Женските работнички права меѓу законите и реалноста - Канал 5

Македонија

Женските работнички права меѓу законите и реалноста

Работничките од понежниот пол и понатаму се соочуваат со најголоеми предизвици на работните места, особено во заштитата на мајчинството и сигурноста на работното место. 

Женските работнички права меѓу законите и реалноста

Први Мај за некого е симбол на освоени права, но за некого потсетник колку од нив се уште не важат еднакво за сите - Правото на мајчинството и правото на работа се уште се судираат, а штетата многу често е врз самата жена, вели Леа Огњаноска Ставровска, која е последната во низата жени кои поминаа голгота чекајќи дете, откако остана без работа на Балканскиот универзитет за време на бременоста... Токму во нејзиниот случај, наместо сигурност, бременоста значеше причина за елиминација и тест за правно институционалната заштита, вели Огњаноска Ставровска, на која не и недостигаше храброст да го дигне гласот, како поттик и за жените кои остануваат тивки помеѓу стравот за егзистенција и долгите и неизвесни правни битки. Таа потенцира дека постојат механизми за заштита, но правните празнини кои се злоупотребуваат мора да се елиминираат.

„Во однос на жените работнички треба да се има предвид и нивниот придонес како скриена работа и скриен труд кој секојденво го извршуваат, така да оваа ситуација со прекинувањето на договорите во случај на бременост, туку цела една заштита на бремените работнички, а понатака и на мајките во најранливите фази од нивниот живот, бидејќи тие подразбираат грижа за она што навистина претставува иднина на овој свет и нашето општество. Има една убава мисла што неодамна ја прочитав, вели, на светот живеат жените и нивните деца, така што веројатно тоа кажува се.“

Пораките за почитување и заштита на правата одекнаа и од првомајскиот протест – особено за работниците кои се во приватниот сектор, каде што изминатиот период беа забележани низа нерегуларности и непочитување на законите, нешта кои не треба да имаат место во 21 век.

„Најголемиот двигател во општеството е работникот, и дека треба да се промовираат правата на работниците, дека пред се треба да се заштитат правата на работнците. Не сметам дека во сите сегменти и дека сите работници се заштитени./ Навистина треба да се унапредат работничките права, зборувам за приватниот сектор, иако вработените во администрација успеа да го добијат. Она што се случува е непримерно за еден работник во 21 век да се случува, навистина она што треба да се почитува е минималните основни права да се почитуваат.“

Дека законот за работни односи мора да претрпи измени во делот на договорите на определно време, се децидни и од од Комисијата за спречување на дискриминација, кои утврдија тренд на дискриминација на жени кои за време на бременост остануваат без работа. Само лани постапувале на 14 вакви предмети, а велат дека има и случаи каде жените го губат бебето поради стрес. Пораст на вакви случаи детектира и Хелсиншкиот комитет, според кои само со законска рамка може да се овозможи заштита на бремените жени кои се работат под договори на определено време.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Воен хеликоптер се урна во Пакистан, нема преживеани (ВИДЕО)

Пакистански воен хеликоптер се урна во среда во делот на Кашмир контролиран од Пакистан, при што загинаа сите во леталото. Војската соопшти дека техничка грешка е причина за несреќата, објави „Euronews“.

Воен хеликоптер се урна во Пакистан, нема преживеани (ВИДЕО)

„Хеликоптер Ми-17 на воздухопловните сили на Пакистан се урна во близина на Музафарабад денес за време на полетувањето поради техничка грешка“, се вели во соопштението на медиумското крило на војската. Во соопштението се додава дека „сите лица во леталото постигнале шехада (мачеништво)“, но не се наведува точен број на жртви.

Несреќата се случила во близина на Музафарабад, регионалниот главен град, за време на протестите и штрајкот организиран од Заедничкиот акционен комитет Авами, неодамна забранет сојуз на неколку групи. Војската не соопшти дали има некаква врска помеѓу несреќата и протестите.

Истрага на несреќата

Сведоци рекоа дека леталото се урна кратко по полетувањето од хелиодромот. Итните служби брзо се упатија кон местото на настанот и ги однесоа жртвите во блиската болница. Војската соопшти дека „екипите за спасување и опоравување веднаш стигнале на местото на несреќата“ и дека е наредена истрага за да се утврди точната причина за несреќата.

Официјални реакции

Пакистанскиот претседател Асиф Али Зардари и премиерот Шехбаз Шариф изразија сочувство за несреќата и им оддадоа почит на жртвите. Во одделни изјави, тие им изразија сочувство на семејствата на жртвите. Началникот на пакистанската армија, фелдмаршал Асим Мунир, исто така, изрази длабока тага за загубата на животи и сочувство до семејствата на починатите, се вели во соопштението.

Спорен регион

Пакистанската војска и влада го сметаат Кашмир за исклучително чувствителна област по години чести судири и војни со Индија. Кашмир, регион со муслиманско мнозинство, е целосно побаруван и од Индија и од Пакистан, но е поделен меѓу нив откако стекнаа независност од британската власт.

Тагови: Пакистан хеликоптер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЦК на ВМРО-ДПМНЕ ги потврди одлуките на ИК за нови претседатели на комитети и донесе одлука за избор на нови 3 членови на ИК

На вечерашната седница на ЦК на ВМРО-ДПМНЕ беа потврдени одлуките за новите претседатели на ОК на ВМРО-ДПМНЕ, дополнително беа усвоени нови 3 членови на ИК на ВМРО-ДПМНЕ.

ЦК на ВМРО-ДПМНЕ ги потврди одлуките на ИК за нови претседатели на комитети и донесе одлука за избор на нови 3 членови на ИК

Нови членови на ИК на ВМРО-ДПМНЕ се Миле Лефков, Бобан Стефковски и Зоранчо Јованчев.

Миле Лефков е пратеник во македонското собрание, кој доаѓа од Кочани и претходно беше дел од извршниот комитет, искусен и докажан кадар на ВМРО-ДПМНЕ.

Бобан Стефковски е актуелен градоначалник на општина Гази Баба, кој донесе историски најдобар резултат на ВМРО-ДПМНЕ како кандидат за градоначалник и претседател на општинскиот комитет. Човек од збор кој има реализирани голем број на проекти во интерес на граѓаните.

Зоранчо Јованчев е пратеник во собранието и поранешен претседател на ОК Кавадарци. Докажан кадар кој со своето искуство ќе придонесе кон нови победи на партијата.

ВМРО-ДПМНЕ се реструктуира и реорганизира за да донесе нови успеси за Македонија.

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мистерија во Мјанмар: Американски дипломат пронајден мртов во хотел

Американски дипломат е пронајден мртов во Мјанмар, а Тајланѓанка е приведена како дел од полициската истрага за можно убиство.

Мистерија во Мјанмар: Американски дипломат пронајден мртов во хотел

Американски дипломат е пронајден мртов во Мјанмар, а Тајланѓанка е приведена како дел од истрагата, соопшти американскиот Стејт департмент во среда. Членови на дипломатската заедница во Јангон потврдија дека жената е во полициски притвор, објави „Еуроњуз“.

Стејт департментот ја потврдува смртта

Американските претставници во Тајланд и во амбасадата на САД во Мјанмар упатија прашања до Стејт департментот. Вашингтон ја потврди „смртта на вработен во американската влада“ кој работел во амбасадата во Јангон, но не даде дополнителни детали.

„Од почит кон приватноста на семејството и најблиските, во овој момент немаме дополнителни информации да споделиме“, соопшти Стејт департментот во соопштението за АП.

Истрага за можно убиство

Според тројца членови на дипломатската заедница во Мјанмар, кои зборуваа под услов на анонимност бидејќи не биле овластени да зборуваат за случајот, телото на дипломатот е пронајдено пред околу две недели во хотелот „Сакура Резиденс енд Хотел“. Имотот е комплекс со долгорочни станови популарен кај дипломати, бизнисмени и други странски посетители, и се наоѓа на околу една милја од Амбасадата на САД.

Истите извори велат дека полицијата го третира случајот како можно убиство и дека тајландскиот државјанин е во притвор.

Нема официјални информации

Властите во Мјанмар ретко даваат информации на медиумите. Дежурниот службеник од полициската станица одговорна за областа каде што се наоѓа хотелот одби да коментира за случајот, како и менаџерот на хотелот „Сакура“.

Тајландската амбасада во Јангон и тајландското Министерство за надворешни работи, исто така, одбија да одговорат дали на осомничената и е пружена конзуларна помош или да дадат дополнителни информации за случајот.

Мјанмар е сцена на конфликт со години помеѓу воената влада, која ја собори демократски избраната лидерка Аунг Сан Су Ќи во 2021 година, и разни вооружени групи составени од етнички малцинства и продемократски сили.

Извор: Б92

Тагови: Мјанмар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер