Шоу биз

„Проектот Хејл Мери“ заработи 140 милиони долари во цел свет за само три дена

Вселенскиот филмски спектакл „Проектот Хејл Мери“ (Project Hail Mary), во којшто Рајан Гослинг глуми научник задолжен да ја спаси планетата, имаше силен почеток киноблагајните ширум светот.

Вселенскиот филмски спектакл „Проектот Хејл Мери“ (Project Hail Mary), во којшто Рајан Гослинг глуми научник задолжен да ја спаси планетата, имаше силен почеток киноблагајните ширум светот, со вкупно 140,9 милиони долари заработка (речиси 121,4 милиони евра).

Приказната со буџет од 200 милиони долари (173,4 милиони евра) го следи потфатот на молекуларен биолог кој се впушта во меѓугалактичка мисија за да го спаси човештвото од истребување. Вкупната продажба на билети вклучува 80,5 милиони долари во Северна Америка и 60,4 милиони долари од 82 други земји. Ова го означи најисплатливото деби во годината, надминувајќи го „Крик 7“ што заработи 33,1 милион долари во странство и 97,2 милиони на глобално ниво. Тоа е, исто така, и најуспешниот почеток во историјата на студиото „Амазон ем-џи-ем“ (Amazon MGM), надминувајќи го резултатот од филмот „Крид III“ од 2023 година.

- Бараниот роман на Вир ни даде силна основа, а Лорд и Милер создадоа визуелно зачудувачки трогателен филм предводен од брилијантниот Рајан Гослинг, кој бара да се доживее на најголемиот можен екран, со публика, рече Кевин Вилсон, главен директор за дистрибуција.

Филмот веќе се обликува како прв голем комерцијален успех за „Амазон“ во рамките на неговиот филмски оддел, откако компанијата го купи „Ем-џи-ем“ за 8 милијарди долари пред речиси четири години. Вкупно 13 кино-изданија се планирани за оваа, 2026 година, иако претходните проекти, како што се документарецот „Меланија“ и филмот „Злосторство 101“, се покажаа поскромни во споредба со нивните буџети, потсетуваат критичарите.

- Дебито на „Проектот Хејл Мери“ е доказ за силата на оригиналниот роман на Енди Вир и напорот што Лорд и Милер го вложија во неговата точна изведба. Ова доаѓа во време кога луѓето бараат бегство од хорор филмовите од реалниот свет. Ова е редок вид филм што ќе продолжи да привлекува публика во кината во наредните недели, рече Шон Робинс од „Фанданго“.

Приказната е заснована е на романот на Енди Вир, чие дело „Марсовецот“ претходно послужи како основа за истоимениот филм во режија на Ридли Скот, во којшто глуми Мет Дејмон, и тие тогаш заработија 630 милиони долари низ целиот свет. Новиот филм, режиран од Фил Лорд и Кристофер Милер, не е негово продолжение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: И во петтата деценија нема проблем да се соблече во танга бикини

Таа е жена од соништата, во петтата деценија од животот е вистинска секс-бомба.

Израелската манекенка Бар Рафаели (41) ја продолжи успешната соработка со модниот бренд „Кастро“ во 2026 година.

Една од најпознатите светски манекенки е заштитно лице на новите кампањи на брендот, вклучувајќи ја пролетната колекција и линијата „High Summer“, кои таа ги претстави и на своите социјални мрежи.

Посебно внимание привлекоа фотографиите во бикини, на кои Бар повторно покажа беспрекорна фигура и завидна форма, исто како и пред неколку месеци, кога позираше во провокативна долна облека за една рекламна кампања.

Тагови: бикини

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Кајли Џенер повторно воодушеви во секси бикини

Младата бизнисменка од кланот Кардашијан - Џенер, Кајли Џенер ги израдува фановите со претставување на уште еден модел на бикини, а притоа ја промовираше и својата најнова колекција

Сексапилната Кајли подготви провокативно издание за своите фанови, позирајќи во мини бикини, и веднаш го сподели сето тоа на социјалните мрежи.

Покрај тоа што сакаше да ја истакне својата прекрасна фигура, таа повторно летово ја претстави и новата колекција на костими за капење.

„Навистина е жешко. А и моите бикини се жешки! Ги обожавам“, изјави убавицата

Тагови: кајли џенер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Видео: Гламурозно порше 911

Славната француска модна куќа „Louis Vuitton“ и компанијата Singer Vehicle Design од Калифорнија ги здружија силите за да претстават два исклучително ексклузивни модели на Porsche 911 на настанот „Monterey Car Week“.

Славниот „Louis Vuitton“ и компанијата Singer Vehicle Design од Калифорнија ги здружија силите за да претстават два исклучително ексклузивни модели на Porsche 911 на настанот „Monterey Car Week“.

Овие возила, засновани на генерацијата 964, се изработени како целосно персонализирани автомобили.

Соработката започна со барање за пренослив часовник за на контролната табла, инспириран од колекцијата Tambour на Louis Vuitton, но прерасна во проект што го опфаќа дизајнот на автомобилите, ентериерите, багажот и модните додатоци.

Првиот автомобил, „Porsche 911 Reimagined by Singer – Classic“, се одликува со комбинација на бои во нијанси на шафран, кобалт сина и жолта, каросерија од карбонски влакна и атмосферски 4,0-литарски „flat-six“ мотор со 420 КС, поврзан со шестстепен мануелен менувач.

Вториот е „Classic Turbo Cabriolet“ во светла нијанса „Calcaire Lutétien“; неговиот дизајн е дело на Николас Гескјер, уметнички директор за женски колекции во „Louis Vuitton“, а го придвижува 3,8-литарски „flat-six“ мотор со два турбополначи што испорачува приближно 510 КС.

Louis Vuitton і Singer створили шикарний тандем: переосмислений Porsche 911 🚗

Спочатку Singer звернувся до Louis Vuitton із проханням створити годинник для панелі приладів, але ідея переросла у повноцінний дизайн 2 авто з фірмовими матеріалами та деталями Louis Vuitton 🤩 pic.twitter.com/Z9vrcafQru
— Радіо Трек (@radiotrek) August 13, 2026

Француската модна куќа не застана само на логата и тапацирот; автомобилите се придружени со специјално изработен багаж, облека и модни додатоци од Louis Vuitton, додека моделот „Turbo Cabriolet“ се одликува и со елегантни дрвени украсни елементи, часовник „Tambour“ и детали што ги спојуваат световите на луксузните автомобили и високата мода.

Цените за овие два примерока не се обелоденети, но станува збор за исклучително ексклузивни проекти на компанијата „Singer“, каде што секој автомобил се изработува според специфичните барања на сопственикот; самата компанија е специјализирана за реставрација и модерна реинтерпретација на класичните модели на „Porsche 911“ со воздушно ладење, пренесува „Motor1“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.