Зошто дебелината е голем товар за целиот организам, а особено за срцето - Канал 5

Здравје

Зошто дебелината е голем товар за целиот организам, а особено за срцето

Прекумерната телесна тежина е сложена медицинска состојба која ги оптоварува виталните органи, првенствено срцето. 

Зошто дебелината е голем товар за целиот организам, а особено за срцето

Дебелината клинички се дефинира како прекумерно натрупување масти во телото што може да доведе до штетни здравствени последици. Срцето е пумпа која клетките во телото ги снабдува со крв. Кога телесната тежина се зголемува, срцето мора да работи понапорно за истата количина крв да ја достави до ткивата. Кога ова оптоварување трае долго време, срцевиот мускул се задебелува и се намалува ефикасноста на целиот кардиоваскуларен систем.

Дебелината, воспаленијата и срцето

Врската помеѓу дебелината и срцевите проблеми често се поврзува со воспалителни процеси во телото. Лекарите велат дека масното ткиво не е само складиште на енергија, туку и биолошки активен орган што лачи хормони и воспалителни супстанции. Кај дебелите луѓе, овие супстанции можат да предизвикаат хронично воспаление во крвните садови. Таквото воспаление го поттикнува формирањето на плаки во артериите и доведува до атеросклероза, состојба што е една од главните причини за срцеви и мозочни удари.

Како вишокот килограми влијае на срцето?

Вишокот килограми и здравјето на срцето се поврзани на два начини:

Висок крвен притисок - Вишокот масно ткиво ја зголемува потребата на организмот за кислород и хранливи материи, па срцето мора да пумпа повеќе крв од вообичаено. Сето тоа создава дополнителен притисок на артериите, а зголемениот крвен притисок претставува голем ризик – фактор за развој на срцева слабост.

Дебелината го зголемува нивото на „лошиот холестерол“ (LDL) и триглицеридите, а го намалува нивото на „добар холестерол“ (HDL). Ваквиот дисбаланс доведува до формирање наслаги во артериите и стеснување на крвните садови.

Инсулинска резистенција- Вишокот килограми доведува до развој на дијабетес тип 2. Покачениот шеќер во крвта ги оштетува нервите и крвните садови кои ја контролираат работата на срцето. Лицата со дијабетес имаат речиси двапати поголем ризик од развој на срцеви болести.

Опструктивна апнеа во сон – Честите прекини во дишењето во текот на ноќта предизвикуиваат пад на нивото на кислород, при што се зголемува крвниот притисок и се оптоварува кардиоваскуларниот систем.

Како да го сочувате здравјето на срцето и да го прекинете маѓепсаниот круг?

Дури и мало намалување на килограмите значајно може да го подобри здравјето на срцето. На пример, намалување на телесната тежина го снижува крвниот притисок за 5-10%, го намалува нивото на холестерол и го намалува ризикот од дијабетес тип 2.

Редовна физичка активност – Вежбањето од 15-30 минути повеќе денови во неделата го зајакнува срцето и ја одржува здравата тежина.

Исхрана богата со хранливи материи – Храна богата со влакна, немасни извори на протеини, здрави масти, со намалено внесување на преработен шеќер и заситени масти.

Лечењето на срцевите проблеми не подразбира само терапија со лекови туку сеопфатен пристап кој се занимава со причините за болеста. Ова подразбира прецизна дијагностика, мултидисциплинарен пристап, превентивни програми и минимално инванзивни процедури кои овозможуваат брзо закрепнување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Пожари веќе трет ден се шират низ неколку области на Грција, а најтешка е ситуацијата во Ретимно на Крит

Пожари веќе трет ден се шират низ неколку области на Грција, а најтешка е ситуацијата во Ретимно на Крит,исто така и пожарот на Парос повторно се разгорува.

Пожари веќе трет ден се шират низ неколку области на Грција, а најтешка е ситуацијата во Ретимно на Крит

Според информациите од координативниот центар, гаснењето на пожарот во Ретимно го отежнуваат силните ветрови и непристапниот терен, што предизвикува постојано повторно појавување на пожарот и негово ширење.

Првичните проценки покажуваат дека се изгорени повеќе од 45 илјади хектари, а се очекува конечниот исход од катастрофата да биде поголем.

Поради многу високиот ризик од нови пожари, властите воведоа привремена забрана за сообраќај и присуство на граѓани во одредени шумски области на Патрас, но и на Халкидики

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Царинска управа: На Табановце спречен обид за нелегален пренос на девизи - запленети 64 илјади евра

Царински службеници на влез на граничниот премин Табановце спречија обид за нелегален пренос на готовина во износ од 64.250 евра, пронајдени при контрола на автомобил со германски регистарски таблички со кој патувал грчки државјанин. 

Царинска управа: На Табановце спречен обид за нелегален пренос на девизи - запленети 64 илјади евра

Девизите се запленети, а против лицето е поведена прекршочна постапка пред надлежен суд.

Во конкретниот случај, на прашање на царинските службеници дали има нешто да пријави, лицето пријавило 60 илјади евра со образец издаден на влез во Република Србија. Поради сомневање во изјавата, царинските службеници заедно со полициски службеник на Фронтекс извршија детален претрес при што се пронајдени вкупно 124.250 евра. Согласно Законот за девизно работење на лицето му се вратени 60 илјади евра, а останатите се одземени.

Годинава се откриени вкупно 30 случаи на нелегален пренос на девизи, при што запленети се вкупно 820.675 евра, 141.300 британски фунти и 35 илјади австралиски долари.

Тагови: царина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп: Постигнат е договор за разоружување на Хамас и повлекување на израелските сили од Појасот Газа

Претседателот на САД, Доналд Трамп изјави дека е постигнат договор за целосно разоружување на Хамас и другите милитантни групи во Појасот Газа.

Трамп: Постигнат е договор за разоружување на Хамас и повлекување на израелските сили од Појасот Газа

Договорот е дел од мировниот план во 20 точки што беше претставен минатата година.

Овој договор е клучен чекор кон тоа Газа конечно да биде управувана од нова палестинска влада, која ќе соработува со мировниот комитет за да му помогне на палестинскиот народ, објави Трамп на социјалната мрежа „Трут соушл“.

Тој додаде дека во исто време „Израел ќе ја добие безбедноста што ја заслужува, а Газа повеќе нема да се користи како база за терористички напади.

Тагови: Доналд Трамп Хамас

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер