„Огнени јазици“ в сабота премиерно во Драмски - Канал 5

Култура

„Огнени јазици“ в сабота премиерно во Драмски

Новата претстава на Драмски театар „Огнени јазици“ по текст на Горан Стефановски и режија на Слободан Унковски се занимава со прашањето колку е можен преводот и истовремено дава потврден одговор преку примерот на Кирил и Методиј и нивното преведувачко дело во 9 век.

„Огнени јазици“ в сабота премиерно во Драмски
Зачуден што досега немало драма за браќата заслужни за словенската писменост, Стефановски пред неколку години почнал да ја истражува византиската историја, да собира материјали од прочувувачи на делото на тие, како што рече, маченици на преводот, со кои почнала војната меѓу кирилицата и латиницата, меѓу Истокот и Западот.

- Отсекогаш знаев дека Кирил и Методиј го посветиле својот живот на преведување и ширење на Светото писмо на словенски јазик, но полека почнав да сфаќам дека тие се големите светци и великомаченици на преводот воопшто. Целиот живот го посветиле во напори светот подобро да се разбере, а проблемите кои се обидувале да ги решат во 867 година се отворени и ден денес. Не случајно тие се светци заштитници на Европа, рече Стефановски денеска на прес-конференција.

Содржински, централен мотив е преводот и неговата возможност, ставањето крај на збрката на јазиците и можноста луѓето да се разберат. - Драмата е апологија на интелектуалниот подвиг и духовното мачеништво на Кирил и Методиј на фонот на вековната борба меѓу световите на кирилицата и латиницата... Драмата ги варира апсурдите на изгубеноста во преводот и „расипаните телефони“, додаде Стефановски.

Режисерот Унковски истакна дека претставата надвор од политиката говори за македонските состојби. - Претставата е за Македонија денес, за идентитетот, јазикот, за духовните состојби. Говорејќи за јазикот, за духот на нацијата, ние говориме за историјата, за браќата Кирил и Методиј, рече Унковски.

Како и во пиесата „Чернодрински се враќа дома“ во која не се појавува насловниот лик, и во овој текст на Стефановски нема да се појават ликовите на Кирил и Методиј иако се „длабоко присутно-отсутни“.

Жанровски драмата е трагикомедија и во функција на жално-смешните страни се двата антиподни лика од македонската народна традиција - Болен Дојчин и Итар Пејо, кои ќе ги играат актерите Драган Спасов-Дац и Благој Веселинов.

Во претставата од 2,5 часа со една пауза учествуваат и Сања Арсовска, Филип Трајковиќ, Зоран Љутков, Соња Стамболџиоска, Диме Илиев, Игор Ангелов, Билјана Драгичевиќ-Пројковска. Тие се задоволни од претставата и од процесот на нејзината подготовка, а посебно го потенцираа значењето за нивното театарско искуство да соработуваат со овие двајца автори.

- Лицето на Драмски е да ги имате Стефановски и Унковски зашто нивна претстава е критериум како треба да изгледа одличен производ, рече Љутков, уметнички директор на Драмски и актер во претставата.


Златко Ориѓански е автор на оригинална музика, костимите ги изработи Ивана Кнез, сценскиот дизајн е на Игор Тошевски, и тоа е негова прва сценографија, автор на анимациите Денис Сарагиновски и на плакатот - познатиот графички дизајнер Мирко Илиќ.

Со претставата, која премиерно ќе биде изведена в сабота, тандемот Стефановски-Унковски, одебележува 40 години соработка. Покрај многуте ТВ-проекти (Бушава азбука, Наши години...) имаат 10 претстави, почнувајќи од „Јане Задрогаз“ во 1974 до „Демонот од Дебар маало“, која во Драмски беше поставена пред седум години.


Унковски рече дека нема ништо подобро и позбудливо на сцена да се поставуваат домашни текстови и дека над 40 драми од македонски автори досега режирал во Македонија и во светот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Царинска управа: Европската комисија нотира добро ниво на подготвеност

Европската комисија нотира добро ниво на подготвеност на Царинската управа во спроведување на реформите за забрзана интеграција во единствениот пазар на ЕУ.

Царинска управа: Европската комисија нотира добро ниво на подготвеност

Европската комисија во најновиот извештај за напредокот на државата нотира добро ниво на подготвеност во реформските процеси што ги презема Царинската управа во Поглавјето 29 - Царина унија, со цел забрзување на интеграцијата на нашата држава во единствениот пазар на Европската унија. Зголемените приходи, воспоставување на сеопфатен разузнавачки систем за поддршка на истрагите и спроведување на законот, зајакнување на капацитетите на Секторот за контрола и истраги, надградбата на ИТ системите и усогласеноста на царинското законодавство, се дел од областите каде е забележан напредок.

„Вкупните приходи наплатени од Царинската управа во 2025 година беа за 5,2 проценти повисоки во споредба со 2024 година, надминувајќи 2,1 милијарди евра“, нотира ЕК во последниот извештај.

Во делот на оперативни и административни капацитети, од Комисијата го истакнуваат воспоставувањето на сеопфатен разузнавачки систем за поддршка на истрагите и спроведување на законот како и новиот систем за управување со ризик и податочен склад. Во оваа насока потенцирано е учеството во меѓународни операции и размената на разузнавачки информации. Контролите, се засноваат на анализа на ризик поткрепена со разузнавачки информации, информации добиени пред пристигнување на стоката и техники на селективност.

Воедно, со финансиска поддршка на ЕУ со цел зајакнување на борбата против организираниот криминал, нотирано е дека капацитетите на Секторот за контрола и истраги се значително зајакнати со нови возила и заштитна опрема, како и ИТ опрема за сервер салата со што се подобрува ИТ безбедноста на царинските операции. Во делот на борбата против корупција Комисијата наведува дека продолжува спроведувањето на Стратегијата за интегритет и борба против корупција за периодот 2024-2027 година.

Во делот на дигитализацијата се потенцира дека е обезбедено одржување и понатамошен развој на системот за Интегрирана тарофна околина, како и започнување на пилот фаза на системите за регистрација и идентификација на економските оператори и за унифицирано управување со корисниците и дигитален потпис.

Царинското законодавство е со висок степен на усогласеност со правото на ЕУ, при што Царинската тарифа во 2026 година е донесена и усогласена со Комбинираната номенклатура на ЕУ.

Во областа на добрососедски односи и регионална соработка нотирано е ратификувањето на Протоколите 5 и 6 со кои се воспоставува рамка за олеснување на трговијата преку царинска соработка и либерализација на трговијата со услуги, соопштуваат од ЦУ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Уапсена е поранешна турска министерка за членство во криминална организација

Поранешната турска министерка Фатма Бетул Сајан Каја е уапсена во рамките на истрага за трансакции на пазарот на капитал, под сомнение за кршење на Законот за пазари на капитал и членство во криминална организација.

Уапсена е поранешна турска министерка за членство во криминална организација

Поранешната турска министерка Фатма Бетул Сајан Каја е уапсена во рамките на истрага за трансакции на пазарот на капитал, под сомнение за кршење на Законот за пазари на капитал и членство во криминална организација, објави денес обвинителството во Истанбул.

Според документот на обвинителството, Каја е осомничена дека имала информации што можеле да влијаат на цената на акциите на „Озата Денизчилик“, објави „Анадолу“.

Истражителите изјавија дека поранешната министерка ги купила акциите на компанијата во април 2026 година и ги продала на 16 септември, денот пред одлуката за ликвидација на средствата.

Обвинителството се сомнева дека Каја знаела за претстојната ликвидација и дека ги префрлила акциите на „Тера Јатирим Менкул Дегерлер“, која ѝ ја исплатила нивната вредност истиот ден, наместо парите да бидат исплатени во вообичаените два работни дена.

Поранешниот претседател на Одборот на пазарите на капитал, Ибрахим Омер Ѓенул, и Илијаш Каја беа ослободени под мерки на судски надзор, кои вклучуваат редовно пријавување кај властите и забрана за патување.

Тагови: министерка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Џенифер Лопез позира без облека, а косата никогаш не ѝ била посветла (ВИДЕО)

Џенифер Лопез избра костим од Барбарела за овогодинешниот Ноќ на вештерките, ликот што Џејн Фонда го играше во истоимениот филм од 1968 година. 

Џенифер Лопез позира без облека, а косата никогаш не ѝ била посветла (ВИДЕО)

За таа пригода, таа беше трансформирана со помош на прекрасна руса фризура моделирана по познатата актерка, а носеше и реплика од проѕирниот боди со светки од филмот. Таа дополнително го адаптираше костимот за Ноќта на вештерките со солзи и детали што имитираат крв.

Пејачката и актерка често експериментирала со фризури во текот на својата кариера, од природни кадрици од деведесеттите до медено руси прамени, пишува Харперс Базар.

Најсветлата нијанса досега

Иако Ноќта на вештерките заврши, се чини дека Лопез сè уште не е подготвена да се збогува со својот нов изглед. Нејзиниот фризер Крис Аплтон објави претходно невидени фотографии на Инстаграм на кои пејачката е речиси непрепознатлива.

На фотографиите, Лопез позира целосно гола, а посебно внимание привлекува нејзината екстремно светла руса коса, најсветлата нијанса што некогаш ја носела. „Бомбастични боцки“, напиша Аплтон во описот на објавата, алудирајќи на Барбарела и нејзиниот костим. Тој ја обликуваше нејзината коса во луксузни, волуменозни кадрици, со дополнителен волумен нагласен на темето.

Фризерот одговорен за бројни трансформации

Аплтон стои зад многу фризури на Џенифер Лопез, вклучувајќи го и нејзиното неодамнешно „фенирање од милион долари“. Станува збор за луксузно стилизирана коса со костенливи прамени и шишки што го врамуваат лицето.

@jlo

Her specialty is LOVE ❤️ Barbarella 🚀 Happy Halloween everybody!

♬ original sound - JLO

Перика или трајна промена?

Дали Лопез ќе ја задржи новата боја на косата сè уште не е познато. Не е ни јасно дали носи перика на фотографиите. Имено, Аплтон е позната по големите трансформации на изгледот на неговите познати клиенти, вклучувајќи ги Ким Кардашијан и самата Џенифер Лопез. Затоа, останува да се види дали ова е потрајна промена или само привремен експеримент.

Тагови: Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер