Жена што го преживеала Аушвиц добива по 200 заканувачки пораки дневно , ја чуваат специјалци

89- годишна старица , која го преживеала нацистичкиот логор Аушвиц сега е под полициска заштита , откако почнала да прима по 200 заканувачки пораки дневно.

Лилјана Сегре, која имала само 13 години кога била депортирана во Аушвиц, е доживотен сенатор, кој го водеше создавањето на италијанскиот парламентарен комитет против омраза, расизам и антисемитизам, локално позната како Комисијата на Сегре, пренесува Си-Ен-Ен.

Неодамна, околу 200 закани или агресивни вербални пораки почна да и стигнуваат преку социјалните мрежи, соопшти The Centro di Documentazione Ebraica Contemporanea (ЦДЕК), со седиште во Милано, Италија.

„Секојпат кога угледни Евреи се во центарот на вниманието во Италија, тие подлежат на антисемитски напади во социјалните медиуми“, рече Стефано Гати од ЦДЕК.

Лилиана Сегре ја чуваат двајца полицајци, откако екстремно десничарските членови на партијата Форца Нуова во вторникот поставија транспарент во Милано. Сегре таму присуствуваше на настан.

Предлогот за таканаречена комисија Сегре беше одобрен минатата недела, без поддршка од десничарските опозициски партии.

„Радикалната десница се чувствува посилна и се здобива со легитимитет, така станува поактивна“, рече Гати.

„Пред дваесет години, не смееше да се шетате низ град викајќи„ Вива ил Дуче “.

Лилјана Сегре е едно од 25 деца под 14 години кои ја преживеале депортација во Аушвиц. Подоцна била пренесена во логорот Малчов , од каде што била ослободена на 1 мај 1945 година.

Бајден со помош на Обама и Клинтон собра рекордни 25 милиони долари за својата кампања

 Кампањата за собирање средства за американскиот претседател Џо Бајден со поранешните претседатели Барак Обама и Бил Клинтон генерира над 25 милиони долари, најголема собрана сума досега во историјата на САД.

Бајден синолќа со Обама и Клинтон учествуваше во дискусија во познатата њујоршка „Радио сити мјузикл хол“, модерирана од водителот на „Лејт шоу“ (The Late Show) Стивен Колбер.

Но, настанот неколку пати беше прекинуван од демонстрантите во салата, кои скандираа против политиката на Бајден за поддршка на Израел во војната со Хамас. Еден од демонстрантите извика „Срам да ти е, Џо Бајден“. Тие исто така го прекинуваа и говорот на Обама.

Демонстрантите го прекинаа и настапот на музичарите Квин Латифа, Лизо, Бен Плат, Синтија Ериво и Леа Микеле.

Влезниците за вчерашниот предизборен митинг на Бајден чинеа од 250.000 и 500.000 долари. Дел од донаторите позираа со претседателите, а фотографиите ги направи славната фотографка Ени Лејбовиц. /МИА

Петровска: Судот донесе одлука дека Ковачки неправедно ме клеветел, се откажав од надомест

Овој е само еден од низата примери на неодговорно, нечесно и валкано однесување на политичката сцена од страна на Ковачки, вели Петровска.

Како што ветив транспарентност од почеток до крај на процесот против изнесените лаги, клевети и навреди од страна на Драган Ковачки врз мене сакам да Ве известам дека Основниот граѓански суд во Скопје по сите прикажани докази од моја страна донесе одлука со која се утврдува дека тужениот Драган Ковачки искажал невистини и лаги односно неправедно ме клеветел во јавност со цел ми го наруши угледот и честа во очите на јавноста. Ова го објави предмалку министерката за одбрана Славјанка Петровска на нејзиниот фејбук профил.

- Овој е само еден од низата примери на неодговорно, нечесно и валкано однесување на политичката сцена од страна на Ковачки. Како што кажав и на почетокот во медиумите: "Пари од нечесник не сакам" и Ве известувам дека се откажав од паричниот надомест, напиша Петровска.

На ФБ министерката за одбрана напиша дека секој го прави тоа што најдобро го знае, „тие со лагите, јас со труд и одговорна и чесна работа“.

Мериленд доби помош од 60 милиони долари по уривањето на мостот во Балтимор

Американското Министерство за транспорт денеска и додели 60 милиони долари на сојузната држава Мериленд за помош по уривањето на мостот Френсис Скот Ки откако во него удри товарен брод.

Гувернерот на Мериленд Вес Мур претходно побара средства за помош во „мобилизацијата, операциите и отстранувањето на отпадот“.

Мур додаде дека овие средства ќе ги постават темелите за брзо закрепнување.

Инаку, по уривањето неколку работници паднаа во водите на реката Патапско. Телата на двајца мажи, на возраст од 35 и 26 години, беа пронајдени во средата, на 7,6 метри под вода во реката Патапско.

Жртвите паднале од височина од 50 метри во водата, која била околу -1 Целзиусов степен во моментот на падот, изјави портпаролот на противпожарната служба во Балтимор, Кевин Картрајт.

Несреќата се случи во вторникот откако товарниот брод „Дали“ удри во еден од столбовите на мостот. /МИА

притисни ентер