- Неиспровоцирани истрели од лесно оружје од страна на пакистанската армија регистрирани се на повеќе пунктови долж целата конторлна линија во Кашмир. Индиските сили соодветно одговорија, се наведува во соопштението на индиската армија.

Во пограничниот инцидент нема повредени војници.

Тензиите помеѓу двете нуклеарни сили се зголемија по терористичкиот напад во Пахалгам, во индискиот дел на Кашмир, при што загинаа 26 цивили. Индија го обвинува Пакистан за нападот.

Индиската армија вчера уништи две куќи, кои биле во сопственост на семејствата на напаѓачите.

Парламентот на Пакистан вчера едногласно усвои резолуција, со која се отфрлаат индиските обвинувања како неосновани и предупредува дека Исламабад е подготвен да се заштити.

Советот за безбедност на Обединети нации вчера апелираше до Индија и Пакистан на максимална воздржаност.

Индија и Пакистан контролираат дел од хималајската територија Кашмир, а двете полагаат право на цела територија. Спорната граница меѓу двете земји вооружени со нуклеарно оружје вклучува област долга 740 километри на Хималаите наречена контролна линија.

Индија и Пакистан се во тензични односи откако се стекнаа со независност во 1947 година. Кризата во Кашмир датира уште од 1947 година кога Велика Британија го напушти тоа подрачје без да го реши статусот на регионот. Муслиманите сочинуваат 90 отсто од популацијата на Кашмир, а по повлекувањето на Британците побараа тој регион да се присоедини на Пакистан. Тогашниот гувернер сепак одлучи Кашмир да го присоедини кон Индија. Пакистан и Индија во 1947 година ја водеа првата војна за Кашмир, а потоа војуваа повторно во 1965 и 1999 година. Индија контролира околу 45 отсто од Кашмир, Пакистан околу 35 проценти, додека Кина 20 отсто./МИА

Во рамките на саемот „Outdoor and travel fair“, кој се одржува од 25 до 27 април во трговскиот центар Скопје Сити Мол, со свој штанд се претставува и Македонскиот олимписки комитет, како дел од активностите за промоција на претстојниот Европскиот младински олимписки фестивал - ЕМОФ Скопје 2025. Штандот на МОК во Сити Мол е отворен за посетители од 11 до 18 часот.

Присуството на МОК на оваа манифестација е дел од пошироката иницијатива за вклучување на јавноста и подигнување на свеста за значењето на овој голем спортски настан, кој од 20 до 26 јули годинава ќе го донесе олимпискиот дух во Скопје и Куманово.

На штандот, посетителите имаат можност да се забавуваат преку различни интерактивни активности и игри, инспирирани од спортскиот и олимпискиот дух, како и да дознаат повеќе за самата мисија и вредности на ЕМОФ. Дополнително, сите заинтересирани кои ќе се пријават за волонтирање на фестивалот ќе добијат вредни подароци како знак на благодарност за нивната подготвеност да бидат дел од организацијата на овој престижен настан.

Штандот на МОК го посети и министерот за спорт, Борко Ристовски, кој направи обиколка и даде поддршка на активностите што се реализираат во рамки на подготовките за ЕМОФ Скопје 2025.

Македонскиот олимписки комитет ги охрабрува сите граѓани да го посетат саемот, да се информираат, да се забавуваат и да станат дел од семејството на ЕМОФ Скопје 2025. Преку учество на саемот „Outdoor and travel fair“, МОК продолжува да го гради мостот меѓу граѓаните и олимписките вредности, претставувајќи го фестивалот како настан од национално значење што ќе донесе позитивна енергија, спортски дух и незаборавни моменти за сите учесници и посетители.

Ова лето, повеќе од 4.000 учесници, вклучувајќи 900 волонтери, ќе бидат дел од ЕМОФ Скопје 2025, кој ќе се одржи од 20 до 26 јули. Натпреварите ќе се одржат во 15 спортови: атлетика, бадминтон, кошарка, баскет 3х3, кану слалом, велосипедизам, ракомет, џудо, пливање, стрелаштво, пинг понг, теквондо, одбојка, планински велосипедизам и гимнастика. За време на фестивалот, Скопје ќе биде домаќин на најголемиот дел од

натпреварите, додека Куманово ќе ги пречека велосипедистите и кошаркарите. Уникатниот спортски амбиент ќе биде дополнет со натпреварите во гимнастика, кои ќе се одржат во Осиек, создавајќи вистинска олимписка атмосфера низ различни локации.

Покрај спортските натпревари, ЕМОФ Скопје 2025 ќе понуди богата културна и едукативна програма, со цел да се поттикне меѓукултурна размена, пријателство и солидарност меѓу младите спортисти од цела Европа. Фестивалот претставува значаен чекор напред за унапредување на спортската инфраструктура и меѓународната афирмација на Македонија, а истовремено е можност младите да се вклучат и да бидат дел од нешто големо, инспиративно и обединувачко.

ЕМОФ Скопје 2025 е повеќе од спорт - тоа е прослава на младоста, ентузијазмот и заедништвото.

Две од вкупно четирите полуфинални групи овој ќе се играат во Битола, а средствата од продадените билети ќе бидат наменети за помош на семејствата на настраданите и повредените во пожарот во Кочани, во кој загинаа 61 лице.

Во воведниот дуел во рамки на групата 3 денеска ќе играат Борец и Еурофарм Пелистер 2, по што ќе следи дуелот меѓу Вардар 1961 и Бутел.

Битола ќе биде домаќин и на Групата 2, во која за пласман на завршниот турнир утре ќе се борат Еурофарм Пелистер, Куманово, Радовиш и Струга.

В недела на програмата се пресметките во Групата 4 во која се домаќинот Охрид, Прилеп, Тиквеш и Аеродром, додека последниот патник на Ф4 ќе биде познат во вторник кога ќе биде комплетирана Групата 1 во која во Скопје ќе играат Алкалоид, Мулти Есенс, Партизан Гевгелија и Пролет.