„Македонија -Блокира" поднесе кривична пријава против ДИК - Канал 5

Македонија

„Македонија -Блокира" поднесе кривична пријава против ДИК

Македонија-Блокира„ денеска до Основното обвинителство Скопје поднесе кривична пријава против членовите на Државната изборна комисија, службеници на ДИК во подрачните канцеларии и службеници во дипломатско – конзуларните претставништва во странство.

„Македонија -Блокира" поднесе кривична пријава против ДИК

Пријавите се однесуваат за сторени повеќе кривични дела со кои свесно ја спречија кандидатурата на д-р Филип Петровски за претседател на Република Македонија.

Во изјава за медиумите кандидатот за претседател од „Македонија-Блокира" Филип Петровски рече:

– „Ние од Кризниот штаб „Македонија – Блокира„ што се бореше против промена на името и предвремени избори, како „Македонија-Блокира„ што ме предложи за претседател на Република Македонија поднесуваме кривична пријава против ДИК затоа што во постапката за собирање на потписи воочивме серија неправилности кои не беа случајни, туку, напротив, беа добро смислени за да се спречи секој кој не одговара на корумпираните политички елити да биде кандидат за претседател на државата. Очигледно е дека ќе имаме наместени избори кои нема да бидат слободни и демократски, а кандидатите кои се дозволени се „манџуриски„ кандидати – споредбата е за кандидати кои се целосно контролирани од центри на моќ и не служат на интересите на државата. Не беше дозволено македонскиот народ да има свој кандидат поради големото незадоволство од промената на името, а јас тоа ќе го спречев, водев на сите анкети, но, со процедурата која беше далеку од демократска беше оневозможено да се кандидирам. Затоа со конкретни елементи ја поднесуваме кривичната пријава и очекуваме како во случајот со Струмица каде што е осудена целата ДИК, очекуваме обвинителството да постапи и сега и да се произнесе што поскоро и да се види дека овие избори се движат во лоша насока и не е возможно да се кандидирате доколку не сте подржани од корумпирана политичка елита" – истакна Петровски.

Во изјава за медиумите претседателот на Единствена Македонија Јанко Бачев рече: -„Станува збор за издржана кривична пријава со квалитетни докази. Веруваме дека обвинителството ќе биде на висина на задачата, бидејќи од доказите недвосмилено произлегува дека членовите на ДИК, службеници во подрачните канцеларии на ДИК и службеници во ДКП во странство сториле три кривични дела: злоупотреба на службената положба, уништување на изборен материјал и попречување на избирачкото право. Произлегува дека пријавените ги извршиле овие кривични дела, не сакаме сега да навлегуваме во позадината, бито е да почне постапката а после да се видат и инспираторите, нарачателите и извршителите. Како и да е, едно е јасно, Филип Петровски ги собра потребните потписи. Ние сериозно се спремавме уште пред започнувањето на постапката за собирање на потписи и ние во нашите интерни списоци имавме околу 17.000 потписи, од кои околу 9.000 во земјата и околу 8.000 во дијаспората. Но дојде големиот удар од ДИК, не ги отворија сите 80 општински канцеларии на ДИК и 41 ДКП во странство и на тој начин го спречија Филип Петровски да ги собере и формално потребните 10.000 потписи" – истакна Бачев.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Се соблече најубавата водителка

Елеонора Инкардона, заштитното лице на спортската платформа „DAZN“ – која публиката често има можност да ја види за време на преносите на натпреварите од Серија А – сподели неколку фотографии од својот одмор на социјалните мрежи.

Фото: Се соблече најубавата водителка

Атрактивната водителка покажа делови од своето секојдневие надвор од телевизиското студио – од времето поминато покрај базенот и шетањето на кучето, до тренинзите, дружењето и уживањето во локалните специјалитети.

„Мало бегство, токму она што ми требаше“, напиша Елеонора Инкардона покрај секси фотографии во бикини.

Најголемата популарност ја стекна токму преку ангажманот на „DAZN“, каде што ги следи натпреварите од Серија А и големите фудбалски настани.

Паралелно со телевизиската работа, таа изгради и голема публика на социјалните мрежи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Меган Фокс непрепознатлива

Една од најубавите актерки во Холивуд, атрактивната Меган Фокс веќе неколку месеци изненадува со својот изглед. 

Фото: Меган Фокс непрепознатлива

Видео на филмската платформа Letterboxd, во кое актерката Меган Фокс и режисерката Кери Кусама ги препорачуваат своите омилени филмови, предизвика низа реакции на социјалните мрежи.

Многу од нив се однесуваа на физичкиот изглед на 40-годишната актерка.

Иако снимката беше објавена во почетокот на октомври 2026 година, средбата била снимена уште во октомври 2025 година, за време на специјална проекција на филмот „Jennifer's Body“ во Музејот на филмската уметност на Академијата во Лос Анџелес.

Во видеото, Фокс издвојува наслови како „Braveheart“, „The Lion King“ и „Ninja Turtles II“, како и филмскиот серијал за Хари Потер.

Сепак, откако некои корисници во коментарите заклучија дека актерката е непрепознатлива и почнаа да шпекулираат за можни естетски зафати, платформата Letterboxd ја оневозможи опцијата за коментирање на објавите на својот официјален профил на Инстаграм.

„Што се случи со Меган Фокс што сите ја знаевме? Боже, таа се уништи себеси...“, „Меган Фокс како Џигсо за Ноќта на вештерките“, „Изгледа како член на семејството Адамс“, „Целосно си го уништи лицето.

Каква штета“ – беа само дел од коментарите.

Дел од јавноста застана во одбрана на актерката, истакнувајќи дека видеото е снимено осум месеци откако таа го родила своето четврто дете, како и дека периодот по породувањето носи природни промени во изгледот. Некои укажаа и на можното влијание на осветлувањето и шминката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Како Џеф Безос го убеди „Ферари“ да го направи својот прв електричен автомобил

На една конференција, шефот на Ферари раскажа дека Џеф Безос му рекол оти не знае многу за автомобили, но знае многу за иновации, како и дека Ferrari треба сериозно да размисли за електричните возила.

Како Џеф Безос го убеди „Ферари“ да го направи својот прв електричен автомобил

Претседателот на Ферари, Џон Елкан, откри дека разговорот од 2016 година со основачот на Амазон, Џеф Безос, одиграл клучна улога во одлуката на италијанската компанија сериозно да го разгледа развојот на електричен автомобил.

На конференцијата, Елкан сподели дека Безос тогаш му рекол оти не знае многу за автомобили, но знае многу за иновации, и дека Ферари треба сериозно да размисли за електричните возила. Десет години подоцна, Ферари го претстави моделот „Luce“ – подготвен за сериско производство и прв целосно електричен модел на компанијата.

„Luce“ предизвика значителни реакции, не само поради својот електричен погон, туку и поради дизајнот. Надворешниот и внатрешниот дизајн беа развиени од студиото „LoveFrom“, во чиј тим е вклучен и поранешниот дизајнер на Apple, Џони Ајв.

Сепак, Ферари истакнува дека Luce останува верен на наследството на брендот во поглед на перформансите. Автомобилот располага со четири електромотори кои испорачуваат вкупна моќност од 1.050 КС и забрзува од 0 до 100 км/ч за само 2,5 секунди.

Батеријата со капацитет од 122 kWh овозможува деклариран досег од 530 км – што е донекаде скромна бројка со оглед на големината на батеријата. Цената е исто така нетипична за електрични автомобили.

„Ferrari Luce“ чини околу 550.000 евра во Европа, а се очекува цената во САД да биде приближно иста. Џон Елкан нагласува дека Ferrari немал намера да создаде контроверзен автомобил; напротив, разговорот со Безос ја зацврстил убеденоста на компанијата дека треба да ја прифати електрификацијата, пренесува b92.

Тагови: ферари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер