Зошто секогаш дома треба да имаме босилек? Се препорачува за овие тегоби - Канал 5

Рецепти

Зошто секогаш дома треба да имаме босилек? Се препорачува за овие тегоби

Босилекот не се користи само како зачин, туку на ова подрачје тој е и света билка која ја симболизира благодатта на Светиот Дух.

Зошто секогаш дома треба да имаме босилек? Се препорачува за овие тегоби

Оваа миризлива билка потекнува од Индија, каде уште пред неколку илјади години се сметала за свет дар од боговите. Старите Египќани ја користеле во религиските обреди, но и за медицински цели за што сведочат записи стари повеќе од 4 000 г. Неговиот специфичен мирис симболизира духовна чистота, па дури и го ставале во гробниците и го користеле во ритуалите посветени на животот.

Во Европа, босилекот пристигнал во 12-тиот век, благодарение на монасите кои го одгледувале во манастирските градини. Неговиот мирис често ги исполнува храмовите за време на црковните обреди, а домаќинките го одгледуваат како амајлија која носи мир во домот.

Кога ќе помислиме на босилекот, прва асоцијација најчесто е италијанската кујна, без него нема право песто, сочен доматен сос, ниту ароматична пица. Французите ја обожаваат неговата комбинација со маслиново масло, лимон и морска сол, додека во медитеранската кујна важи за зачин кој „буди апетит“.

Босилекот е чувар на здравјето, особено кај жените. Неговите лековити својства се бројни, а начинот на употреба различен – може да се пие како чај, да се користи како тинктура или во облик на етерично масло.

Чајот од босилек особено е ценет при настинка и респираторни тегоби, бидејќи го олеснува дишењето и ја ублажува кашлицата. Инхалирањето со оваа билка исто така помага при затнат нос и синуси. Топлиот напиток ги смирува нервите, помага при несоница и главоболка, а во комбинација со рузмарин станува вистински еликсир за опуштање.

На жените со изразен предменструален синдром и болни менструации им се препорачува чајот од босилек, кој природно ги намалува болките и грчевите. Чајот од босилек го подобрува варењето, ја намалува подуеноста и ја регулира столицата, истовремено помага во намалувањето на нивото на шеќер во крвта. Заради високата содржина на магнезиум го јакнее срцевиот мускул и го чува здравјето на крвните садови.

Листовите од босилек изобилуваат со витамин А и Ц, содржат корисни јаглехидрати кои ја поттикнуваат виталноста и енергијата. Освен што се користи во исхраната, свежиот босилек има и надворешна примена, неговите листови се користат како облоги на болни и отечени зглобови бидејќи делуваат антивоспалително и имаат ефект на ладење.

Благодарение на силните антиоксиданси, босилекот му помага на телото да се избори со слободните радикали, го зајакнува имунитетот, го забавува процесот на стареење на клетките. Во народната медицина, често се препорачува како природен лек против депресија, бидејќи неговиот мирис и етерични масла делуваат смирувачки на нервниот систем.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЛДП: „Нула денари“ е најскапата лага - Владата призна „Рекет на стероиди“ со авансна уплата за идни привилегии, монополи и институционална заштита!

Изјавата на премиерот дека прославите и скапите концерти низ државата ја чинеле власта „нула денари“ бидејќи биле платени од „општествено одговорни компании“ не е вест за домаќинско работење, туку официјално признание за приватизација на државата.

ЛДП: „Нула денари“ е најскапата лага - Владата призна „Рекет на стероиди“ со авансна уплата за идни привилегии, монополи и институционална заштита!

Либерално-демократската партија (ЛДП) алармира дека кога приватниот капитал тајно ги финансира државните манифестации и владината ПР-пропаганда, тоа не е филантропија, туку авансна уплата за идни привилегии, тендери и институционална заштита. Ова не е домаќинско владеење, ова е замена за класичен рекет — систем каде што приватни моќници го купуваат мирот и наклонетоста на Владата, додека граѓаните подоцна ја плаќаат сметката преку монополи и високи цени. Обвинуваа за рекет, сега гледаме маскиран и јавно признат „Рекет на стероиди“!

Залудно власта се обидува да ја замачка јавноста со фразата за „нула денари“. Прво, тие исти компании утре ќе искористат даночни олеснувања за овие спонзорства, со што државниот буџет директно ќе изгуби милионски суми од данок на добивка — што значи дека граѓаните ПАК ја плаќаат сметката! Второ, ако сѐ било приватна донација, зошто Владата ја задолжуваше Државната лотарија уште во април да распишува јавни огласи за уметници од „светска А-класа“ и зошто владини портпароли од официјални говорници најавуваа приватни концерти?

Ете зошто се промовираат монополи во авиосообраќајот и бизнисот. Ете зошто Владата свесно го одбива предлогот на ЛДП за намалување и ограничување на банкарските провизии. Оваа соголена спрега меѓу власта и корпорациите директно го објаснува однесувањето на Владата кон граѓаните. Наместо да им ги намали трошоците на граѓаните, Владата ги штити интересите на банките и олигарсите, за тие за возврат да ѝ ги финансираат сценографиите, забавите и политичкиот маркетинг.

Ваквиот нетранспарентен систем е директно спротивен на сите европски стандарди за владеење на правото и спречување судир на интереси. На Македонија ѝ се потребни Европската Унија и нејзините строги механизми токму за ваквата коруптивна спрега конечно да може правно да се гони. Затоа власта бега од нов Кривичен законик по урнек на ЕУ и бара изговори за да нема реална правна заштита.

ЛДП бара итно објавување на сите договори, спонзори и финансиски текови за одржаните манифестации на сите таканаречени „општествено одговорни компании“. Граѓаните имаат право да знаат кој ја платил државната сценографија, за утре, кога истите тие компании ќе добиваат државни тендери или лиценци, да не се чудиме зашто системот е корумпиран.

Бараме да се активира и Државната комисија за спречување на корупцијата и да направи целосно испитување на овие донации и потенцијалниот судир на интереси!

Либерално-демократска партија

Тагови: ЛДП

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Обид за атентат врз Зеленски?

Авионот на украинскиот претседател Володимир Зеленски ќе бил погоден од дрон при полетувањето од Молдавија, изјави денес норвешкиот премиер Јонас Гар Сторе, велејќи дека инцидентот ја одразува „реалноста во која се наоѓа Зеленски“.

Обид за атентат врз Зеленски?

„Неговиот авион речиси беше погоден од дрон при полетувањето од Молдавија. Тоа е реалноста во која се наоѓа“, рече Сторе.

Тој додаде дека ситуацијата во Украина е „многу драматична“ и „остава длабок впечаток“.

„Го прашав како ја поминал ноќта, а тој рече дека не било добро, бидејќи бил на телефон и добивал информации за тоа каде погодиле ракетите“, изјави Сторе за норвешкиот јавен радиодифузен сервис НРК.

Зеленски пристигна од Молдавија во Осло синоќа за да присуствува на погребот на норвешкиот крал Харалд.

Норвешкиот премиер Јонас Гар Сторе го прими украинскиот претседател во својата канцеларија утрово.

Сторе рече дека Зеленски имал средба со него, министерот за финансии Јенс Столтенберг и министерот за надворешни работи Еспен Барт Ејде веднаш по пристигнувањето во Осло во вторник вечерта.

Извор: Б92

Тагови: Володимир Зеленски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Активни пожари има во општина Струга, Македонски Брод и Чучер-Сандево

 Активни пожари има во општина Струга меѓу селата Буринец, Локов, Селце и Елевци, во општина Македонски Брод кај селото Белица и кај местото викано Рамно кај селото Брест во општина Чучер-Сандево.

Активни пожари има во општина Струга, Македонски Брод и Чучер-Сандево

Изминатото деноноќие регистрирани се 31 пожар на отворен простор, покажуваат последните информации од центарот за управување со кризи. Од нив, три се сè уште активни, четири се ставени под контрола, додека останатите се целосно изгаснати.

Надлежните служби успеале да ги стават под контрола пожарите кај селото Бенче во општина Македонски Брод, селото Тајмиште во општина Кичево, селото Грачани кај општина Ѓорче Петров, како и пожарот во Делчево каде што е зафатена градската депонија.

Тагови: пожари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер