“Најдобра дизајнерска иновација 2025“: Новата Opel Mokka ја освои наградата „Autonis“ - Канал 5

Автомобилизам

“Најдобра дизајнерска иновација 2025“: Новата Opel Mokka ја освои наградата „Autonis“

Најубав мал SUV/Crossover: Mokka убедливо победува со скоро 50 проценти од гласовите

“Најдобра дизајнерска иновација 2025“: Новата Opel Mokka ја освои наградата „Autonis“

Карактеристичен изглед: со изостренo лого Blitz, нов светлоснен потпис и графички акценти, како и свежи бои

Независнo жири: 14,000 читатели на auto motor und sport гласаа

Вредности (комбинирано) за Opel Mokka GSE според WLTP: потрошувачка на енергија 18.5 kWh/100 km, емисија на CO2 0 g/km; CO2 ознака: A

Вредности (комбинирано) за Opel Grandland Electric AWD Ultimate според WLTP: потрошувачка на енергија 17.8-18.0 kWh/100 km, емисија на CO2 0 g/km; CO2 ознака: A

На својата светска премиера на IAA Mobility во Минхен пред неколку дена, новиот Opel Mokka GSE предизвика заинтересираност и возбуда. Со својот модерен дизајн, компактниот SUV импресионира не само како високо-перформантен електричен автомобил, туку и со секоја своја верзија.

Ова сега е потврдено од 14.000 читатели на германското автомобилско списание auto motor und sport. На 25-тото доделување на наградите „autonis“, тие ја избраа новата Opel Mokka за „Најдобра дизајнерска иновација 2025“ во категоријата мали SUV/Crossover возила. Со јасна предност: 49,6 проценти од гласовите дадени во оваа категорија отидоа кај харизматичниот бестселер Bliz. Новата Mokka со тоа го продолжува успешниот „autonis“ пат на Opel. Во 2022 година, Opel Rocks ја освои наградата, а следната година, читателите го избраа најпопуларниот мал автомобил во Германија, Opel Corsa, за победник во својата категорија.

„Opel Mokka сега е уште пoсмела, поелегантна и поостра. Направивме промени на вистинските места за да го направиме бестселерот уште посигурен и попривлечен за нашите клиенти. Многу сме задоволни што читателите на auto motor und sport се согласуваат и ја избраа Мokkа за најубавиот мал SUV. И можам да ветам: новата Мока GSE, опремена со возбудливи перформанси и дизајн, ќе ги натера срцата на јавноста да чукаат уште побрзо,“ изјави Бренд Менаџерот на Оpel Германија, Patrick Dinger.

Моќен изглед: новата Mokka е поостра, помодерна и подигитална од кога било досега

Opel Mokka може да се опише со три збора: модерна, компактна и стилска.

Најпродаваниот SUV на Opel отсекогаш поседувал вистински карактер, а брендот Blitz додаде уште поголема харизма оваа година. Од една страна, ова се должи на дополнително изострениот дизајн: Opel ги истакна визуелните предности на Mokka преку елеганција, со најновиот Opel Blitz, помодерна интерпретација на LED потписот напред и назад во светлосни блокови и со црни елементи што се движат од капакот на моторот до дизајнерската линија што се протега по страните.

Истовремено, Mokka блеска во свежи бои на каросеријата. Металик боите Kolibri Blue и Tropikal Green, обете резервирани ексклузивно за Mokka, како и еднобојната Grafik Grey боја ја поставуваат сцената за впечатливиот SUV.

Но, не е само дизајнот на каросеријата на Моkka што создава ефект на восхит. Внатрешноста исто така е освежена: управувачот, потесен на горниот и долниот дел, не само што пренесува спортски карактер, туку и го внесува Opel Vizor во кабината со логото Blitz во центарот и ги одразува хоризонталните линии на Opel compass од надворешниот дизајн.

Централната конзола, која сјае во мат сребрен тон, е уште појасна отколку порано.

Дизајнерите и инженерите интегрираа некои поставки кои порано се контролираа преку копчиња на централниот екран на допир во боја на дигиталниот инфозабавен систем. Целиот дизајн на кокпитот изгледа поосвежено и помодерно, како кај возилата од повисоките класи.

На пример, дизајнот на преостанатите прекинувачи за електричната паркирна сопирачка и избирачот на режими на возење (кај Mokka Electric и верзиите со автоматски менувач) потекнува од врвниот SUV Opel Grandland, кој исто така неодамна предизвика возбуда на IAA Mobility, како и новиот Grandland Electric AWD, првото целосно електрично возило со погон на сите тркала на Opel.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Претседател поднесе оставка по колапсот на голема банка- милиони граѓани останаа без пари (ВИДЕО)

Парагвајскиот претседател Сантијаго Пења поднесе оставка откако парламентот започна дебата за неговиот импичмент по пропаѓањето на големата комерцијална банка Уено.

Претседател поднесе оставка по колапсот на голема банка- милиони граѓани останаа без пари (ВИДЕО)

Парагвајскиот претседател Сантијаго Пења поднесе оставка откако парламентот започна дебата за неговиот импичмент по пропаѓањето на големата комерцијална банка Уено, што предизвика финансиски и социјални превирања во земјата, објави Си -Ен-Ен.

Дебатата за импичмент започна во парламентот утрово откако поранешниот претседател Орасио Картес, влијателен лидер на владејачката партија, јавно ја поддржа смената на Пења од функцијата.

Пратениците го обвинуваат Пења за судир на интереси, злоупотреба на пензиските фондови и институционално прикривање во врска со пропаѓањето на дигиталниот заемодавач Уено, поради што милиони Парагвајци не можеа да пристапат до своите сметки оваа недела.

Пења беше акционер во групата што го контролираше Уено до минатата година. Регулаторите ја презедоа контролата врз Уено претходно оваа недела и ги замрзнаа заштедите на милиони граѓани, вклучително и пензионери.

Овој потег предизвика масовни протести во земјата, каде што околу еден од тројца граѓани имал депозит во банката.

Кризата, исто така, предизвика сериозни поделби во владејачката партија Колорадо, која го донесе Пења на власт во 2023 година и со децении доминираше на политичката сцена во Парагвај.

Тагови: банка претседател

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Џејми Фокс по трет пат стана татко на 58 години со 27 години помладата девојка

Холивудскиот актер Џејми Фокс стана татко по трет пат, на 58-годишна возраст.

Џејми Фокс по трет пат стана татко на 58 години со 27 години помладата девојка

Познатиот добитник на Оскар го пречека своето прво дете со својата партнерка Алис Хакстеп, која е 27 години помлада од него.

Извор ја потврди веста за списанието People, а името и полот на бебето сè уште не се познати.

Џејми и Алис првпат беа поврзани во 2023 година, кога започнаа шпекулациите за нивната романса. Нивната врска имаше свои подеми и падови, па дури и раскинаа минатата година.

Сепак, не можеа долго да издржат еден без друг, па се смирија истата година, а сега го имаат своето прво дете заедно.

„Го следев примерот на Ал Пачино“: Искрени зборови и шеги за возраста

Гостувајќи во емисијата на Џими Кимел (исто така на 58 години), познатиот актер зборуваше во својот препознатлив стил повторно за родителството во подоцнежните години:

- Моето бебе доаѓа... Сè уште го имам во себе! Повторно сум во ред да ги оставам моите деца на училиште. Немав никакви сомнежи за тоа, но имам 58 години... знаете што сакам да кажам?

Фокс откри дека добил дополнителна самодоверба од разговорот со актерската легенда Ал Пачино, кој на 83 години го доби синот, Роман, со Нур Алфалах (32), во 2023 година:

- Налетав на Ал Пачино. Ако некогаш се сомневав, откако разговарав со него веќе не бев.

Актерот потоа се пошегува за својата иднина со помладата партнерка:

- Дури и ѝ реков на девојка ми: „Слушај, само издржи 12 години“. Ако сега имам 58 години, за 12 години ќе имам 70... само ќе ми фрлаш ќебе преку нозете и ќе ми даваш пудинг од тапиока...

Актерот веќе има две ќерки од претходни врски: Корин (32), која ја имаше со поранешната девојка Кони Клајн, и Анелиз (18), која ја има со Кристин Гранис. Доаѓањето на трето дете го комплетира неговото семејство.

Фокс претходно имал сериозни здравствени проблеми, а неговите ќерки одиграле важна улога за време на неговото закрепнување.

Тагови: Џејми Фокс

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Маж сее смрт низ Турција- денеска убил осум луѓе, а се уште не е уапсен (ВИДЕО)

Осум лица загинаа денеска во пукотници во три села во централниот дел на западна Турција, според локалните власти.

Маж сее смрт низ Турција- денеска убил осум луѓе, а се уште не е уапсен (ВИДЕО)

Приватната телевизиска станица НТВ објави дека полицијата го бара осомничениот возач на црвениот автомобил, кој го виделе сведоци како бегаат од местото на настанот.

„Осум наши граѓани ги загубија животите, а друг е тешко ранет во вооружен напад во нашата покраина“, објави канцеларијата на гувернерот на Афјонкарахисар.

Инцидентот се случил рано навечер во рурална област во близина на Афјонкарахисар, град кој се наоѓа на половина пат помеѓу главниот град Анкара и крајбрежниот град Измир.

Жртви пронајдени во три села

Две жени со прострелни рани беа пронајдени на патот во селото Јукаритандир. И покрај тоа што беа итно префрлени во болница, двете им подлегнаа на повредите, забележа државната новинска агенција Анадолу.

Уште три тела беа пронајдени во селото Кијир, кое се наоѓа на половина час возење североисток, и уште три во селото Ајазини, уште половина час возење исток, продолжи Анадолу. Друго лице, кое е пронајдено во критична состојба, се бори за живот во болница, додаде агенцијата, без да прецизира каде е ранет.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер