ЖРК Вардарки е најдобро рангирани тим во Европа - Канал 5

Ракомет

ЖРК Вардарки е најдобро рангирани тим во Европа

Македонскиот ракометен првак во женска конкуренција ЖРК Вардар е на врвот на ранг листата на ЕХФ, според гласање на ракометните експерти во Европа.

ЖРК Вардарки е најдобро рангирани тим во Европа

ЖРК Вардар, кој сезонава нема пораз во Лигата на шампионите, според стручните лица, е главен претендент за шампионскиот трофеј во елитното натпревраување.

- Природно е дека единствениот тим без пораз оваа сезона е на врвот на ранг листата. Заедно со Ференцварош, македонскиот тим е единствениот кој победи на сите мечеви во главната групна фаза. Во минатото коло го преживеаа гостувањето кај Турингер, но нивната неверојатната игра во одбрана и длабочината во составот е се уште доволна за да бидат главни фаворити за освојување на титулата оваа сезона. Во последните три меча два пати се домаќини, против Будуќност и Турингер и сигурно тоа им ги зголемува шансите да завршат на првото место во групата, пишува меѓу другото за ЖРК Вардар, во текстот објавен на официјалниот веб сајт на ЕХФ.

Зад македонскиот шампион на ЕХФ ранкингот се двете унгарски екипи, Ференцварош и Ѓер, по кои во „Топ 10“ следуваат: Ларвик, Букурешт, Митјиланд, Мец, Будуќност, Турингер и Есбјерг.

До крајот на главната групна фаза црвено-црните имаат да одиграат уште три натпревари, по што следуваат мечевите од четвртфиналето, а потоа и завршниот „Фајнл-фор“ турнир во мај во Будимпешта.

Следниот натпревар македонскиот шампион Вардар ќе го игра во недела со почеток од 17:30 часот, кога во СЦ „Јане Сандански“ ќе гостува големиот ривал Будуќност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Иран: Мировниот договор со САД зависи од завршувањето на војната во Либан (ВИДЕО)

Ирански функционер изјави дека спроведувањето на мировниот договор со САД не е можно без завршување на војната во Либан, што ќе биде предмет на преговори во Швајцарија. 

Иран: Мировниот договор со САД зависи од завршувањето на војната во Либан (ВИДЕО)

Иран повторува дека не сака нуклеарно оружје.

Спроведувањето на американско-иранскиот мировен договор не е можно ако војната во Либан не заврши, изјави Сејед Мехди Табатабаи, заменик за комуникации и информации во Кабинетот на иранскиот претседател. Во објава на социјалната мрежа X пред денешните преговори во Швајцарија, тој напиша: „Продолжувањето на злосторствата на ционистичкиот режим во Либан ќе доведе до поништување на целиот договор“.

Средба во Швајцарија

Главниот преговарач на Иран, Мохамад Багер Багаи, објави дека Иран ќе го покрене прашањето за кршење на првичниот мировен договор на попладневната средба, објави државната новинска агенција Фарс. Портпаролот на иранскиот преговарачки тим додаде дека делегацијата планира да ги продолжи разговорите до вечерва и дека не се очекува тие да траат подолго.

Пезешкијан за нуклеарната програма

Во меѓувреме, иранскиот претседател Масуд Пезешкијан се осврна на барањата на САД Техеран да не се стекнува со атомско оружје, истакнувајќи дека поранешниот врховен лидер на Иран веќе јасно ставил до знаење дека Иран не го сака тоа. „Единственото нешто за кое Америка се грижи е што немаме нуклеарна бомба. Ова е нешто што нашиот лидер-маченик го кажа многу пати - не сакаме атомска бомба. Америка нè замоли да го запишеме и да го потпишеме, што и го направивме“, рече Пезешкијан.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Словачкиот премиер Фицо е подготвен за преговори со Путин

Словачкиот премиер Роберт Фицо изјави дека нема да пропушти можност за дијалог со рускиот претседател Владимир Путин. 

Словачкиот премиер Фицо е подготвен за преговори со Путин

„Нема да пропуштам никаква можност за дијалог со рускиот претседател Владимир Путин“, рече Фицо во видео обраќање до граѓаните објавено на Фејсбук, како што објави ТАСС.

Премиерот нагласи дека го поддржува дијалогот со Русија, но дека во исто време одржува контакт со украинскиот претседател Володимир Зеленски, и покрај „дијаметрално спротивставените ставови за многу прашања“.

Словачка како мирна земја

Фицо нагласи дека Словачка останува мирна земја, посветена на почитување на меѓународното право.

„Треба да бидеме заинтересирани за одржување пријателски и меѓусебно корисни односи со сите што се однесуваат кон Словачка на ист начин“, изјави тој. Словачкиот премиер, исто така, го осуди она што го опиша како „двојни стандарди“ од страна на Европската Унија.

Тагови: Владимир Путин Роберт Фицо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Халанд има чудно хоби- го чини 750.000 евра (ФОТО)

Напаѓачот на Манчестер Сити, Ерлинг Халанд, направи своја колекција луксузни чанти, кои вообичаено почесто се гледаат во рацете на сопругите и девојките на фудбалерите.

Халанд има чудно хоби- го чини 750.000 евра (ФОТО)

Норвешкиот фудбалер веќе собра импресивна колекција чанти од „Хермес“, чија вредност се проценува на повеќе од 650.000 фунти (околу 754.000 евра), пишува „Дејли меил“.

Колекција вредна стотици илјади фунти

Халанд (25), кој наводно заработува 500.000 фунти неделно (околу 580.000 евра), не ја крие својата страст кон скапите модни додатоци. Највредниот предмет во неговата колекција е исклучително ретката чанта „Хермес Биркин 25 Хималаја Нилотикус крокодил“, проценета на 330.000 фунти (околу 383.000 евра), со која била видена неговата девојка Изабел Хаугсенг Јохансен. Се верува дека истиот модел го поседуваат Ким Кардашијан, Викторија Бекам и Џенифер Лопез. Исто така познат како љубител на модата, Халанд, кога пристигна на состанокот на репрезентацијата, излезе од приватен авион носејќи уште еден редок предмет - чантата „Endless Road“ Haut à Courroies изработена од кожа од Того, вредна 45.000 фунти (околу 52.000 евра). Фудбалерот лежерно ја држеше на врвот од багажникот, а модната комбинација ја комплетираше со капа свртена наназад, официјалното одело на репрезентацијата и очила за сонце.

Во последните месеци, тој беше виден со други модели на Hermès, вклучувајќи ја чантата H Togo HAC Casaque Birkin 40 Palladium од 30.000 фунти, чантата Toile Hac Birkin 40 од 37.000 фунти и чантата Evercalf Toile Cargo Haut À Courroies Birkin од 50.000 фунти.

Богатство што овозможува луксуз

Купувањето чанта Birkin не е лесно. Купувачите прво мора да создадат историја на купување за да докажат дека се редовни клиенти на Hermes. Дури и тогаш, испораката на одреден модел, особено ретки изданија, може да трае со месеци, па дури и години.

Богатството на Халанд, проценето на повеќе од 60 милиони фунти (околу 69,6 милиони евра) по потпишувањето на профитабилен договор со Манчестер Сити, јасно му дава пристап до такви ексклузивни предмети. Што се однесува до заработката, само Кристијано Роналдо, Лионел Меси и Килијан Мбапе го надминуваат во светот на фудбалот.

Покрај чантите, Халанд поседува и колекција часовници вредна милион фунти (околу 1,16 милиони евра). Неговиот најскап часовник е златниот Royal Oak Jumbo од Audemars Piguet, чија цена е 281.445 фунти (околу 326.400 евра).

Семеен живот во Чешир

Халанд живее со девојката Изабел Хаугсенг Јохансен и нивниот 18-месечен син во селски имот вреден 6,2 милиони фунти (околу 7,19 милиони евра) во Чешир. Имотот вклучува приватно езеро и куќа со десет спални соби.

Тагови: Халанд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер