок од лимон

По вечерата: 2 топки млечен сладолед

Вторник

Појадок: чаша јогурт и млеко, 2 интегрални парчиња тост, мала лажичка мармалад или мед

Ручек: тост сладолед, 2 кајсии или една праска

Вечера: чинија тестенини (70 гр) со свежи домати, маслиново масло и босилок, житни снегулки со млеко, моцарела, салата од домати зачинета со маслиново масло

По вечерата: овошна салата со топка овошен сладолед

Среда

Појадок: чаша јогурт и млеко, 2 интегрални парчиња тост, мала лажичка мармалад или мед

Ручек: сладолед на стапче, 2 кајсии или 2 праски или 2 сливи

Вечера: чинија козјо сирење (80 гр) со домати, интегрално пециво или 2 парчиња леб, печена пиперка зачинета со маслиново масло

По вечерата: 2 топки сладолед со малку шлаг

Четврток

Појадок: чаша јогурт и млеко, 2 интегрални парчиња тост, мала лажичка мармалад или мед

Ручек: сладолед во корнет, банана или 2 кајсии или 2 праски

Вечера: чинија супа од зеленчук со ориз (60 гр), 4 парчиња пршута (70 гр) или шунка, салата од моркови или зелена салата, зачинета со маслиново масло и лимон

По вечерата: шолја шумско овошје со топка сладолед

Петок

Појадок: чаша јогурт и млеко, 2 интегрални парчиња тост, мала лажичка мармалад или мед

Ручек: чаша овошен сладолед, 2 парчиња диња или 1 парче лубеница

Вечера: бела риба на скара со магдонос и малку масло, мешан зеленчук на скара (домат, тиквички, пиперка) со малку масло, интегрално пециво или 2 парчиња леб

По вечерата: леден колач

Сабота

Појадок: чаша јогурт и млеко, 2 интегрални парчиња тост, мала лажичка мармалад или мед

Ручек: сладолед на стапче, една шолја цреши или 2 праски или 2 кајсии

Вечера: салата од морски плодови (150 гр), рижото (80 гр) со риба и морски плодови, зелена салата или морков зачинети со маслиново масло

По вечерата: ладен млечен напиток со лимон

Недела

Појадок: чаша јогурт и млеко, 2 интегрални парчиња тост, мала лажичка мармалад или мед

Ручек: Сендвич сладолед, банана или 2 праски или 2 кајсии

Вечера: тестенини (80 гр) со зеленчук и маслиново масло, фета сирење (60 гр) и лист салата, салата од домати или моркови со малку маслиново масло

По вечерата: 2 топки сладолед со кафе

Македонија

Мицкоски: Потребна е масовна излезност на 8 мај за да ги пратиме во опозиција ДУИ

Овој резултат од 24 април е и одговорност. Се што зборуваме треба и да примениме. Народот очекува и убеден сум дека во овие нешто повеќе од 10 дена народот ќе се приклучи, народот е обединет и сака промени и брзи резултати.

Овој резултат од 24 април е и одговорност. Се што зборуваме треба и да примениме. Народот очекува и убеден сум дека во овие нешто повеќе од 10 дена народот ќе се приклучи, народот е обединет и сака промени и брзи резултати, рече лидерот на ВМРО-ДПМНЕ, Христијан Мицкоски на денешниот митинг во Росоман.

Мицкоски информираше дека како коалиција внимателно е пристапено во креирање на програмата.

„Внимаваме што ќе ветуваме, не сакаме да ветуваме нешто што не може да се реализира, не сакаме народот да ја губи надежта. Си дадовме збор дека програмата ќе ја ревидираме за две години. Нема скандал за повеќе од две години во работата на градоначалниците. Затоа можам да кажам дека поучени од ова искуство имајќи во предвид дека најголем дел од проектите се веќе реализирани одлучивме по две години да направиме ревизија и на оваа програма. Сметаме дека можеме повеќе, ама не сакаме да ве разочараме“, кажа Мицкоски.

Мицкоски порача дека сега треба максимална мобилизација бидејќи како што рече „нема да остават да биде едноставно, мора да добиеме мнозинство во парламентот, да имаме наш претседател и заедно со градоначалниците да направиме трансформација на Македонија“, изјави Мицкоски.

Според него за ова треба масовност.

„Има центри на моќ кои не сакаат да ја видат успешна Македонија, имаме такви и тие беа клучен фактор до сега беа и во Владата, и тука мислам на ДУИ и Али Ахмети, тој сака да ја види осиромашена Македонија и слично. Тие не сакаат да ја видат успешна Македонија“, рече Мицкоски.

Мицкоски укажа дека овие избори се шанса криминалците да ги пратиме во опозиција.

„И ова го зборам само поради криминалот, не го зборам за ДУИ затоа што се Албанци, не, туку поради криминалот. Јас ја повикав опозицијата кај Албанците да се бориме заедно. Јас се борам против ДУИ кои ја ограбуваат и на колена ја ставаат Македонија“, заклучи Мицкоски, се наведува во партиското сопоштение.

Македонија

Николоски од Росоман: Идната влада на ВМРО-ДПМНЕ ќе го изгради експресниот пат Прилеп-Градско

Од Росоман можам да кажам дека за откупот на праските планираме изнаоѓање на нови пазари кои што ќе донесат подобри цени, понатаму поддршка за изградба на ладилници и за стимулирање на откупувачи.

Од Росоман можам да кажам дека за откупот на праските планираме изнаоѓање на нови пазари кои што ќе донесат подобри цени, понатаму поддршка за изградба на ладилници и за стимулирање на откупувачи, секако тука е делот на реконструкција на постојните водоводни системи за наводнување и изградба на нови системи и за тоа се предвидени големи средства во делот за земјоделие за двете ставки некаде по стотини милиони евра. Понатаму враќање на системот за субвенции кои што е правичен и кој што значи според она што го обработуваат земјоделците. Тука е и поделбата за земја, да завршиме со олигархиското и картелското делење на земја каде што огромни површини на земји ги земаат луѓе кои што не се по потекло од општината во која што добиваат земјиште и најчесто не ја работат таа земја. Така што бројни проекти планираме во земјоделието кое што треба да ја подобрат состојбите во земјоделството, истакна Александар Николоски, потпретседател на ВМРО-ДПМНЕ и носител на ИЕ 4 на денешниот митинг во Росоман во рамки на претседателската и парламентарната кампања.

Николоски во текот на своето обраќање пред граѓаните од Росоман и на експресниот пат Прилеп-Градско кој е многу значаен за овој регион. Николоски вети дека идната влада предводена од ВМРО-ДПМНЕ ќе го заврши овој пат до 2027 година.

-Исто така тука е и инфраструктурата, тука поминува една од најзначајните артерии за целиот пелагониски регион, за цела централна Македонија, тоа е експресниот пат Прилеп-Градско кој што е симбол за неспособноста на СДС и ДУИ. 7 години не успеа да го изградат, но исто така е симбол и за криминалот на СДС и ДУИ затоа што бројни афери се поврзани за изградбата на овој пат. Ние ветуваме дека до 2026 година ќе се завршат двете фази од експресниот пат кој што требаше одамна да бидат завршени и третата фаза која што воопшто не е почната до сега, ќе биде завршена до 2027 година како би целосно се комплетирал овој експресен пат кој што треба да ја промени состојбата со економијата, со стопанството во целиот регион, потенцираше Николоски.

На крај тој вети дека ВМРО-ДПМНЕ има уште многу други бројни проекти кои се значајни за граѓаните од овој период.

-Имаме и бројни други проекти кои се поврзани со сите области кои се од витално значење за сите вас со цел тука да остануваат луѓето, а не да бегаат надвор и да останува полето необработено, порача тој, се наведува во партиското соопштение.

Шоу биз

Секс-бомбата бара момче: Треба да биде богат и убав

Откако пропадна љубовната врска на познатата манекенка Ирина Шајк и играчот на НФЛ Том Брејди, таа сега бара ново момче, изјави извор за „Page Six“.

- Потребна и е позната личност која изгледа добро и има пари. Колку такви има? Пет, десет? - изјави изворот.

Изворот како една од можностите го предложи од неодамна слободниот Том Круз. Ѕвездата од „Топ Ган“ неодамна раскина со Русинката Елсина Каирова.

Извор: Аваз

притисни ентер