„Браќа Карамазови“ на затворањето на „Охридско лето“ - Канал 5

Култура

„Браќа Карамазови“ на затворањето на „Охридско лето“

Театарот „Марин Држиќ“ од Дубровник со претставата „Браќа Карамазови“ од Достоевски во режија на Дејан Пројковски ќе ја има честа да го затвори годинашното 53-то по ред издание на нашата најголема музичко-сценска манифестација – Фестивалот „Охридско лето“.

„Браќа Карамазови“ на затворањето на „Охридско лето“
Режисерот Пројковски за неговата најнова поставка изјави дека се работи за претстава што зборува за човековите страсти, неговите пороци, за демоните во секој поединец...

- „Браќа Карамазови“ всушност е претстава која најмногу зборува за борбата што секој човек ја води во сопственото срце. Сите ликови во неа како да се заглавени во калта на сопствените страсти и пориви, со постојан обид да полетааат кон возвишеното, кон божјото, рече Пројковски.

Тој истакна дека во процесот на работата на претставата соработката со актерите толку добро се развивала, што сите почнале да го чувствуваат делото како интимна исповед на темата Бог, верувањето во Бога, дури и начинот како човек да го изоди тој пат во потрагата на Бога во себе.

Последното дело на Достоевски, кое некои го сметаат дури за недовршено, говори за семејството Карамазови, преполно со демони, со бреме, патила, состојби кои од една страна го опишуваат духот на времето во Петроград, но истовремено е еден вид вивисекција на човековите страсти и недоследности.

Актерот Фране Першин, кој го толкува ликот на Фјодр Карамазов, исклучително ја оцени соработката со режисерот Пројковски, огромната доверба што ја имал во актерската екипа, без агресивни решенија, со минималистички децентни режисерски зафати.

- Напишаниот збор на авторот Достоевски бара доверба во актерскиот израз. Тоа го добивме од Пројковски, капетанот на оваа пловидба, шефот на парадата кој исклучително зрело за својата возраст ја сработи претставата. Таа доверба публиката вечерва ќе има можност да ja види во самата претстава, рече Першин.

Актерот Владимир Посавец – Тушек за неговата потрага по ликот на Димитриј Крамазов изјави дека процесот на креирањето на улогите на големите автори како Шекспир и Достоевски, уметникот по нив треба да трча со своја идеја и независно од исходот на таа потрага, односно што и да се долови, притоа не може да се згреши зашто силината на напишаната мисла тоа го наметнува.

- Дмитриј Карамазов, тој најстрастен лик во претставата, тргнав да го барам на христијaнски начин, преку параболата „направи грев па потоа покај се“, наспроти гревот постојано да се носи во главата и притоа постојано да се живее грешно. Пеколот е впрочем мислата, демоните во главата создаваат пекол, тогаш гревот слегува во срцето и тоа станува желба, што ги тера луѓето да го прават она што го мислат, појасни Посавец – Тушек.

Директорката на „Марин Држиќ“, Јасна Јукиќ истакна дека работата со македонската екипа - режисерот Пројковски, сценографот Владо Ѓорески и композиторот Горан Трајковски е почеток на една македонско-хрватска театарска љубов што сигурно ќе резултира со соработка и во иднина.

- Проектот го работевме со помош и на актери од Сплит, како Тушек, Јуришиќ, Јуркиќ...Со нивна и со помошта на големиот режисер Пројковски, потоа Ѓорески и Трајковски, сметам дека направивме навистина одлична, извонредна претстава, на голем автор, големо дело, рече таа.

„Браќа Карамазови“ ќе се игра на сцената на Центарот за култура „Григор Прличев“ со почеток од 21 часот. Поради големиот интерес, претставата ќе биде изведена и утревечер, надвор од програмата на „Охридско лето 2013“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Наука

Лансирањето на ракетата „Артемис II“ предизвика пореметување во атмосферата на Земјата, тврдат научниците

Научниците од Националниот универзитет Ченг Кунг во Тајван тврдат дека лансирањето на ракетата „Артемис II“ предизвикало огромни нарушувања во атмосферата на Земјата што можеле да го нарушат GPS и другите комуникации.

Лансирањето на ракетата „Артемис II“ предизвика пореметување во атмосферата на Земјата, тврдат научниците

Тие велат дека мисијата „Артемис II“, која беше лансирана на 1 април 2026 година, за деветдневно патување околу Месечината, создала дупки во атмосферата на Земјата и предизвикала модулации на шок-акустични и гравитациски бранови, објави списанието „Скај ат Најт“.

„Горењето што го покачува апогејот предизвикало шок бранови и невидено големи нарушувања што се прошириле на 50 степени географска должина низ Северна Америка“, рекоа авторите на студијата.

Тие додадоа дека ова е прв пат една вселенска мисија да произведе три случаи на јоносферски нарушувања над истиот регион за време на последователни орбитални маневри. Фотографија: Танјуг/АП Фото/Крис О'Мира

Иако утврдиле дека самиот настан на лансирање на „Артемис II“ не предизвикал широко распространети прекини на GPS, тие забележале промени во јоносферата што потенцијално би можеле да предизвикаат проблеми за време на идните лансирања на ракети.

„Ваквите пречки би можеле да ги нарушат комуникациите на Земјата, на пример, со попречување на радио сигналите. Исто така, лансирањата на ракети би можеле да влијаат на други технологии на Земјата кои се потпираат на GPS за позиционирање, како што се автомобилите без возач и беспилотните летала“, се вели во студијата.

„Артемис II“ патуваше подалеку од Месечината од која било претходна мисија, користејќи ја гравитационата сила на Месечината за да се катапултира околу неа и да го започне своето враќање кон Земјата.

Ова беше првата мисија со екипаж на Месечината од програмата Аполо и беше клучна пресвртница во плановите на НАСА за воспоставување трајно човечко присуство на површината на Месечината.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Зеленски се закани: Одговорот на Украина ќе создаде мотивација за мировните преговори

Украинскиот претседател Володимир Зеленски синоќа изјави дека, како одговор на руските напади врз енергетските објекти, Украина ги продолжува операциите против руската нафтена индустрија .

Зеленски се закани: Одговорот на Украина ќе создаде мотивација за мировните преговори

Украинскиот претседател Володимир Зеленски синоќа изјави дека, како одговор на руските напади врз енергетските објекти, Украина ги продолжува операциите против руската нафтена индустрија и дека понатамошните одговори, односно целите за напади со долг дострел, веќе се утврдени.

„Благодарен сум на секоја единица за нивната прецизност и на сите наши одбранбени и безбедносни сили на Украина за систематската природа на украинските напади со долг дострел. Операцијата против руската индустрија за рафинирање на нафта продолжува, како одговор на руските напади врз украинските енергетски објекти“, рече Зеленски во објава на Телеграм, пренесува Укринформ.

Зеленски додаде дека електраните, енергетските мрежи, снабдувањето со топлина, снабдувањето со вода и цивилната логистика на територијата на Украина се под постојани напади од руски беспилотни летала и ракети „Шахид“, и дека Русија не ја менува природата на своите агресивни активности и дека ги напуштила чекорите за деескалација за кои зборуваа партнерите и дека планира понатамошни напади.

Тој рече дека искуството од хуманитарната операција во градот Олешки, кој е под руска контрола, во југоисточна Украина, каде што кон крајот на октомври беше воспоставено локално примирје за неколку дена за хуманитарни активности, покажува дека ако рускиот претседател Владимир Путин одлучи да ја запре војната, може да дојде до смирување.

„Украина не треба да биде убедена дека е потребен мир што е можно поскоро. Ние го сакаме тоа. Русија треба да одлучи дека времето за војна е завршено. Нашите напади со долг дострел, нашите напади со среден дострел, како и целиот притисок од партнерите врз Русија поради оваа војна, тоа е она што создава мотивација за вистински преговори“, нагласи Зеленски.

Тагови: Володимир Зеленски украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Иран објави снимка на воените тунели (ВИДЕО)

Државните медиуми на Иран објавија снимки за кои тврдат дека ги прикажуваат подземните тунели на морнарицата на Исламската револуционерна гарда (ИРГЦ) на југот од земјата. 

Иран објави снимка на воените тунели (ВИДЕО)

Камиони со лансери и ракетни тенкови може да се видат во ходниците. Ирански извори наведуваат дека во комплексот се складирани противбродски ракети и моторни чамци.

Снимката, исто така, го прикажува Абдолах Хаџи-Садеги, претставникот на иранскиот врховен лидер во ИРГЦ, како го обиколува комплексот со воени претставници. Лансирање ракета беше прикажано во посебни кадри, но не е потврдено дека овие сцени се снимени за време на обиколката.

Точната локација на тунелот и датумот на снимањето не се независно потврдени.

Видеото објавено по американските напади

Видеото е објавено еден ден откако САД извршија ограничени напади на иранскиот остров Кешм во Ормутскиот теснец. Американски функционер ги опиша како одбранбени напади и рече дека тие не значат враќање на големи борбени операции против Иран.

Не е потврдено дека објавувањето на снимките е поврзано со нападите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер