Нови препукувања околу злоупотребите со издавање на пасоши со украден идентитет

Дали македонски пасош добил и познат член на италијанската мафија? 

Валид Иса Хмаис добил патна исправа во 2019та година во Скопје со украден идентитет на лице од Корча, тврдат од ВМРО-ДПМНЕ презентирајќи нови документи кои ги добиле од свиркач за случајот со лажните пасоши. Хмаис, според наводите на партијата, бил главниот перач на пари од трговија со кокаин на италијанската мафија. Неколку години бил во бегство, но откако го извадил македoнскиот пасош успеал да стигне до островската држава Маврициус..

-Валид од 2017-та година е во бегство во повеќе држави во светот, а по добивање на македонскиот пасош на име Таќо Вурмо, два пати во месец јануари 2019-та година го искористил македонскиот пасош и преку аеродром Петровец заминал за Турција. Македонија станала Колумбија на Балканот. Не смее оваа афера да заврши со одговорност само на службеници. За аферата „Мафија" морале да знаат и одговорните лица во МВР и Владата,изјави Владо Мисајловски – потпретседател на ВМРО-ДПМНЕ.

Премиерот Заев, во случајот не гледа простор за политичка одговорност. Вели дека акцијата е професионално и успешно завршена во соработка со меѓународните партнери. На обвинувањата возврати дека најголемите фалсификати се случувале во време на ВМРО-ДПМНЕ.

„Кога некој открива и активно процесира криминал, тој треба да се награди, а не да одговара. И тие се вредностите секаде во светот така и кај нас.Не може да се обвинува министер, премиер или слично заради тоа што спровеле успешни акции, посебно докажувајќи дека тие акции биле со месеци цел на анализа, документирање, аргументирање за да бидат изведени пред суд. Кога во анализите ќе видите кога се случувало тоа, кога се правени ваквите најголеми фалсификати и криминали со лажни матични броеви, ќе видите дека тоа е за време на режимот односно за времето на владеење на ВМРО-ДПМНЕ“.вели Зоран Заев – претседател на Влада.

ВМРО-ДПМНЕ од избивањето на аферата објави дека македонски пасоши меѓу другите добиле и водачи на Шкаљарскиот клан, на турската мафија, албански нарко бос. Информациите што ги пласира опозиција засега не се ниту потврдени ниту демнатирани, а кој се добил и на каков начин нелегална патна исправа, се очекува да покаже истрагата.

Кардашијан во жешки пози со новото момче, рокерот ја објави снимката (ВИДЕО)

Рокерот Тревис Баркер ги изненади следбениците со нови објави на својот Инстаграм профил.

Баркер и го честитал роденденот на Кортни Кардашијан и истакнал колку ја сака, а за да му покаже на светот колку се заљубени, тој објави серија фотографии од нив заедно и едно видео во кое таа му го цица палецот. На фотографиите, двојката се гушка и се бакнува, а на една Тревис ја држи ногата на Куртни, додека дел од нејзиниот гол задник исто така влегол во кадарот.

Објавата предизвика голем број коментари. Некои му честитаат на парот за нивната љубов, додека некои, како пејачот Чарли Пут, го изразија своето изненадување со објавата на рокерот.

Патем, гласините за врската помеѓу Кортни и Тревис започнаа на почетокот на оваа година, а парот го потврди тоа неколку недели подоцна, исто така со објава на Инстаграм.

САД се обврзуваат дека ќе бидат предводници во борбата против климатските промени

Соединетите држави ќе се борат против климатските промени или „нема да остане ништо“ од нашата планета, рече американскиот државен секретар, ветувајќи дека ќе изврши притисок врз другите држави да ја намалат зависноста од јаглен.

Пред виртуелниот самит за клима во четврток и петок,чиј домаќин е американскиот претседател Џо Бајден, Антони Блинкен треба да одржи говор по повод враќањето на Вашингтон по повлекувањето на администрацијата на Доналд Трамп

„Ако Америка не го води светот во управувањето со климатската криза, нема да остане многу од нашата планета“, треба да нагласи државниот секретар според деловите на говорот што им се достапни на медиумите, пренесува Франс прес.

„Ако успееме во ова, ќе ја искористиме најголемата можност за генерациите да создадеме квалитетни работни места, да изградиме поправедно, поздраво и поодржливо општество и да ја заштитиме оваа прекрасна планета“, треба да додаде тој.

Иако минатата недела Соединетите Држави потпишаа заедничка декларација со својот главен стратешки противник Кина и ветија дека „ќе соработуваат во справувањето со климатската криза“, Блинкен најавува натпреварување.

"Во моментов доцниме. Кина е најголем производител и извозник на соларни панели, ветерници, батерии и електрични возила. Таа поседува третина од светските патенти за обновлива енергија".

„Ако не го надополниме доцнењето, Америка ќе ја пропушти можноста да ја обликува светската климатска иднина според нашите интереси и вредности и ќе изгубиме безброј работни места за Американците“, ќе рече американскиот државен секретар.

Во таа борба, Антониј Блинкен особено ќе го потенцира притисокот што треба да се изврши врз земјите зависни од јаглен.

„Кога земјите продолжуваат да зависат од јаглен, да инвестираат во нови централи на јаглен или да дозволат уништување на шумите, Соединетите држави и партнерските земји ќе ги предупредат на штетноста на ваквите активности.“

Кина, најголемиот светски производител на стакленички гасови, е одговорна за околу половина од светското производство на електрична енергија од јаглен, што е една од главните сопирачки во борбата против затоплувањето.

Но, ова прашање е чувствително и во САД, поранешниот претседател Трамп кој ја повлече земјата од Парискиот климатски договор, беше поборник на производителите на јаглен, иако побарувачката на САД за јаглен постојано се намалува.

Џо Бајден ги врати САД на договорот на првиот ден од неговиот мандат.

Се засилува ли тимот на „Сексот и градот“ по желба на Сара Џесика Паркер

Актерката Сара Џесика Паркер сака британскиот заводник Хју Грант да се појави во новите продолженија на серијата „Сексот и градот“.

Според странските медиуми, Паркер сака машка sвезда во серијата и дава се од себе за да го убеди Хју Грант да им се придружи на нивната екипа.

„Сара Џесика сфати дека треба голема, навистина голема, машка sвезда да се приклучи на повторната средба на „Сексот и градот“ за да помогне во олеснувањето на отсуството на Ким Катрал, и потенцијално и на Крис Нот, со кого сè уште преговара за враќање и за чија специфична улога сè уште се расправа “, изјавил извор близок на актерката за „Мирор “.

Новата сезона на „Сексот и градот“ се вика „И само така...“ и ќе има десет епизоди. Сара Џесика Паркер ќе биде во улогата на познатата Кери, а со неа во новите продолженија ќе се појават и Кристин Дејвис како Шарлот и Синтија Никсон како Миранда.

Хју Грант и Сара Џесика Паркер работеле заедно неколку пати. Тие прво соработувале во далечната 1996 година во трилерот Extreme Measures, а подоцна и во романтичната комедија „Што има ново со Морганови?“

притисни ентер